គ្នាយើងដឹងច្បាស់ហើយថា ទឹកដោះម្ដាយល្អមានសារធាតុចិញ្ចឹម និងប្រយោជន៍ដល់កូនណាស់។ ប៉ុន្តែបើម៉ាក់ៗឈឺ អត់ស្រួលខ្លួន តើអាចបង្កបញ្ហាដល់កូនកំពុងបៅដែរអត់? ស្ដាប់ “Hello គ្រូពេទ្យ” បកស្រាយខាងក្រោម៖
មាតិកា
បើម៉ាក់ឈឺ អត់ស្រួលខ្លួន បំបៅដោះកូន ប៉ះពាល់កូនអត់?
១- ម្ដាយគួរបំបៅដោះកូនពេលកំពុងឈឺអត់?
ស្ទើរគ្រប់កាលៈទេសៈទាំងអស់ ម្ដាយអាចបំបៅកូនបាន ទោះអត់សូវស្រួលខ្លួនក៏ដោយ។ ពេលក្អក ម៉ាក់ៗប្រាកដជាបារម្ភខ្លាចឆ្លងដល់កូន មិនហ៊ានឲ្យកូនបៅទេ។
ចង់គណនាថ្ងៃមេជីវិតញីទុំធ្លាក់ ចុចទីនេះ!
ការពិត មិនគួរផ្អាកបំបៅកូនទេ ព្រោះរាងកាយម៉ាក់ៗបានបង្កើតអង់ទីករការពារមេរោគរួចហើយ ក្នុងអំឡុងពេល ២៤ ម៉ោងដំបូងក្រោយឆ្លងមេរោគ។ គ្រាន់តែថា ក្នុងពេល ២៤ ម៉ោងដំបូង ម៉ាក់ៗមិនមានរោគសញ្ញាឈឺអីទាំងអស់ប៉ុណ្ណោះ។ អង់ទីករទាំងនោះ អាចបន្តរស់នៅក្នុងរាងកាយម៉ាក់បានរយៈពេលពី ៤-៥ថ្ងៃ។
ដោយសាររាងកាយម៉ាក់ៗបង្កើនប្រព័ន្ធភាពស៊ាំការពារមេរោគ ម៉ាក់បានបញ្ជូនអង់ទីករការពារទៅកូនតាមទឹកដោះរួចទៅហើយ ដើម្បីការពារកូន ពេលបៅដោះ។
ពេលកណ្ដាស់ ផ្ដាសាយ គ្រុនក្ដៅ ឬមានមេរោគធ្វើឲ្យរលាកក្រពះ ពោះវៀន គ្នាយើងស្រីៗនៅតែអាចបំបៅដោះកូនដដែល។ ដើម្បីជាការប្រុងប្រយ័ត្ន គួរលាងដៃស្អាតនឹងសាប៊ូសិន មុនបំបៅកូន និងកុំឲ្យដៃ និងមុនកូន នៅជិតមុខ ឬដៃយើង។ បើសិនចាំបាច់ត្រូវប្រើថ្នាំព្យាបាល គួរច្របាច់បង្ហូរទឹកដោះចេញ កុំឲ្យកូនបៅ ឬសុំការណែនាំពីពេទ្យជំនាញ មុនឲ្យកូនបៅ ពេលកំពុងប្រើថ្នាំទាំងនោះ។
២- ពេលណាម្ដាយមិនអាចបំបៅកូនបាន?
បើទារកមានអាយុតិចជាង ៣ សប្ដាហ៍ មិនគួរបំបៅដោះ ពេលមានជំងឺទេ ព្រោះទារកងាយឆ្លងណាស់។ បើមានជំងឺមួយចំនួន ដូចជា ខ្សោយបេះដូង ខ្សោយតម្រងនោម ខ្វះឈាមក្រហមធ្ងន់ធ្ងរ ឬស្គមរ៉ាំរ៉ៃ គួរចៀសវាងបំបៅកូន ព្រោះរាងកាយត្រូវស្តុកជាតិខ្លាញ់គ្រប់គ្រាន់ ដើម្បីអាចផលិតទឹកដោះបាន។
ចំណែកជំងឺមួយចំនួនទៀតមាន៖
– របេង៖ បើម៉ាក់ៗមានជំងឺរបេងមិនទាន់ព្យាបាល គួរចៀសវាងបំបៅកូន ប៉ុន្តែអាចបន្តបំបៅដោះកូនបាន ២ សប្ដាហ៍ក្រោយព្យាបាលជា។
– ជំងឺរលាកថ្លើមប្រភេទ A ឬ B៖ អាចបំបៅបាន បើកូនលេបថ្នាំ Gamma globulin ចាក់វ៉ាក់សាំងការពាររលាកថ្លើមប្រភេទ B។
ថ្នាំមួយអាចប៉ះពាល់ដល់ទារក ពេលបំបៅ។ ម៉ាក់មិនគួរបំបៅដោះកូន បើម៉ាក់កំពុងប្រើថ្នាំ ដូចជា ថ្នាំប្រឆាំងមហារីក ថ្នាំការពារក្រពេញទីរ៉ូអ៊ីត ថ្នាំប៉េនីស៊ីលីន លីធ្យូម ថ្នាំងងុយគេង និងគ្រឿងញៀនផ្សេងៗ។
ពេលអត់ស្រួលខ្លួន ម៉ាក់ៗត្រូវញុំាទឹកឲ្យច្រើនដើម្បីសម្បូរទឹកដោះ និងរាងកាយរឹងមាំ។
អត្ថបទគួរអាន៖
- ក្មេងកើតអូទីស្សឹមអាចព្យាបាលជាទេ?
- អូទីស្សឹម អាចជាមូលហេតុធ្វើឲ្យខ្លាញ់ល្អក្នុងឈាម HDL ធ្លាក់ចុះទាប
- អាហារស្រីៗពពោះគួរញ៉ាំ និងមិនគួរញ៉ាំ ការពារកូនកុំឲ្យកើតមកមានបញ្ហាអូទីស្សឹម
- តិចនិកសាមញ្ញ អាចជួយក្មេងៗរើបម្រះពីជំងឺអូទីស្សឹមបាន
- ពិតទេ ក្មេងៗមើលទូរស័ព្ទយូរ អាចកើតអូទីស្សឹម?
- បើកូនកើតអូទីស្សឹម គួរយកទៅព្យាបាលនៅពេទ្យណា?
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Can I breastfeed when I’m sick?
http://www.parents.com/advice/babies/breastfeeding/can-i-breastfeed-when-im-sick/
Is It Safe to Breastfeed When You’re Sick?
http://www.parents.com/baby/breastfeeding/problems/is-it-safe-to-breastfeed-when-sick/
Is it safe to breastfeed if I’m sick?
http://www.babycenter.com/404_is-it-safe-to-breastfeed-if-im-sick_10370370.bc.
កំណែប្រែបច្ចុប្បន្ន
17/03/2023
អត្ថបទដោយ CHIN Ven
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ នូ សោភ័ណ្ឌ
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម