ការបណ្ដុះបណ្ដាលឲ្យកូនចេះឯករាជ្យ និងពឹងលើខ្លួនឯងឲ្យបានច្រើន គួរចាប់ផ្ដើមតាំងពីកូននៅក្មេងៗ ហើយវិធីសាស្ត្រដ៏ល្អបំផុតក្នុងការបង្រៀនកូន គឺបង្កើតគោលការណ៍សាមញ្ញៗ ដែលធ្វើឲ្យក្មេងពឹងលើប៉ាម៉ាក់កាន់តែតិចទៅៗ។
មាតិកា
ចង់ឲ្យកូនចេះឯករាជ្យតាំងពីក្មេង ប៉ាម៉ាក់គួរអនុវត្តតិចនិកទាំង៥នេះ
១. ឲ្យកូនចេះស្លៀកពាក់ដោយខ្លួនឯង
ពិតណាស់ ប៉ាម៉ាក់គួរឲ្យកូនរៀនស្លៀកពាក់ដោយខ្លួនឯង ទោះជាក្មេងត្រូវការពេលវេលាយូរបន្តិចក៏ដោយ។ បន្ថែមពីនេះ យើងអាចចាប់ផ្ដើម ដោយឲ្យកូនជ្រើសរើសពណ៌សំលៀកបំពាក់ដែលខ្លួនពេញចិត្ត និងលើកទឹកចិត្តកូនចំពោះអ្វីដែលកូនព្យាយាមធ្វើ។
២. បង្រៀនជំនាញដែលកូនចាប់អារម្មណ៍
តើកូនចូលចិត្តមើលប៉ាម៉ាក់ជួសជុលរបង គ្រឿងអេឡិចត្រូនិក ដេរប៉ាក់ ឬធ្វើសកម្មភាពលំហែដូចជាឡើងភ្នំដែរឬអត់? បើកូនចាប់អារម្មណ៍កិច្ចការទាំងនោះ ប៉ាម៉ាក់គួរបង្រៀនកូនពីរបៀបធ្វើ ពីព្រោះថាក្មេងអាចនឹងបង្កើនគំនិតច្នៃប្រឌិតលើសពីអ្វីដែលខ្លួនបានរៀនទៅទៀត។
ចង់គណនាទម្ងន់ស្រ្តីពពោះ ចុចទីនេះ!
ចង់ដឹងអត្ថន័យពណ៌ និងរូបរាងលាមកទារក ចុចទីនេះ!
៣. ឲ្យកូនរួមចំណែកធ្វើការងារផ្ទះ
ទន្ទឹមនឹងនេះដែរ កុមារទាំងអស់ រួមទាំងក្មេងដែលទើបចេះដើរតេះតះ ក៏អាចជួយការងារនៅក្នុងផ្ទះបានដែរ។ ប៉ាម៉ាក់អាចចាប់ផ្ដើមឲ្យកូនធ្វើការងារងាយៗ ដូចជាបត់សំលៀកបំពាក់ ឬបោសសម្អាតផ្ទះជាដើម។ ការចូលរួមចំណែកក្នុងកិច្ចការទាំងនេះ អាចជួយឲ្យកូនយល់ដឹងពីសារៈសំខាន់ និងតម្លៃនៃការងាររបស់ខ្លួន។
៤. ផ្ដល់ឱកាសឲ្យកូនជួយការងារផ្ទះបាយ
សកម្មភាពក្នុងការរៀបចំអាហារសម្រាប់គ្រួសារ ជាការបង្ហាញនៃក្ដីស្រលាញ់។ ហេតុនេះហើយ ប៉ាម៉ាក់គួរបង្រៀនកូនឲ្យចេះជំនាញមួយនេះ ដើម្បីឲ្យកូនអាចសាកល្បងញ៉ាំអាហារថ្មីៗ និងមានទំនុកចិត្តលើខ្លួនឯង នៅពេលដែលចម្អិនអាហារ ក៏ដូចជាបង្កើនពេលវេលាល្អៗ អំឡុងពេលធ្វើម្ហូបអាហារជាមួយប៉ាម៉ាក់។
អត្ថបទគួរអាន៖
- កូនចូលចិត្តញ៉ាំក្រៀមក្រោះ ល្អ ឬមិនល្អ? ប៉ះពាល់ការលូតលាស់ ឬអត់?
- ឮតែល្បី SYNBIOTICS! ជាអ្វីឲ្យប្រាកដ? មានប្រយោជន៍អ្វីខ្លះ?
- អាហារកូនៗចូលចិត្ត ពង្រឹងប្រព័ន្ធភាពស៊ាំចៀសផុតពីជំងឺផ្សេងៗ
- រោគសញ្ញា និងវិធីដោះស្រាយបញ្ហាជ្រាបពោះវៀនលើក្មេង
- កូនផឹកទឹកដោះគោ គួរផ្ដល់វីតាមីនបំប៉នឲ្យញ៉ាំទៀត ឬអត់?
- អាហារល្អសម្រាប់សុខភាពក្រពះ–ពោះវៀនកូន ម៉ាក់ៗគួរជ្រើសរើស
៥. ផ្ដល់ជម្រើសល្អៗដល់កូន
ជាមួយគ្នានេះដែរ ទោះបីជាកូនមានសេរីភាពក្នុងការធ្វើរឿងរ៉ាវដែលខ្លួនពេញចិត្តក៏ពិតមែន ប៉ុន្តែត្រូវស្ថិតក្នុងដែនកំណត់មួយ។ ការផ្ដល់ជម្រើសឲ្យកូន មិនមែនមានន័យថា ក្មេងអាចធ្វើអ្វីតាមតែអំពើចិត្តនោះទេ។ ដូច្នេះហើយ ប៉ាម៉ាក់គួរផ្ដល់ជម្រើសដ៏សមស្របឲ្យកូនក្នុងការជ្រើសរើស។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
7 Ways to Encourage Independence
https://hollismontessori.org/blog/2019/8/20/7-ways-to-encourage-independence
Teaching Responsibility to Your Children
https://centerforparentingeducation.org/library-of-articles/responsibility-and-chores/developing-responsibility-in-your-children/
Promoting Young Children’s Independence
https://ourladyofvictoryschool.org/promoting-young-childrenaposs-independence
7 Smart Tips for Getting Your Child More Involved in School
https://www.methodschools.org/blog/7-smart-tips-for-getting-your-kid-more-involved-in-school
កំណែប្រែបច្ចុប្បន្ន
23/09/2024
អត្ថបទដោយ នូ សោភ័ណ្ឌ
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ នូ សោភ័ណ្ឌ
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម