យើងដឹងស្រាប់ហើយថា ចង់ទៅណាមកណាអំឡូងពេលផ្ទូះ COVID-19 ពិបាកបន្តិច ដោយសារហានិភ័យក្នុងការឆ្លង។ បើតាមការណែនាំពីក្រសួងសុខាភិបាល បើពុំចាំបាច់ កុំចេញពីផ្ទះឲ្យសោះ តែចៃដន្យ បើកូនយើងឈឺ មានអាការៈមិនស្រួល ចង់នាំកូនទៅពេទ្យ យើងគួរធ្វើម៉េចល្អ? ខាងក្រោមនេះ ជាអ្វីដែលម៉ាក់ប៉ាគួរដឹង ដើម្បីត្រៀមខ្លួន មុនចង់យកអាអូនទៅពិនិត្យនៅពេទ្យ៖
៤ យ៉ាង ម៉ាក់ប៉ាគួរដឹង មុននាំកូនទៅពេទ្យអំឡុងផ្ទុះកូវីដ ១៩
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
១. សួរមន្ទីរពេទ្យពីការប្រុងប្រយ័ត្នសុវត្ថិភាព
មន្ទីរពេទ្យ ក៏ដូចជាការិយាល័យគ្រូពេទ្យ ច្បាស់ជាយកចិត្តទុកដាក់ខ្ពស់ចំពោះសុវត្ថិភាពសុខភាពរបស់អ្នកជំងឺនីមួយៗហើយ។ ប៉ុន្តែ បើយើងមានចម្ងល់ពាក់ព័ន្ធនឹងវិធានការការពាររបស់ខាងមន្ទីរពេទ្យ ឬគ្លីនិក យើងគួរតែខលទៅសួរព័ត៌មានជាមុន។ វិធានការការពាររបស់មន្ទីរពេទ្យភាគច្រើនមានដូចជា៖
២. ជួបជាមួយគ្រូពេទ្យតាមទូរស័ព្ទ បើអាច
នៅតាមមន្ទីរពេទ្យច្បាស់ជាមានវិធានការការពារសុវត្ថិភាពសុខភាពរបស់មនុស្សគ្រប់រូបដែលចេញចូលមន្ទីរពេទ្យហើយ។ ប៉ុន្តែ យើងអាចសាកសួរមន្ទីរពេទ្យ ឬគ្លីនិក ថាតើមានផ្ដល់សេវាពិនិត្យមើលស្ថានភាពសុខភាពតាមរយៈអនឡាញដែរ ឬអត់? ចំពោះជំងឺទូទៅមួយចំនួន អាចពិនិត្យមើលតាមរយៈអនឡាញបានដូចជា អាលែកហ្ស៊ី ផ្ដាសាយធម្មតា កន្ទួល រមាស់ ឬឆ្លងមេរោគលើស្បែក។ល។
៣. ពាក់ម៉ាស់ និងលាងដៃ
មធ្យោបាយមួយចំនួនដែលមានប្រសិទ្ធភាពក្នុងការការពារឆ្លងវីរុស COVID-19 ក៏សាមញ្ញបំផុតដែរ នោះគឺការពាក់ម៉ាស់ និងការលាងដៃជាមួយសាប៊ូ ទឹកស្អាត ឬប្រើអាល់កុល ឬជែលលាងដៃ។ ម៉ាក់ប៉ាត្រូវប្រាកដថា កូនៗរបស់យើង (អាយុ២ឆ្នាំឡើងទៅ) ពាក់ម៉ាស់ពេលទៅជួបគ្រូពេទ្យ និងលាងដៃបានញឹកញាប់។
៤. រៀបចំខ្លួនសម្រាប់ការជួបពេទ្យ
មិនថាយើងណាត់ជួបពេទ្យដោយផ្ទាល់ ឬតាមរយៈអនឡាញទេ យើងគួរតែត្រៀមសំណួរ ឬកត់ទុកបញ្ហាដែលធ្វើឲ្យយើងបារម្ភជាមុន ដើម្បីបង្ការ ការភ្លេចរាល់ចម្ងល់ ឬសំណួរសំខាន់អ្វីមួយទាក់ទងនឹងជំងឺ និងការថែទាំអាអូន។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម