តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

តិចនិកជ្រើសរើសផលិតផលឲ្យ​ត្រូវនឹង​សភាពស្បែក បង្ការ​បញ្ហាផ្សេងៗ

តិចនិកជ្រើសរើសផលិតផលឲ្យ​ត្រូវនឹង​សភាពស្បែក បង្ការ​បញ្ហាផ្សេងៗ

នៅលើទីផ្សារមានផលិតផលថែរក្សាស្បែកជាច្រើនប្រភេទ ប៉ុន្តែមិនមែនផលិតផល​ទាំង​អស់សុទ្ធតែត្រូវជាមួយស្បែកយើងទេ។ ការជ្រើសរើសផលិត​ផល​ថែរក្សា​ស្បែក​មិន​ត្រឹមត្រូវ មិនត្រឹមតែធ្វើឱ្យយើងខាតបង់ប្រាក់ទេ ថែមទាំងធ្វើឱ្យយើង​ខូចស្បែក​ទៀត​ផង។ តើយើងត្រូវជ្រើសរើសផលិតផល​បែបណាទើបត្រូវនឹងស្បែក ហើយ​យើងគួរប្រយ័ត្ន​លើ​ចំណុចណាខ្លះ?

១. ​ស្បែក​ស្ងួត

ប្រសិនបើ​មានស្បែកស្ងួត យើងត្រូវរកមើល​ផលិតផល​ដែល​មាន​ផ្ទុក​ជាតិ Shea Butter (ប័រ​សម្រាញ់​ពីគ្រាប់ shea) និង​អាស៊ីដ lactic។ វេជ្ជបណ្ឌិត Jason Green ឯកទេសរោគសើស្បែកនៅរដ្ឋ​ផ្លរីដា សហរដ្ឋអាមេរិកបានលើកឡើងថា សារធាតុផ្សំ​ទាំងនេះ​ជួយ​ផ្តល់​សំណើម និងជួយខាត់ស្បែកក្នុងកម្រិតស្រាលដែលធ្វើឱ្យស្បែកយើងភ្លឺថ្លា។​

២. ស្បែកងាយប្រតិកម្ម

ប្រសិនបើយើងមានស្បែកងាយប្រតិកម្ម យើងត្រូវរកមើលផលិតផលដែលមានធាតុផ្សំពីប្រទាលកន្ទុយក្រពើ ស្រូវសាលីអូត និង shea butter ព្រោះសារធាតុផ្សំទាំងនេះជួយផ្តល់​សំណើម​ និង​​​មិន​ធ្វើ​ឱ្យស្បែកឡើងមុន​។

៣. ស្បែកខ្លាញ់

ប្រសិនបើមានស្បែកខ្លាញ់ យើងត្រូវរកមើលផលិតផលដែលមានអាស៊ីដ alpha hydroxy (អាស៊ីដ glycolic ឬ អាស៊ីដ salicylic ), benzoyl peroxide និងអាស៊ីដ hyaluronic ព្រោះសារធាតុផ្សំទាំងនេះមានប្រសិទ្ធភាពក្នុងការគ្រប់គ្រងការផលិតជាតិខ្លាញ់ ខណៈ​អាស៊ីដ hyaluronic ជួយផ្តល់សំណើមដល់ស្បែក​​។

ស្បែកខ្លាញ់

ចង់គណនា BMR ចុចទីនេះ!
ចង់ពិនិត្យសុខភាពប្រព័ន្ធរំលាយអាហារ ចុចទីនេះ!
ចង់គណនារង្វាស់ចង្វាក់បេះដូង ចុចទីនេះ!
ចង់គណនាថ្ងៃមេជីវិតញីទុំធ្លាក់ ចុចទីនេះ!

ពេលទិញផលិតផលយើងគួរជ្រើសរើសផលិតផលដែលមានធាតុផ្សំដូច​ជា៖

  • Glycerin៖ វេជ្ជបណ្ឌិត David បានលើកឡើងថា Glycerin ជាសារធាតុផ្តល់សំណើមដ៏សំខាន់
  • អាស៊ីដ Ceramides និង hyaluronic៖ គ្រឿងផ្សំទាំងពីរនេះគឺ​ជា​ភ្នាក់ងារផ្តល់សំណើមដែលដូចនឹងសំណើមធម្មជាតិនៅក្នុងស្បែក​​របស់យើង
  • អាស៊ីដ L-Ascorbic (វីតាមីន C)វីតាមីន C ជាពិសេសក្នុងទម្រង់​អាស៊ីដ l-ascorbic គឺជាសារធាតុប្រឆាំងអុកស៊ីតកម្ម​ដែល​អាចជួសជុលស្បែកពីការបំផ្លាញដោយកម្មកាំរស្មី UV និងជំរុញឱ្យស្បែក​​ផលិត​ខូឡាជែន
  • Tocopherol (វីតាមីន E)៖ វីតាមីន E មាននាទីប្រហាក់ប្រហែលនឹងវីតាមីន C ហើយមានប្រសិទ្ធភាព​បំផុត​នៅពេល​ប្រើរួមជាសារធាតុផ្សំជាមួយវីតាមីន C
  • Retinol៖ ជាសារធាតុសំខាន់នៅក្នុងផលិត​ផលថែរក្សាស្បែក​ពេល​យប់​​​ដែលមាន​ប្រសិទ្ធភាពជួយជួសជុលកោសិកាស្បែក និងជំរុញការផលិតខូឡាជែន
  • Niacinamide (វីតាមីន B3)៖ ​ល្អ​សម្រាប់​ការ​គ្រប់​គ្រង​ជាតិ​ខ្លាញ់ ​ផ្តល់​សំណើម​ដល់​ស្បែក ​និង​ធ្វើឱ្យ​ស្បែក​មានពណ៌ស្មើគ្នា​។

ទន្ទឹមនឹងនោះយើងគួរចៀសវាងផលិតផលដែលមានសារធាតុផ្សំដូចខាង​ក្រោម៖

  • ក្លិនក្រអូប៖ ផលិតផលដែលមានបន្ថែមក្លិនក្រអូបងាយនឹងធ្វើឱ្យស្បែកយើងអាលែកហ្ស៊ី និងរលាក ជាពិសេសប្រសិនបើយើងមានស្បែកងាយប្រតិកម្ម។
  • សារធាតុស៊ុលហ្វាត៖ ​ជាសារធាតុ​សម្អាតដែល​អាចធ្វើឱ្យស្បែក និង​សក់របស់យើងបាត់បង់ជាតិ​ប្រេង​ធម្មជាតិ និងអាចបណ្តាលឱ្យស្បែក​យើងរលាក។
  • ប៉ារ៉ាបិន៖ ជាសារធាតុគីមីដែលគេនិយមដាក់ក្នុងផលិតផលដើម្បីការពារការលូតលាស់របស់បាក់តេរី។ អ្នកជំនាញក្នុងផ្នែកឧស្សាហកម្មហៅសារធាតុនេះថា អ្នកធ្វើត្រាប់តាម​អ័រម៉ូនអ៊ឹស្ត្រូសែន។ ប៉ារ៉ាបិន​អាចធ្វើឱ្យយើងអតុល្យភាព​អ័រម៉ូនដែលបណ្តាល​ឱ្យ​មាន​បញ្ហាសុខភាព ប្រសិនបើយើងប្រើប្រាស់ក្នុងរយៈពេលយូរ។
  • សារធាតុ formaldehyde និងសារធាតុបញ្ចេញ formaldehyde
    សារធាតុ formaldehyde ជាសារធាតុរក្សាទុក និងធ្វើឱ្យស្បែកយើង​ងាយប្រតិកម្ម។ យើង​អាចនឹងកម្រឃើញសារធាតុ formaldehyde​ នៅក្នុងបញ្ជី​ធាតុ​ផ្សំរបស់​ផលិតផល​ថែស្បែក ព្រោះសារធាតុនេះត្រូវបានចាត់ថ្នាក់ថាជាសារធាតុបង្កមហារីក ប៉ុន្តែ​លោក​វេជ្ជបណ្ឌិត David ឯកទេសរោគសើស្បែកបានលើកឡើងថា ជារឿយៗសារធាតុ​នេះ​ត្រូវបានជំនួសដោយសារធាតុគីមីដែលមានឈ្មោះខុសៗគ្នាដូចជា Quanterium-15, DMDM hydantoin, diazolinge urea ឬ imidazolidinge urea ដែលនឹង​បញ្ចេញ​សារធាតុ​ formaldehyde បន្តិចម្ដងៗ។

មុនទិញ ឬមុនប្រើផលិតផលថែស្បែក យើងគួរសាកល្បង​លាបផលិតផល​លើ​ស្បែក​ខ្នងដៃយើងបន្តិចសិន ដើម្បីប្រាកដថា ផលិតផលថែស្បែកនេះ​ត្រូវនឹង​ស្បែក​របស់​យើង។ ប្រសិនបើក្រោយពីលាបហើយ ស្បែកខ្នងដៃរបស់​​យើងឡើងកន្ទួល រមាស់ តឹង ឬស្ទះរន្ធញើស នោះបញ្ជាក់ថាផលិត​ផល​​​ថែស្បែក​ហ្នឹង​មិនត្រូវ​នឹង​ស្បែក​របស់យើងទេ។

គួរអាន៖

health-tool-icon

គណនាថ្ងៃសម្រាលកូន

ប្រើ​វិធី​គណនា​នេះ​​ គឺ​ដើម្បី​រក​ថ្ងៃ​សម្រាល​កូន​។ វិធី​​នេះ​អាច​ប៉ាន់ស្មាន​ថ្ងៃ​សម្រាល​បាន​ តែ​មិន​ធានា​ថា​ត្រឹម​ត្រូវ​ទាំង​ស្រុង​ទេ​។ ស្រ្តី​ភាគ​ច្រើន មិន​ទាំង​អស់​ទេ អាច​ឆ្លង​ទន្លេ​មុន​ ឬ​ក្រោយ​មួយ​សប្ដាហ៍ នៃ​ពេល​វេលា​ប៉ាន់​ស្មាន​នេះ។

រយៈពេល​វដ្ដរដូវ

28 ចំំនួន​ថ្ងៃ​

Verifying...

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕


អត្ថបទពាក់ព័ន្ធ

ប្រើ​ផលិតផលលាបក្លៀក អាច​ប៉ះពាល់​សុខ​ភាព​អត់?

ផលិតផល​ថែ​ស្បែក​ទាំង​នេះ​ ​ជួយ​ឲ្យ​ស្បែក​ភ្លឺ​ថ្លា​ក្រោយ​​ភ្ញាក់​ពី​គេង​​​​​​​​​​​​​​​​​​​​​​​​​​​​​​​​​​​​​​​​​

គ្រឿង​ផ្សំ​ក្នុង​ផលិតផលគួរ​ចៀសវាង​ បើស្បែក​ងាយ​ប្រតិកម្ម​

សញ្ញា​ទាំង​នេះ​ បញ្ជាក់​ថា​​ប្រើ​​​ផលិតផល​ថែ​សម្រស់​មិន​ត្រូវ​នឹង​ស្បែក​​

ចង់ទិញផលិតផលលាបស្បែក ត្រូវចេះមើលប៉ុន្មានចំណុចនេះ

កាណាដា រឹបអូសផលិតផលកម្ចាត់មុនខុសច្បាប់ ប៉ះពាល់អ្នកប្រើប្រាស់

ស្រីៗយើងគួរថែទាំស្បែកមុខយ៉ាង​ម៉េច កុំ​ឲ្យ​ឡើង​មុន? 

កំហុស​ថែស្បែកមុខទាំងនេះ អាចធ្វើឲ្យមានបញ្ហាលើសដើម

ក្តៅ​​ចង់ឆេះ​អ៊ីចឹង ថែស្បែកម៉េចកុំឲ្យខ្មៅ ខ្លោច?


រូបថត​របស់​អ្នក​និពន្ធbadge
ដោយ សុខ វណ្ណ កែសម្រួល​ចុងក្រោយ 07/02/2022
ត្រួតពិនិត្យដោយ វេជ្ជ. ចាន់ ស៊ីណេត