តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

ស្រីៗ​យើង នេះជារបៀបធ្វើក្រែមលាបមាត់ងាយៗតាមបែបធម្មជាតិ

    ស្រីៗ​យើង នេះជារបៀបធ្វើក្រែមលាបមាត់ងាយៗតាមបែបធម្មជាតិ

    ក្រែមលាបមាត់គឺជាមិត្តដ៏ជិតស្និទ្ធរបស់ស្រ្តី ព្រោះផ្តល់ភាពទាក់ទាញដល់បបូរមាត់ និងជួយលើក​សម្រស់ផ្ទៃមុខ។ យើងអាចធ្វើក្រែមលាបមាត់​ងាយៗតាមបែបធម្មជាតិបាន ចៀសវាង​ទិញប៉ះ​ក្រែម​លាបមាត់ដែលមានផ្ទុកសារធាតុគីមី និងសារធាតុសំណដែលបង្កគ្រោះថ្នាក់ដល់សុខភាពយើង។ តោះមកដឹងពីរបៀបធ្វើក្រែមលាបមាត់ងាយៗ និងអត្ថប្រយោជន៍របស់វត្ថុធាតុដើមនីមួយៗ។

    ១. វត្ថុធាតុដើម

    ក. ក្រមួនឃ្មុំ ២ ស្លាបព្រាបាយ

    ក្រមួនឃ្មុំគឺជាសារធាតុការពារធម្មជាតិដែលអាចការពារបបូរមាត់យើង​ពីការបំផ្លាញពីបរិស្ថានដូចជាស្ងួត ឬប្រេះបបូរមាត់ និងជួយរក្សាសំណើម​​ឱ្យបបូរមាត់។ ម្យ៉ាងទៀត ក្រមួនឃ្មុំក៏មានផ្ទុកវីតាមីន A ដែល​ជួយឱ្យបបូរមាត់មានសំណើម។ ជាងនេះទៅទៀត ក្រមួនឃ្មុំជួយឱ្យវត្ថុធាតុ​ដើម​ធ្វើ​ក្រែមលាប​បបូរ​មាត់ទាំងអស់កកផ្តុំចូលគ្នា។

    ខ. ប្រេងដូង ២ ស្លាបព្រាបាយ

    ប្រេងដូងមានផ្ទុកវីតាមីន E ដែលមានសមត្ថភាពក្នុងការរក្សាសំណើមខ្ពស់ និងជួយទប់ស្កាត់​ការ​ប្រេះ​បបូរមាត់។ លើសពីនេះទៅទៀត ប្រេង​ដូង​ក៏ជួយឱ្យវត្ថុធាតុដើមធ្វើក្រែមលាបបបូរ​មាត់ទាំងអស់កក​ផ្តុំ​ចូលគ្នាដូចក្រមួនឃ្មុំដែរ។ យើងអាចជ្រើសរើសប្រេងដូង ឬក្រមួនឃ្មុំ ឬប្រើទាំងប្រេងដូង និង​ក្រមួន​ឃ្មុំក៏បាន។

    គ. ទឹកឃ្មុំ ឬប្រេងគ្រាប់អាល់មុន ឬប្រេងអូលីវ ១ ស្លាបព្រាកាហ្វេ

    ទឹកឃ្មុំ ឬប្រេងគ្រាប់អាល់មុន ឬប្រេងអូលីវជួយឱ្យបបូរមាត់មានសភាពទន់ល្មើយ ខណៈទឹកឃ្មុំ​ធ្វើ​ឱ្យក្រែម​លាបមាត់មានរសជាតិផ្អែមជាងគ្រាប់​អាល់មុន ឬប្រេងអូលីវ។

    ឃ. ប្រេងក្រអូប ៣ ទៅ ៥ ដំណក់

    ប្រេងក្រអូបចម្រាញ់ពីជីរអង្កាមជាជម្រើសល្អបំផុត តែយើងក៏អាចប្រើប្រេងក្រអូបចម្រាញ់​ពីក្លិន​ផ្សេងៗ​ទៅតាមចំណង់ចំណូលចិត្តដូចជា ផ្កាឡាវេនឌឺ ឈើអែម ឬក្រូចឆ្មារដើម្បីឱ្យក្រែមលាប​បបូរមាត់​យើងមានក្លិនក្រអូប។

    ង. ទឹកថាយថាវក្រហម ១ ស្លាបព្រាបាយ

    យើងអាចប្រើទឹកថាយថាវក្រហមដើម្បីបន្ថែមពណ៌ផ្កាឈូកឱ្យក្រែម​លាប​បបូរមាត់ និងធ្វើឱ្យ​បបូរ​មាត់​យើងមានពណ៌ផ្កាឈូក។

    ទឹកថាយថាវក្រហម

    ចង់គណនា BMI ចុចទីនេះ!
    ចង់គណនា BMR ចុចទីនេះ!
    ចង់គណនារង្វាស់ចង្វាក់បេះដូង ចុចទីនេះ!
    ចង់ពិនិត្យសុខភាពប្រព័ន្ធរំលាយអាហារ ចុចទីនេះ!

    ច. វីតាមីន E ៣ គ្រាប់

    យើងក៏អាចបន្ថែមវីតាមីន E ដើម្បីឱ្យក្រែមលាបបបូរមាត់កាន់តែមានជាតិសំណើម និងធ្វើឱ្យបបូរ​មាត់​ទន់​រលោង ព្រោះវីតាមីន E ជាសារធាតុចិញ្ចឹមស្បែក និងជាសារធាតុប្រឆាំងអុកស៊ីតកម្ម​ដែល​ការពារ​ស្បែកពីការបំផ្លាញរបស់បរិស្ថាន។ ពិសេសជាងនេះទៅទៀត វីតាមីន E ក៏ជួយឱ្យក្រែមលាប​បបូរ​មាត់​ដែលធ្វើហើយទុកបានយូរ មិនងាយខូច។

    health-tool-icon

    រង្វាស់ចង្វាក់បេះដូង

    លោកអ្នក​អាច​គណនាដឹងពី​ "អត្រាបេះដូងលោតពេលសម្រាក" ធម្មតា និង​អតិបរមា ​ទៅ​តាម​កម្រិត​អាយុ របៀប​ហាត់ប្រាណ​ និង​សកម្មភាព​ផ្សេង​ទៀត​ដែល​អាច​ជះឥទ្ធិពលដល់​ ចង្វាក់បេះដូងលោត។

    ប្រុស

    ស្រី

    អ្នក​ពិនិត្យ​ឲ្យ​អ្នក​ណាដែរ?

    អត្រាបេះដូងលោតពេលសម្រាក របស់អ្នក​ចំនួន​ប៉ុន្មានដែរ? (ដង/នាទី)

    60

    ២. វិធីធ្វើ

    ក្រៅពីវត្ថុធាតុដើម យើងត្រូវការឆ្នាំង ទឹក (កន្លះឆ្នាំង) កែវ បំពងក្រែម​លាបបបូរមាត់ទទេរ ឬក្រឡតូច​ទុកដាក់ក្រែមលាបបបូរមាត់ដែលធ្វើហើយ។

    • មុនដំបូងយើងត្រូវដាំទឹកឱ្យក្តៅដោយប្រើភ្លើងល្មម
    • បន្ទាប់មកដាក់ក្រមួនឃ្មុំចូលកែវ ហើយដាក់កែវចូលឆ្នាំង រួចកូរ
    • ពេលក្រមួនឃ្មុំរាងរលាយ យើងអាចដាក់វត្ថុធាតុដើមផ្សេងទៀតចូលកែវ​ដើម្បីកូរឱ្យរលាយចូលគ្នា​ឱ្យសព្វ លើកលែងតែប្រេងក្រអូបដែលត្រូវដាក់ក្រោយគេ
    • រួចចាប់លើកកែវចេញពីឆ្នាំង (ប្រយ័ត្នរលាកដៃព្រោះកែវក្តៅ)
    • បន្ទាប់មកចាក់វត្ថុធាតុដើមទៅក្នុងបំពងក្រែមលាបបបូរមាត់ទទេរ ឬក្រឡតូច ហើយគ្របឱ្យជិត
    • ជាចុងក្រោយយកក្រែមលាប​បបូរមាត់ទៅកា្លសេក្នុងទូទឹកកក​មួយយប់​ដើម្បី​ឱ្យ​ក្រែម​លាប​បបូរ​មាត់ឡើងរឹង

    បន្ទាប់ពីក្រែមលាបមាត់ឡើងរឹង យើងអាចលាបលើបបូរមាត់ជំនួសក្រែមធម្មតាបាន។ យើង​ក៏​អាច​សាក​ប្រើប្រេងក្រអូប​ដែលមានក្លិនខុសៗ​នៅពេលធ្វើក្រែមលាបបូរមាត់លើកក្រោយ​ទៀត​ដើម្បីប្តូរ​ក្លិន និងបង្កើនភាពច្នៃប្រឌិត។

    អត្ថបទគួរអាន៖

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    រូបថត​របស់​អ្នក​និពន្ធbadge
    ដោយ សុខ វណ្ណ កែសម្រួល​ចុងក្រោយ 08/08/2022
    ត្រួតពិនិត្យដោយ វេជ្ជ. ចាន់ ស៊ីណេត
    Next article: