ទារកខ្លះយំទារបៅនៅពេលយប់ច្រើនដង ឯខ្លះទៀតទារម៉ឹមតែ១-២ដង/យប់ ឬក៏ដេកលក់ស្កប់ស្កល់មួយយប់ទល់ភ្លឺ មិនខ្ចីទារបៅក៏មាន។ បើអាអូននៅតូចអ៊ីចឹង យប់ឡើងដេកលក់ភ្លឹង មិនសូវយំទារបៅ តើយើងគួរដាស់កូនឲ្យកូនម៉ឹមអត់?

ចម្ងល់នេះ លោកវេជ្ជបណ្ឌិត ចាន់ ស៊ីណេត ប្រធានផ្នែកសម្ភព និងរោគស្ត្រី នៃមន្ទីរពេទ្យបង្អែកមិត្តភាពកម្ពុជា-ចិន សែនសុខ បកស្រាយថា ទារកគេងពេលយប់ ម៉ាក់ៗគួរដាស់កូនឲ្យម៉ឹម ឬមិនដាស់នោះ អាស្រ័យទៅលើលក្ខខណ្ឌអាយុកូន តើកូនទើបនឹងកើត ឬកើតបានប៉ុន្មានខែហើយ? តើកូនស្ទើរគីឡូអត់? ហើយកូនមានបញ្ហាសុខភាពផ្សេងទៀតទេ?

ចង់គណនាថ្ងៃសម្រាលកូន ចុចទីនេះ !

ចង់គណនាទម្ងន់ស្រ្តីពពោះ ចុចទីនេះ !

ចង់គណនាថ្ងៃមេជីវិតញីទុំធ្លាក់ ចុចទីនេះ !

ចង់ដឹងអត្ថន័យពណ៌ និងរូបរាងលាមកទារក ចុចទីនេះ !

លោកវេជ្ជបណ្ឌិតថា បើទារកទើបនឹងកើត នោះការបំបៅកូនក៏ញឹកញាប់ដែរ កូនអាចបៅទាំងថ្ងៃទាំងយប់ ហើយកូនកាន់តែធំ នោះចំនួននៃការបៅកាត់បន្ថយបន្តិចម្តងៗ ពេលខ្លះពេលយប់កូនមិនទារបៅផង។

លោកវេជ្ជបណ្ឌិតបានបន្តថា តាមធម្មតាក្រោយពីកើតបានប៉ុន្មានថ្ងៃ ទារកនឹងស្រកគីឡូប្រមាណជា ៥-១០% នៃទម្ងន់ពេលកើត ដោយសារតែទារកមិនទាន់សម្របខ្លួននឹងបរិយាកាសខាងក្រៅបាន។ អ៊ីចឹងហើយ ម៉ាក់ៗអាចព្យាយាមឲ្យកូនរៀនជញ្ជក់ក្បាលដោះឲ្យបានញឹកញាប់មិនថា ពេលថ្ងៃ ឬយប់នោះទេ ទើបកូនទទួលបានសារធាតុចិញ្ចឹមគ្រប់គ្រាន់ អាចនឹងឡើងគីឡូវិញលឿន។

ចំពោះកូនកើតមុនខែ ឬកើតមកមិនគ្រប់គីឡូវិញ ត្រូវការអាហារូបត្ថម្ភលើសក្មេងធម្មតា បែបនេះហើយម៉ាក់ៗត្រូវតែឲ្យកូនម៉ឹមញឹកញាប់ ទោះជាពេលយប់កូនខ្លះមិនយំទារម៉ឹម យើងត្រូវតែដាស់ឲ្យម៉ឹមដែរ ម៉ាក់ៗអាចកំណត់ម៉ោង ២-៣ម៉ោង ឲ្យកូនម៉ឹមម្តង។ ធ្វើបែបនេះទាល់តែកូនឡើងគីឡូគ្រប់តាមស្តង់ដារ។

បំបៅដោះ

តើទារកទើបកើតបៅញឹកញាប់ប៉ុនណា? លោកស្រីវេជ្ជបណ្ឌិត ជា ម៉ារី ប្រធានស្ដីទីកម្មវិធីជាតិអាហារូបត្ថម្ភ នៃក្រសួងសុខាភិបាល ឆ្លើយថា បញ្ហានេះមិនអាចកំណត់ ឬមានកាលវិភាគត្រឹមត្រូវឡើយ។ លោកស្រីបានបន្តទៀតថា ការឲ្យទារកបៅមិនគួរកំណត់ម៉ោងឡើយ ព្រោះទារកទើបនឹងកើត យំឃ្លានគ្រប់ពេល ពេលណាយំគឺអាចឲ្យបៅបាន ចំណែកទារកខ្លះស្លូតមិនយំទារបៅ អាចឲ្យ ២-៣ ម៉ោងម្ដង។ អំឡុងសប្ដាហ៍ដំបូង ទារកបៅតិច តែញឹកញាប់ យើងត្រូវបំបៅកូនយ៉ាងហោចណាស់ ៨-១២ដង/ថ្ងៃ មានន័យថាកូនអាចបៅពី ១ ម៉ោងកន្លះ ទៅ ២ ម៉ោងម្ដង។

អត្ថបទគួរអាន៖

ទារកគេងលក់ មិនយំទារបៅពេលយប់ ម៉ាក់ៗគួរដាស់ឲ្យម៉ឹមអត់?