ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ការស្ទះទឹកដោះក្រោយសម្រាលអាចកើតឡើងចំពោះម៉ាក់ៗមួយចំនួន ដែលបណ្តាលឱ្យតឹង និងឈឺសុដន់ ហើយអាចមិនមានទឹកដោះឱ្យអាអូនបៅ។ ប្រសិនបើម៉ាក់ៗស្ទះទឹកដោះ អាចមានអាការៈអ្វីខ្លះ? ហើយគួរធ្វើម៉េច?
ប្រសិនបើម៉ាក់ៗស្ទះទឹកដោះ អាចមានអាការៈដូចជា៖
ប្រសិនបើម៉ាក់ៗស្ទះទឹកដោះ អាចសាកល្បងតាមវិធីដូចខាងក្រោម ព្រោះបើទុកយូរអាចបណ្តាលឱ្យម៉ាក់ៗរលាកសុដន់៖
ម៉ាក់ៗគួរបំបៅដោះ ឬបូមទឹកដោះខាងសុដន់ដែលស្ទះ (អាចម្ខាង ឬសងខាង) រៀងរាល់មួយម៉ោងកន្លះទៅពីរម៉ោងម្តងដើម្បីជួយបង្ហូរទឹកដោះ និងបើកបំពង់ទឹកដោះដែលស្ទះ។
ពេលម៉ាក់ៗបំបៅដោះ ឬបូមទឹកដោះ ម៉ាក់ៗត្រូវប្រាកដថាគ្មានទឹកដោះនៅសល់ក្នុងសុដន់។ បន្ទាប់ពីបំបៅដោះរួច ម៉ាក់ៗគួរច្រចាច់សុដន់មើល ថាតើនៅមានទឹកដោះចេញមកទៀតទេ? បើនៅមាន ម៉ាក់ៗគួរបន្តបំបៅអាអូន ឬបូមទឹកដោះបន្តរហូតដល់អស់ដើម្បីកុំឱ្យទឹកដោះស្ទះបំពង់ទឹកដោះ នៅពេលក្រពេញទឹកដោះផលិតទឹកដោះថ្មី។
មុនបំបៅ ឬបូមទឹកដោះ ម៉ាក់ៗអាចយកកន្សែងស្អាតជ្រលក់ទឹកក្តៅឧណ្ហៗ ពូតឱ្យស្ងួតបន្តិច រួចស្អំសុដន់កន្លែងដែលស្ទះ ១៥-២០ នាទីដើម្បីបើកបំពង់ទឹកដោះ។
ម្យ៉ាងទៀត ការងូតទឹកក្តៅឧណ្ហៗក៏អាចជួយបានដែរ។ ពេលងូតទឹក ម៉ាក់ៗត្រូវបង្ហូរទឹកក្តៅឧណ្ហៗលើសុដន់ដែលស្ទះ ហើយម៉ាក់ៗក៏អាចយកក្រាសដែលមានធ្មេញធំៗមកសិតថ្នមៗពីគល់សុដន់មកចង់សុដន់ដើម្បីជួយបើកបំពង់ទឹកដោះដែលស្ទះដែរ។
ម៉ាក់ៗអាចប្តូរឥរិយាបថក្នុងការបំបៅអាអូនដូចជា អង្គុយបំបៅដោយដាក់អាអូននៅក្រោមដោះម៉ាក់ៗដើម្បីឱ្យទំនាញផែនដីជួយបង្ហូរទឹកដោះពីដោះម៉ាក់ៗ។
លើសពីនេះទៅទៀត ពេលបំបៅ ម៉ាក់ៗគួរដាក់ចង្កា និងច្រមុះអាអូនឱ្យចំកន្លែងដែលមានដុំរឹង ដូច្នេះពេលអាអូនបៅ អាអូននឹងបៅចំបំពង់ទឹកដោះដែលស្ទះ ហើយចង្កាអាអូនអាចប៉ះកន្លែងដែលមានដុំរឹង ក៏ដូចជាជួយម៉ាស្សាឱ្យម៉ាក់ៗដែរ។
ចង់គណនាថ្ងៃមេជីវិតញីទុំធ្លាក់ ចុចទីនេះ!
ចង់គណនាថ្ងៃសម្រាលកូន ចុចទីនេះ!
ចង់គណនាទម្ងន់ស្រ្តីពពោះ ចុចទីនេះ!
ចង់ដឹងអត្ថន័យពណ៌ និងរូបរាងលាមកទារក ចុចទីនេះ!
មុនពេល ឬពេលម៉ាក់បំបៅដោះ ឬបូមទឹកដោះ ម៉ាក់ៗគួរម៉ាស្សាសុដន់ដែលស្ទះដោយចាប់ផ្តើមពីតំបន់ដែលមានដុំរឹងរហូតដល់ចុងសុដន់ជាចលនារង្វង់ដើម្បីជួយបើកបំពង់ទឹកដោះ។
ម៉ាក់ៗគួរបន្ធូរអាវទ្រនាប់បន្តិច កុំពាក់អាវទ្រនាប់តឹងពេក និងចៀសវាងពាក់អាវទ្រនាប់ដែលមានកងទ្រពីក្រោមដើម្បីកុំឱ្យទឹកដោះស្ទះកាន់តែខ្លាំង។
ម៉ាក់ៗអាចញុំាប៉ារ៉ាសេតាម៉ុលដើម្បីបំបាត់ការឈឺចាប់។ បើម៉ាក់ៗចង់ញុំាថ្នាំផ្សេង ម៉ាក់ៗគួរពិគ្រោះជាមួយគ្រូពេទ្យជាមុនសិន។ ជាងនេះទៅទៀត ម៉ាក់ៗបំបៅដោះមិនអាចញុំាថ្នាំអាស្ពីរីនបានទេ។
ការស្ទះទឹកដោះក្រោយសម្រាលអាចបណ្តាលឱ្យម៉ាក់ៗរលាកសុដន់ ប្រសិនបើទុកយូរ ដូច្នេះប្រសិនបើអាការៈម៉ាក់ៗមិនធូរស្រាលក្នុងរយៈពេលពីរបីថ្ងៃទេ ឬអាការៈម៉ាក់ៗកាន់តែធ្ងន់ទៅៗ ម៉ាក់ៗគួរទៅជួបគ្រូពេទ្យ។
អត្ថបទគួរអាន៖
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម
