ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ទឹកដោះម្ដាយប្រែប្រួលតាមដំណាក់កាលវិវត្តរបស់ទារក។ ម៉ាក់ៗផលិតទឹកដោះដំបូង បន្ទាប់មកទឹកដោះធម្មតា និងចុងក្រោយទឹកដោះសម្រាប់កុមារលូតលាស់។ តើប្រែប្រួលម៉េចខ្លះទៅ?
ទឹកដោះដំបូងមានត្រឹម ២-៣ ថ្ងៃដំបូង ក្រោយសម្រាលកូនប៉ុណ្ណោះ។ វាខាប់ មានពណ៌ថ្លា ឬលឿងប្រឿងៗ ហើយវាមានជាតិប្រូតេអ៊ីនខ្ពស់ ខ្លាញ់ វីតាមីនរលាយក្នុងខ្លាញ់ ជាតិរ៉ែ និងសារធាតុចិញ្ចឹមផ្សេងៗ។ ទឹកដោះដំបូងជាអង់ទីករសំខាន់សម្រាប់ការពារកុមារមិនឲ្យឆ្លងមេរោគផ្សេងៗ។
ទឹកដោះធម្មតា ជំនួសទឹកដោះដំបូង ហើយវាខាប់ជាង ដូចក្រែម។ វាផ្សំឡើងពីកម្រិតខ្លាញ់ខ្ពស់ រួមជាមួយឡាក់តូស និងវីតាមីនរលាយក្នុងទឹក។ ទឹកដោះប្រភេទនេះ ចាប់ផ្ដើមាន ២-៥ ក្រោយសម្រាល រហូតដល់ ១០-១៤ ថ្ងៃក្រោយសម្រាល។
ពេលផលិតទឹកដោះធម្មតា ដោះម៉ាក់ៗកាន់តែធំ រឹងជាងមុន ឬមានអារម្មណ៍ឈឺសង្កៀរ ព្រោះវាមានផ្ទុកទឹកដោះច្រើនជាងទឹកដោះដំបូង។ គ្នាយើងអាចដោះតឹងណែន ដែលពិបាកឲ្យកូនម៉ឹមបន្តិច។ គួរម៉ាស្សាជុំវិញក្បាលដោះដើម្បីឲ្យចេញទឹកដោះ មុនពេលបំបៅ។
ច្របាច់ឲ្យទឹកដោះមានលើចុងដោះ ដើម្បីកូនងាយស្រួលបៅ ព្រោះទារកច្រើនរករឿង ពេលបឺតមិនចេញ ហើយព្យាយាមឲ្យកូនបៅឲ្យបានទៀងទាត់ ដើម្បីកាត់បន្ថយភាពតឹងណែនក្នុងដោះ។
ពេលអាអូនបឺតម៉ឹម ម៉ាក់ៗមានអារម្មណ៍ឈឺឆៀបៗ។ នេះជាសញ្ញាប្រាប់ថា ទឹកដោះកំពុងហូរពីកោសិកាផលិតទឹកដោះទៅកាន់បំពង់បង្ហូរទឹកដោះឲ្យកូនបៅ។ ដំណើរការស្រៀវនេះ គេហៅថា “ការរំញោចឲ្យបញ្ចេញទឹកដោះ” ដែលកើតឡើងពេលបេប៊ីចាប់ផ្ដើមបឺតក្បាលដោះម៉ាក់ៗ។ ពេលរស្រៀវនេះកើតឡើង ទារកចាប់ផ្ដើមសប្បាយបៅ ព្រោះទឹកដោះចេញច្រើន ហើយម៉ាក់នឹងឮសំឡេងកូនលេបទឹកដោះក្អឹកៗ។ ម្យ៉ាងទៀត ពេលមាន “រំញោចឲ្យបញ្ចេញទឹកដោះ” ដោះម្ខាងទៀតរបស់ម៉ាក់ៗ ក៏ស្រៀវៗមានហូរចេញទឹកដោះពីក្បាលដោះតិចៗដែរ។
ចង់គណនាទម្ងន់ស្រ្តីពពោះ ចុចទីនេះ!
ចង់គណនាថ្ងៃមេជីវិតញីទុំធ្លាក់ ចុចទីនេះ!
ចង់ដឹងអត្ថន័យពណ៌ និងរូបរាងលាមកទារក ចុចទីនេះ!
បំបៅដោះ អាចធ្វើឲ្យរាងកាយបញ្ចេញអ័រម៉ូន អុកស៊ីតូស៊ីន។ ប៉ុន្មានសប្ដាហ៍ដំបូងពេលបំបៅដោះ អ័រម៉ូននេះអាចធ្វើឲ្យស្បូនឈឺក្រោយសម្រាលកូន។ ព្យាយាមសម្រាកឲ្យបានច្រើន ព្រោះស្ត្រេស អារម្មណ៍មួម៉ៅដោយសារឈឺចាប់ និងអស់កម្លាំង អាចបណ្ដាលឲ្យទឹកដោះតិចទៅៗ។
បំបៅទារកទើបកើតឲ្យបានចន្លោះពី ៨-១២ ដង/ថ្ងៃ។ ពេលថ្ងៃអាចត្រូវបំបៅចន្លោះពី ១ម៉ោងកន្លះ ទៅ ៣ ម៉ោងម្ដង ហើយបំបៅម្ដងៗ ចាប់ពី ១០ នាទីដល់ជិត ១ ម៉ោង។ យូរៗទៅ រយៈពេល និងចំនួនដងបំបៅដោះកូននឹងប្រែប្រួល (តិចជាងមុន) អាស្រ័យលើតម្រូវការរបស់ទារក។
វាកើតក្រោយទឹកដោះធម្មតា ពោលគឺ ២ សប្ដាហ៍បន្ទាប់ពីសម្រាលកូន ហើយទឹកដោះប្រភេទនេះមានច្រើនដូចទឹកដោះធម្មតាដែរ ប៉ុន្តែរាវជាង ហើយមានទឹកច្រើនប្រមាណ ៩០% សម្រាប់បំពេញជាតិទឹកឲ្យកូន ហើយ ១០% ទៀតជាកាបូអ៊ីដ្រាត (ជាតិស្ករ) ប្រូតេអ៊ីន និងខ្លាញ់សម្រាប់ផ្ដល់ថាមពល និងការលូតលាស់។
ដោះម៉ាក់ៗចាប់ផ្ដើមប្រែជាទន់ តូចជាងដំណាក់កាលផលិតទឹកដោះធម្មតា ប៉ុន្តែនៅធំជាងមុនពេលពពោះ។ ការប្រែប្រួលទំហំដោះ និងទឹកដោះ ជារឿងធម្មតាទេ ហើយធម្មជាតិបង្កើតបែបនេះ គឺដើម្បីផ្ដល់សារធាតុចិញ្ចឹមសម្រាប់ការលូតលាស់របស់ទារក។
ទឹកដោះសម្រាប់វ័យលូតលាស់នេះ មាន ២ ប្រភេទ គឺ Foremilk (បៅដំបូង) និង Hindmilk (បៅចុងបញ្ចប់)។ Foremilk ជាទឹកដោះពេលកូនចាប់ផ្ដើមម៉ឹមដំបូង ដោយវាមានទឹក វីតាមីន និងប្រូតេអ៊ីន។ Hindmilk ជាទឹកដោះចេញពេលកូនម៉ឹមជិតអស់ ដោយវាមានកម្រិតជាតិខ្លាញ់ខ្ពស់។ ទឹកដោះសម្រាប់វ័យលូតលាស់នេះ នឹងអស់ ពេលម៉ាក់ៗផ្ដាច់ដោះ។
អត្ថបទគួរអាន៖
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម
