ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
កូនតូចៗមានហានិភ័យខ្ពស់ក្នុងការឆ្លងមេរោគផ្សេងៗ ជាពិសេសនៅរដូវភ្លៀងនេះតែម្ដង ហេតុនេះហើយ ប៉ាម៉ាក់ត្រូវមានការប្រុងប្រយ័ត្នខ្ពស់ ក៏ដូចជាចាត់វិធានការការពារមួយចំនួន ដើម្បីឲ្យកូនមានសុខភាពល្អ និងជៀសផុតពីជំងឺនានា។
ការលាងសម្អាតដៃជាញឹកញាប់ មានសារៈសំខាន់ណាស់ ដើម្បីបញ្ចៀសការឆ្លងមេរោគផ្សេងៗ ដូចនេះហើយ ប៉ាម៉ាក់គួរលាងដៃឲ្យបានស្អាត មុនពេលបី ឬពកូន ដើម្បីកាត់បន្ថយហានិភ័យ ។ ជាមួយគ្នានេះដែរ ប្រសិនបើមានអ្នកណាម្នាក់ចង់ប៉ះពាល់កូនតូច ប៉ាម៉ាក់គួរស្នើសុំឲ្យពួកគាត់លាងសម្អាតដៃជាមួយនឹងសាប៊ូ និងទឹកស្អាតជាមុនសិន។
មួយវិញទៀត យើងចាំបាច់ត្រូវបោះចោលក្រដាសជូតមាត់រាល់ពេលដែលប្រើប្រាស់រួច ដើម្បីបញ្ចៀសការឆ្លងមេរោគផ្សេងៗ។ ប៉ាម៉ាក់គួរប្រើក្រដាសជូតមាត់ថ្មីជានិច្ច នៅពេលជូតច្រមុះ ឬភ្នែកអាអូន។
បន្ថែមពីនេះ ការសម្អាតវត្ថុប្រើប្រាស់ និងរបស់លេងជាប្រចាំមានសារៈសំខាន់ណាស់ ពីព្រោះមេរោគអាចរស់នៅលើផ្ទៃខាងក្រៅរហូតដល់៤៨ម៉ោង។
ចង់គណនាទម្ងន់ស្រ្តីពពោះ ចុចទីនេះ!
ចង់គណនាថ្ងៃមេជីវិតញីទុំធ្លាក់ ចុចទីនេះ!
ចង់ដឹងអត្ថន័យពណ៌ និងរូបរាងលាមកទារក ចុចទីនេះ!
ទន្ទឹមនឹងនេះដែរ ដើម្បីការពារកូនពីការឆ្លងមេរោគផ្សេងៗ ប៉ាម៉ាក់មិនត្រូវឲ្យកូនប៉ះពាល់នឹងមនុស្សធំ ឬក្មេងៗដែលមានរោគសញ្ញាផ្ដាសាយ (ដូចជាហៀរសំបោរ កណ្ដាស់ ឬមិនស្រួលខ្លួន) ឬអ្នកដែលមានអាការៈចុកពោះឡើយ ។
ជាក់ស្ដែង ការជក់បារីប៉ះពាល់ដល់សុខភាពធ្ងន់ធ្ងរ ទាំងអ្នកជក់ និងអ្នកនៅជុំវិញខ្លួន ជាពិសេសទារក និងកុមារតែម្ដង។ ប្រសិនបើក្មេងតូចៗមានជំងឺស្រាប់ទៀតនោះ នឹងកាន់តែធ្វើស្ថានភាពសុខភាពរបស់ក្មេងកាន់តែយ៉ាប់យ៉ឺនឡើង។ ហេតុនេះហើយ ប៉ាម៉ាក់មិនគួរឲ្យកូនប៉ះពាល់នឹងផ្សែងបារី ឬនៅក្បែរផ្សេងបារីឡើយ។
អត្ថបទគួរអាន៖
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម
