តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

មុនលើមុខជាហើយ តែនៅសល់ស្នាមខ្មៅ ធ្វើម៉េចទើប​បាត់?

    មុនលើមុខជាហើយ តែនៅសល់ស្នាមខ្មៅ ធ្វើម៉េចទើប​បាត់?

    ស្នាម​មុន​! ស្នាម​ខ្មៅ​លើ​មុខ​!​ ខ្មាស​គេ​ណាស់! ទុក​យូរ​មិន​កើត​ទេ​ បើ​ទោះ​បី​ជា​ដឹង​យើង​ថា​ស្នាមនេះ​នឹង​បាត់​ទៅវិញ​ដោយ​ខ្លួន​ឯង​ក៏​ដោយ​។ ​គ្នា​យើង​​ត្រូវ​ដឹង​ថា​ ស្នាម​ខ្លះ​ត្រូវ​ការ​ពេល​យ៉ាង​ហោច​ណាស់​ ៦​ខែ​ដើម្បី​បាត់​ទាំង​ស្រុង​ពី​លើ​មុខ​ ហើយ​ទម្រង់​ខ្លះ​នៃ​ស្នាម​ដូច​ជា​ស្នាម​មក​ពី​ អាលែកហ្សុី​ ឬ​អាយុ​ នឹង​មិន​បាត់​ទៅ​វិញ​ដោយ​ខ្លួន​ឯង​ទេ​ ហើយ​​កាន់​តែ​ខ្មៅទៅវិញ​។​​ ដូច​នេះ គ្នាយើង​ចូរ​ក្រឡេក​មក​មើល​វិធីសាស្រ្តមួយ​ចំនួន​ក្នុង​ការ​លុប​ស្នាម​លើ​មុខ​នេះ​។

    អត្ថបទពាក់ព័ន្ធ៖ អ្នកមានបញ្ហាស្នាមមុនលើផ្ទៃមុខ គួរស្វែងយល់វិធីព្យាបាលទាំងនេះ

    ១- ការអត់ធ្មត់​

    គន្លឹះ​សំខាន់​​ គឺ​ការ​អត់​ធ្មត់​។ ពីរ ឬ បី​អាទិត្យ​ក្រោយ​ឡើង​មុន​ សសៃ​ឈាម​ថ្មី​នឹង​ត្រូវ​បង្កើត​នៅ​ស្បែក​​ដែល​ខូច​ ដើម្បី​ចិញ្ចឹម​កន្លែងនោះ​​ ដែល​នេះ​ជា​មូល​​ហេតុ​​យើង​ឃើញ​ស្នាម​មាន​ពណ៌​ផ្កាឈូក​។ ប៉ុន្មាន​ខែ​ក្រោយ​ ខូឡាជេន​ នឹង​ចាប់​ផ្តើម​បង្កើត​ ចាក់​បំពេញ​ស្បែក​ដែល​ខូច​នោះ។ ស្នាម​ដែល​កើត​ពី​មុន​មាន​ខ្ទុះ​ (cystic acne)​ នឹង​ត្រូវ​ការ​រយៈពេល​យ៉ាង​ហោច​ណាស់​មួយ​ឆ្នាំ​ដើម្បី​បាត់​ទៅ​វិញ​ ដោយ​សារ​មុន​ប្រភេទ​នេះ​នឹង​ទៅ​បំផ្លាញ​ជាតិ​ខ្លាញ់​និង​ស្បែក​​។

    អត្ថបទពាក់ព័ន្ធ៖

    មុន

    ២- ក្រែមការពារកម្តៅថ្ងៃ

    ការ​ប្រើ​ប្រាស់​ក្រែម​ការពារ​កម្តៅ​ថ្ងៃ​ពិត​ជា​សំខាន់ ទាំង​ពេលដែល​យើង​ព្យាយាម​ព្យាបាល​ស្នាម​មុន​ ឬ​សូម្បី​តែ​ពេល​គ្មាន​ស្នាម​។ ក្រែមការពារកម្ដៅថ្ងៃ​​មិន​ត្រឹម​តែ​ជួយ​ការពារ​ស្បែក​យើងពី កាំរស្មី​UV ទេ​ ប៉ុន្តែ​ថែមទាំងការពារ​​បញ្ហា​មហារីក​ទៀត​ផង​។

    យើងគួរ​ប្រើ​ក្រែមការពារ​កម្តៅ​ថ្ថ្ងៃ​ឲ្យ​បាន​ជាប់​លាប់​ ប្រសិន​យើង​ចង់​ឲ្យ​ស្នាម​លើ​មុខ​​បាត់​លឿន​។ ក្រែមក៏​អាច​ជួយ​ការ​ពារ​ស្នាម​មុន​ចាស់​ៗ​ និង​ស្នាម​ខ្មៅ​ដទៃ​ទៀត​មិន​ឲ្យ​ខ្មៅ​ជាង​មុនដែរ​។

    អត្ថបទពាក់ព័ន្ធ៖

    ៣- ការខាត់ស្បែក​

    ការ​ខាត់​ស្បែក​អាច​ជួយ​ឲ្យ​បាត់​ស្នាម​លឿន​ ដោយ​ការ​ជម្រុះ​នូវ​ស្បែក​ចាស់​ៗ និង​បង្កើត​ស្បែក​ថ្មី​។ ជា​ការ​ពិត​ណាស់​មាន​ជម្រើស​ច្រើន​ក្នុង​ការ​ខាត់​ស្បែក​ ដូចជា​ផលិតផល​ខាត់​ស្បែក​(scrub) និង​ក្រណាត់​ខាត់​ស្បែក​។ ទោះបីជាយ៉ាង​​ណា​ក៏​ដោយ ​យើង​​ត្រូវដឹង​ថា​​ប្រភេទ​នៃ​ផលិតផល​ខាត់​ស្បែក​ និង​ការ​ព្យាបាល​ទាំង​នេះ​ អាច​ធ្វើ​ឲ្យ​មាន​ការ​រលាក​ដល់​ស្បែក​មុខនិង​ផល​រំខាន​មួយ​ចំនួន​ដូចជា​ ឡើង​ក្រហម​ ស្ងួត​ និង​របក​ ក៏​ដូចជា​ភាព​ងាយ​រង​ប្រតិកម្ម​នៃ​ពន្លឺ​ព្រះអាទិត្យ​។ ដូច​នេះ​ ការ​ប្រើ​ក្រែម​ការពារ​កម្តៅ​ថ្ងៃ​ជា​រឿង​ដែល​ចាំ​បាច់​។​

    អត្ថបទពាក់ព័ន្ធ៖

    ៤- ផលិតផលធ្វើឲ្យស្បែកភ្លឺ

    យើង​អាច​ប្រើ​ផលិតផល​ធ្វើ​ឲ្យ​ស្បែក​ភ្លឺ​បាន​ប្រសិន​បើ​យើង​ចង់​ឲ្យ​បាត់​ស្នា​ខ្មៅ​លើ​ស្បែកបាន​រហ័ស​។​ យើង​​អាចប្រើ​អាសុីត​ កូសីក (kojic Acid) សារធាតុ​ទាញ​ចេញ​ពីដើម​ឈើ​អែម​ សារធាតុ​​អាប៊ុទីន​ សារធាតុ​ចេញពី​ដើម​មន​ និង​វីតាមីន​ C។

    យើង​​មិន​ត្រូវ​ប្រើ​ប្រាស់​ វីតាមីន​ E ទៅ​លើ​ស្នាមទាំង​នោះ​ទេ។​ យើង​ប្រហែល​ជា​ធ្លាប់​ឮ​ថា វីតាមិន​ E អាច​ជួយ​ឲ្យ​ស្នាម​មុន​បាត់​លឿន​។ ប៉ុន្តែ​ ការ​សិក្សា​ពី​សាកល​វិ​ទ្យា Miami បាន​បង្ហាញ​ថា​ការ​ប្រើ​ប្រាស់​វីតាមីន​លាប​លើ​ស្នាម​ នឹង​មិន​បន្ថយ​ការ​រលុប​ទៅ​វិញ​ទេ​។ ការ​សិក្សា​ក៏​បាន​បង្ហាញ​ផង​ដែរ​ថា ការ​ប្រើ​ប្រាស់​ វីតាមីន​E មិន​មាន​ប្រសិទ្ធភាព​អ្វី​​ទាំង​អស់​ទៅ​លើ​ស្នាម​នោះ​ទេ​ ហើយ​បញ្ហា​នេះ កាន់​តែ​ធ្ងន់​ចំពោះ អ្នក​ជំងឺ​ជាង​៩០ភាគរយ​។ ប្រសិន​បើ​ស្នាម​មុនមិន​បាត់​ទៅ​វិញ​ដោយ​ខ្លួន​ឯង យើង​​គួរ​តែ​ទៅ​ជួប​ជាមួយ​គ្រូពេទ្យ​ឯកទេស​ស្បែក​។​​ យើង​អាច​នឹង​ត្រូវ​ប្រើ​ប្រាស់​ការ​បាញ់​ឡាស៊ែរ​លើ​ស្នាម​មុន​ដើម្បី​បណ្តុះ​ខូឡាជេន​​ថ្មី​ៗ ដើម្បី​បំពេញ​ស្នាម​មុន​។

    health-tool-icon

    គណនាថ្ងៃសម្រាលកូន

    ប្រើ​វិធី​គណនា​នេះ​​ គឺ​ដើម្បី​រក​ថ្ងៃ​សម្រាល​កូន​។ វិធី​​នេះ​អាច​ប៉ាន់ស្មាន​ថ្ងៃ​សម្រាល​បាន​ តែ​មិន​ធានា​ថា​ត្រឹម​ត្រូវ​ទាំង​ស្រុង​ទេ​។ ស្រ្តី​ភាគ​ច្រើន មិន​ទាំង​អស់​ទេ អាច​ឆ្លង​ទន្លេ​មុន​ ឬ​ក្រោយ​មួយ​សប្ដាហ៍ នៃ​ពេល​វេលា​ប៉ាន់​ស្មាន​នេះ។

    រយៈពេល​វដ្ដរដូវ

    28 ចំំនួន​ថ្ងៃ​

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    ប្រភព

    How to Fade Post-Acne Red Marks, Dark Spots, Pigmentation, Etc. http://www.skinacea.com/how-to/fade-acne-marks.html#.WCVH75A2sds. Accessed November 11, 2016.

    Dark Marks and Acne Scars: Your Complete Guide http://www.teenvogue.com/story/how-to-treat-acne-scars-and-dark-marks. Accessed November 11 , 2016.

    Guide to Treating Acne Scars and Skin Damage http://www.webmd.com/skin-problems-and-treatments/acne/features/acne-scars#1. Accessed November 11, 2016.

    រូបថត​របស់​អ្នក​និពន្ធbadge
    ដោយ Chorn Sophearom កែសម្រួល​ចុងក្រោយ 01/03/2021
    ត្រួតពិនិត្យដោយ វេជ្ជ. ចាន់ ស៊ីណេត
    Next article: