home

យើង​គួរ​ធ្វើ​ម៉េច​ខ្លះ ដើម្បី​កែលម្អ​បញ្ហា​នេះ?

close
chevron
អត្ថបទ​នេះ​មាន​កំហុស ព័ត៌មាន​ ឬ​តួលេខ​មិន​ត្រឹមត្រូវ
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
អត្ថបទ​នេះ​មាន​ព័ត៌មានមិន​គ្រប់គ្រាន់
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
ហមមម... ខ្ញុំ​មាន​ចម្ងល់​ពី​បញ្ហា​សុខភាព​ខ្លះ​ចង់​សាកសួរ
chevron

ថ្វី​ត្បិត​តែ​ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​​ក៏​ពិត​មែន ប៉ុន្តែ​ពួក​យើង​ពិត​ជា​ស្វាគមន៍​រាល់​មតិ​កែលម្អិត​ទាំង​អស់​របស់​លោក​អ្នកដែល​តែងតែ​តាមដាន Hello គ្រូពេទ្យ ជា​ប្រចាំ។ សូម​វាយ​បញ្ចូល​មតិយោបល់​របស់​លោកអ្នក​ក្នុង​ប្រអប់​ខាងក្រោម។

wanring-icon
ប្រសិន​បើ​បងប្អូន​កំពុង​ប្រឈម​នឹង​បញ្ហា​សង្គ្រោះបន្ទាន់​ កុំបង្អង់​សូម​ខល​ទាក់ទង​ទៅសេវាសង្គ្រោះ​បន្ទាន់​ភ្លាម​ ឬ​ទៅ​មន្ទីរពេទ្យ ឬ​កន្លែង​សង្គ្រោះ​បន្ទាន់​ដែល​នៅ​ជិត​លោក​អ្នក​បំផុត។

ឬ​ចម្លង​តំណភ្ជាប់

តិចនិក​ធម្មជាតិ​​ ថែទាំ​ស្បែក​ស្ងួតក្នុង​​រដូវ​រងា

តិចនិក​ធម្មជាតិ​​ ថែទាំ​ស្បែក​ស្ងួតក្នុង​​រដូវ​រងា

អ្នក​ដែល​មាន​ស្បែក​ស្ងួត​ ច្បាស់​ជា​មាន​ការ​ព្រួយ​បារម្ភ​​ខ្លាំង​ណាស់​ចំពោះ​ស្បែក​នៅ​រដូវ​នេះ​​ ពីព្រោះ​វា​អាច​ធ្វើ​ឲ្យ​ស្បែក​មាន​បញ្ហា​ជា​ច្រើន​​កើត​ឡើង​។​ ពិត​ណាស់​ ការ​ថែទាំ​ស្បែក​ឲ្យ​មាន​សំណើម​ និង​ចៀស​ឆ្ងាយ​ពី​បញ្ហា​ស្បែក​​ស្ងួត​ ជ្រីវជ្រួញ​ គឺ​ទាម​ទារ​ឲ្យ​យើង​ត្រូវ​យក​ចិត្ត​ទុកដាក់​ឲ្យ​បាន​ដិតដល់​ នៅ​ពេល​ដែល​យើង​មាន​អារម្មណ៍​ថា​ អាកាសធាតុ​ត្រជាក់​ជិត​ចូល​មក​ដល់​។ ហេតុនេះ​ហើយ​ ដើម្បី​ការពារ​​ស្បែក​ពី​អាកាសធាតុ​ត្រជាក់​ និង​រក្សា​ស្បែក​ឲ្យ​មាន​សុខភាព​ល្អ​ ​យើង​គួរ​តែ​ផ្លាស់ប្ដូរ​ទម្លាប់​ថែទាំ​ស្បែក​ខ្លះ​ៗ​ នៅ​ក្នុង​រដូវ​នេះ​។

. កុំ​​ងូត​​ទឹក​យូរ​ពេក​​​

​​ជា​ធម្មតា​ ការ​ងូត​ទឹក​ក្ដៅ​នៅ​ក្នុង​រដូវ​នេះ​ គឺ​ពិត​ជា​ផ្ដល់​នូវ​អារម្មណ៍​ស្រស់​ស្រាយ​​​​ ព្រម​ទាំង​ផាសុខភាព​ដល់​យើង​ជាក់​ជា​មិន​ខាន​។​ ប៉ុន្តែ​ វា​ក៏​មាន​ផល​ប៉ះពាល់​យ៉ាង​ធ្ងន់ធ្ងរ​​ដល់​ស្បែក​របស់​យើង​ផង​ដែរ​ ពីព្រោះ​វា​​ស្រូប​យក​នូវ​ប្រេង​ធម្មជាតិ​នៃ​ស្បែក​របស់​យើង​ ហើយ​បណ្ដាល​ឲ្យ​​ស្បែក​​កាន់​តែ​ស្ងួត​ទ្វេដង។​ ដូច​នេះ​ ចូរ​កំណត់​​​ពេលវេលា​ងូត​ទឹក​ឲ្យ​បាន​ត្រឹមត្រូវ​ ដើម្បី​កាត់​បន្ថយ​ភាព​​ស្ងួត​នៃ​ស្បែក​។​

