តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

ន៎ុះ! មុនមិន​មែន​ចេះ​តែ​កើត​ទេ តែបើកើតអាចមាន​បញ្ហា​ទាំង​នេះ

ន៎ុះ! មុនមិន​មែន​ចេះ​តែ​កើត​ទេ តែបើកើតអាចមាន​បញ្ហា​ទាំង​នេះ

ពិតមែនហើយ គ្នាយើងមិនថា​ប្រុស​ មិនថាស្រី ច្បាស់​ជាខ្វាយខ្វល់​ខ្លាំង​ណាស់​ហើយ បើ​លើ​មុខ​សុទ្ធតែមុន មិនខ្មាស់​គេ​ មិន​អន់​ចិត្ត​ ទើបចម្លែក។ គ្នា​យើង​ភាគ​ច្រើន​ធ្លាប់​ដឹង​ហើយ ប្រភេទមុនជាច្រើន កើតអំឡុងពេលពេញវ័យ (គ្រប់ការ) ដោយសារ​បម្រែបម្រួល​អ័រម៉ូន ខ្លះ មាន​ដោយ​សារ​បញ្ហា​ស្បែក។ ប៉ុន្តែតិច​ថា​ “Hello គ្រូពេទ្យ” អត់ប្រាប់ កើតមុន ក៏អាច​ជាសញ្ញា​បញ្ជាក់ថា ​សុខភាព​កំពុង​មាន​បញ្ហា​ដូច​គ្នា។

១- បញ្ហាអ័រម៉ូន

ដូច​ប្រាប់​អ៊ីចឹង ភាគ​ច្រើន មុន កើតដោយសារ​បម្រែ​បម្រួល​អ័រម៉ូន ប៉ុន្តែ​បើ​វា​ជា​សញ្ញា​​អ័រម៉ូន​មាន​បញ្ហាវិញ យើង​ត្រូវ​ពិនិត្យ​មើល​ករណី​ខាង​ក្រោម៖

– មានគីស​ទឹក​ច្រើន​កន្លែង​លើ​ក្រពេញ​អូវែ៖ កើត​​លើ​ស្រីៗមាន​បញ្ហា​អ័រម៉ូន អ័រម៉ូនក្នុងរាងកាយគ្មានតុល្យភាព ក្រពេញ​អូវែអាច​មាន​ដុំ​ពក​ទឹក ឬដុំ​គីស ដែលគេ​ហៅថា (ដុំគីស​ទឹកច្រើនកន្លែង​លើ​ក្រពេញ​អូវែ)។

– ផលប៉ះពាល់៖ ​ស្រីៗពិបាកយក​កូន ហើយបើ​មិន​ព្យាបាល​​ទេ ​អាច​បង្ក​ឲ្យ​មាន​ជំងឺ​ទឹកនោមផ្អែម បេះដូង ​រដូវ​មិន​ទៀង ឡើង​ទម្ងន់ ឡើង​មុនពេញ​មុខ។ មុនទាំងនោះ ភាគច្រើនកើត​​លើ​ថ្ពាល់ ​ទ្រូង ​ខ្នង​ ម្ដុំ​ស្មាខាងលើ មុនពេលមករដូវ​ម្ដងៗ អាចបញ្ជាក់ថា យើងកំពុង​មាន​ជំងឺគីស​ទឹក​ច្រើន​កន្លែងលើ​ក្រពេញ​អូវែ។

– ដំណោះស្រាយ៖ តាមដាន និង​ពិគ្រោះ​ជាមួយ​​​ពេទ្យ​ ឬពេទ្យ​សើស្បែក​ ដើម្បី​រករោគសញ្ញាឲ្យ​បាន​ត្រឹមត្រូវ និង​ទាន់​ពេល ​ងាយស្រួល​ព្យាបាល។

២- បញ្ហាអ័រម៉ូនផ្សេងៗ

កើន​ចំនួន​កោសិកា​មិន​ប្រក្រតីពី​កំណើត ក្នុង​ក្រពេញ​លើ​តម្រងនោម មានន័យថា​ រាងកាយ​យើង​មិន​មាន​អង់ស៊ីមមួយចំនួន សម្រាប់​ផលិត​អ័រម៉ូនជាក់លាក់មួយចំនួន​។​ យើង​មាន​​អ័រម៉ូន​ភេទ​តិចតួច ដូចជា អ័រម៉ូន តេសស្តូស្តេរ៉ូន។

៣- វិធីព្យាបាល

បើមានជំងឺគីស​ទឹក​ច្រើន​កន្លែង​លើ​ក្រពេញ​អូវែ ​​ការព្យាបាល​ដោយ​ប្រើ​ថ្នាំ​លាប រ៉េទីណូអ៊ីត អាច​​គ្មាន​ប្រសិទ្ធភាព​ ប៉ុន្តែ​បើ​ប្រើ​ថ្នាំ​ អ័រម៉ូន​ ថ្នាំ​​ពន្យារកំណើត​ អាចមាន​ប្រសិទ្ធភាព​ខ្លះ។

ប្រភេទ​ថ្នាំ​ទាំងនេះ​ផ្ដល់​អ័រម៉ូនភេទញី អឺស្ត្រូហ្សែន ​និង​អ័រម៉ូន ប្រូសេស្តេរ៉ូន ហើយទម្រាំឃើញប្រសិទ្ធភាព ​អាច​ស៊ីពេល​យូរដល់​ទៅ​រាប់​​ខែ។

បើថ្នាំ​​ពន្យារកំណើតមិនមាន​ប្រសិទ្ធភាព​ ពេទ្យ​​នឹងណែនាំ​ឲ្យ​ប្រើថ្នាំ ​ស្ពីរ៉ូណូឡាតូន ជំនួស​វិញ ពិសេសស្រីៗជក់បារី ព្រោះឥទ្ធិពល​ផ្សែង​បារី អាច​បន្ថយ​ប្រសិទ្ធភាព​​ថ្នាំ​​ពន្យារកំណើតបាន។

អំឡុងវ័យខ្ទង់ ១០​ឆ្នាំ យើងអាចឡើងមុន ដោយសារ​បម្រែបម្រួល​អ័រម៉ូន តែបើមានរដូវអត់ទៀង ឡើងទម្ងន់ខុសធម្មតា យើងអាចមានបញ្ហាអ័រម៉ូនហើយ។ អ៊ីចឹង ត្រូវពិនិត្យ​តាម​ដាន​ជាមួយ​ពេទ្យ។

health-tool-icon

គណនាថ្ងៃសម្រាលកូន

ប្រើ​វិធី​គណនា​នេះ​​ គឺ​ដើម្បី​រក​ថ្ងៃ​សម្រាល​កូន​។ វិធី​​នេះ​អាច​ប៉ាន់ស្មាន​ថ្ងៃ​សម្រាល​បាន​ តែ​មិន​ធានា​ថា​ត្រឹម​ត្រូវ​ទាំង​ស្រុង​ទេ​។ ស្រ្តី​ភាគ​ច្រើន មិន​ទាំង​អស់​ទេ អាច​ឆ្លង​ទន្លេ​មុន​ ឬ​ក្រោយ​មួយ​សប្ដាហ៍ នៃ​ពេល​វេលា​ប៉ាន់​ស្មាន​នេះ។

រយៈពេល​វដ្ដរដូវ

28 ចំំនួន​ថ្ងៃ​

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ប្រភព

When It’s More Than Acne. http://www.webmd.com/skin-problems-and-treatments/acne/features/more-than#1. Accessed January 2, 2017.

Congenital Adrenal Hyperplasia. http://www.webmd.com/a-to-z-guides/adrenal-hyperplasia-congenital-general. Accessed January 2, 2017.

Polycystic Ovary Syndrome (PCOS) – Topic Overview. http://www.webmd.com/women/tc/polycystic-ovary-syndrome-pcos-topic-overview#1. Accessed January 2, 2017.

Acne – Cause. http://www.webmd.com/skin-problems-and-treatments/acne/acne-vulgaris-cause. Accessed January 2, 2017.

រូបថត​របស់​អ្នក​និពន្ធbadge
ដោយ យ៉ានណែត ដាញែល កែសម្រួល​ចុងក្រោយ 09/11/2021
ត្រួតពិនិត្យដោយ វេជ្ជ. ចាន់ ស៊ីណេត