​​​​​​. ផ្ដល់​សំណើម​ដល់​ស្បែក​ភ្លាម​ៗ​​​បន្ទាប់​ពី​ងូត​ទឹក​រួច

ជា​ទូទៅ​ ​ស្បែក​របស់​យើង​​នៅ​មាន​ភាព​សើម​តិច​តួច​ បន្ទាប់​ពី​ងូត​ទឹក​រួច។​ ហេតុនេះ​ហើយ​ ​ការ​លាប​ក្រែម​ផ្ដល់​​សំណើម​​ដល់​ស្បែក​ភ្លាម​ៗ​ នឹង​ធ្វើ​ឲ្យ​ស្បែក​យើង​ស្រូប​យក​ជាតិ​ក្រែម​បាន​ល្អ​ ​ព្រម​ទាំង​អាច​រក្សា​សំណើម​បាន​យូរ​ថែម​ទៀត​ផង​​។

. បង្កើត​ទម្លាប់​ថែទាំ​ស្បែក​​​ទៅ​តាម​រដូវ​កាល

រដូវ​រងា​ ​អាច​នាំ​មក​នូវ​បញ្ហា​ស្បែក​​ជាច្រើន​ ដែល​ទាមទារ​ឲ្យ​យើង​ត្រូវ​ស្វែងរក​ដំណោះ​ស្រាយ​​សមស្រប​ឲ្យ​បាន​ទាន់​ពេល​វេលា​។ ដូច​នេះ​ យើង​គួរ​តែ​បង្កើត​​ទម្លាប់​ថែទាំ​ស្បែក​សម្រាប់​រដូវ​រងា​នេះ​​ ​ ដែល​អាច​​ការពារ​ស្បែក​ពី​​បញ្ហា​ស្បែក​​ស្ងួត​គ្រើម​ ​​និង​មិន​ភ្លឺ​ថ្លា​​។ ជាមួយ​គ្នា​នេះ​ដែរ​ ការ​ជ្រើសរើស​ ផលិតផល​​​ថែទាំ​ស្បែក​ដែល​មាន​​ជាតិ​សំណើម​ខ្ពស់​ គឺ​ជា​រឿង​ចាំបាច់​បំផុត​ដែល​​យើង​មិន​គួរ​មើល​រំលង​ឡើយ​។​

ស្បែកស្ងតគ្រើម

. ពាក់​​ស្រោម​ជើង​​ពេល​គេង

មនុស្ស​ភាគ​ច្រើន​ ប្រឈម​​នឹង​បញ្ហា​ស្ងួត​ជើង​ ​​នៅ​ក្នុង​អំឡុង​ពេល​រដូវ​រងា​នេះ​ ដែល​អាច​ធ្វើ​ឲ្យ​មាន​បញ្ហា​​​ប្រេះ​កែង​ជើង​​ ​និង​មាន​ភាព​ឈឺ​ចាប់​ជាដើម​​។​ ដូច្នេះ​ហើយ​ យើង​គួរ​លាប​​ក្រែម​ផ្តល់​សំណើម​ ឬ​ប្រេង​ចាហួយ​ ​​ព្រម​ទាំង​ពាក់​ស្រោម​ជើង​មុន​ពេល​ចូល​គេង​ឲ្យ​បាន​ខ្ជាប់ខ្ជួន​​។​

ការ​ផ្លាស់ប្ដូរ​ទម្លាប់​ថែទាំ​ស្បែក​​ដ៏​តិចតួច​នេះ​​ នឹង​ធ្វើ​ឲ្យ​ស្បែក​យើង​លែង​មាន​បញ្ហា​តទៅ​នេះ​​ ​នៅ​គ្រប់​រដូវ​កាល​។

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ប្រភព

https://www.healthshots.com/beauty/skin-care/dry-skin-care-tips-5-ways-to-keep-your-skin-nourished-in-winter/

រូបថត​របស់​អ្នក​និពន្ធbadge
ដោយ នូ សោភ័ណ្ឌ កែសម្រួល​ចុងក្រោយ 21/12/2020
ត្រួតពិនិត្យដោយ វេជ្ជ. វេជ្ជ. ចាន់ ស៊ីណេត
x