បរិមាណសម្បោរតិចតួចនៅក្នុងលាមក និងគ្មានរោគសញ្ញាដទៃទៀត ប៉ាម៉ាក់មិនមានអ្វីគួរឲ្យបារម្ភឡើយ។ ប៉ុន្តែ ក្នុងករណីមានសម្បោរច្រើន និងកើតឡើងច្រើនថ្ងៃជាប់ៗគ្នា ឬមានរោគសញ្ញាអមដូចជារាករូស នោះអាចបញ្ជាក់ថា អាអូនប្រឈមនឹងអាលែកហ្ស៊ី ការឆ្លងមេរោគពោះវៀន ឬបញ្ហាផ្សេងទៀត។
មូលហេតុបង្ក
ប្រសិនបើទារករាករូស លាមកអាចមានសភាពរាវ និងមានលាយសម្បោរខ្លះៗ។ យ៉ាងណាមិញ សម្រាប់ទារកដែលបំបៅដោះ ប៉ាម៉ាក់អាចនឹងពិបាកបែងចែករវាងលាមកធម្មតា និងរាករូស ដោយសារតែការបំបៅដោះ អាចធ្វើឲ្យលាមកកូនមានសភាពរាវដូចទៅនឹងរាករូសដែរ។
រោគសញ្ញាមួយចំនួននៃបញ្ហារាករូស រួមមាន៖
- បន្ទោបង់ញឹកញាប់ជាងធម្មតា
- សញ្ញានៃការឈឺចាប់ ដូចជាស្រែកយំ។
- នោមតិច ដែលជាសញ្ញានៃការខ្សោះជាតិទឹក។
ការឆ្លងមេរោគដោយពពួកបាក់តេរី ឬវីរុស ការផ្លាស់ប្ដូររបបអាហារ និងកត្តាដទៃទៀត អាចបង្កឲ្យកើតមានអការៈរាករូស។ បញ្ហានេះ អាចបាត់ទៅវិញដោយខ្លួនឯង ដោយប៉ាម៉ាក់គ្រាន់តែឲ្យកូនញ៉ាំទឹកឲ្យបានច្រើន ដើម្បីបញ្ចៀសការខ្សោះជាតិទឹក។ ប៉ុន្តែ ប្រសិនបើអាអូនមានអាយុក្រោម៣ខែ ការរាករូសរយៈពេលវែង អាចបណ្តាលឲ្យខ្សោះជាតិទឹក និងអាចបង្កឲ្យបាត់បង់ជីវិតបានក្នុងករណីធ្ងន់ធ្ងរ។ ហេតុដូច្នេះហើយ បើអាការៈរាករូសមានរយៈពេលលើសពី១ថ្ងៃ ទៅ២ថ្ងៃ ប៉ាម៉ាក់គួរនាំកូនទៅជួបជាមួយនឹងគ្រូពេទ្យភ្លាមៗ។
អាលែកហ្ស៊ី និងការផ្លាស់ប្ដូររបបអាហារ
បញ្ហាអាលែកហ្ស៊ី និងរំញោចទៅនឹងអាហារ អាចបង្កជាបញ្ហារាករូស ឬមានសម្បោរនៅក្នុងលាមកកូន។ ដូចគ្នានេះដែរ ចំពោះទារកដែលបំបៅដោះ ការប្រែប្រួលរបបអាហារម៉ាក់ៗភ្លាមៗក៏អាចជាមូលហេតុបង្កនៃការរាករូសលើទារកផងដែរ។ អ៊ីចឹងហើយ យើងគួរពិគ្រោះជាមួយនឹងគ្រូពេទ្យ ដើម្បីគ្រប់គ្រងការផ្លាស់ប្ដូររបបអាហារ និងកាត់បន្ថយហានិភ័យនៃអាការៈរាករូស និងឈឺពោះលើទារក។
[embed-health-tool-baby-poop-tool]
ការធ្លាក់ឈាម
ទារកអាចមានឈាម និងសម្បោរនៅក្នុងលាមក ប្រសិនបើលាមករឹងខ្លាំង ដែលនេះបញ្ជាក់ថាអាអូនកំពុងទល់លាមក ហើយឈាម និងសម្បោរអាចបណ្តាលមកពីការដាច់រលាត់តូចៗនៅរន្ធគូទរបស់ទារក។ ប្រសិនបើកូនបន្ទោបង់មានតែឈាម និងសម្បោរ ឬមានឈាមច្រើន ប៉ាម៉ាក់ចាំបាច់ត្រូវនាំកូនទៅជួបគ្រូពេទ្យជាបន្ទាន់។
ពេលណាគួរទៅជួបជាមួយគ្រូពេទ្យ?
ប្រសិនបើលាមកកូនមានសម្បោរតិចតួច ប៉ាម៉ាក់អាចតាមដានសិន តើថាបញ្ហានោះនឹងបាត់ទៅវិញដោយខ្លួនឯងដែរឬអត់។ ប៉ុន្តែ ប្រសិនបើកូនមានរោគសញ្ញាទាំងនោះ គួរនាំទៅជួបគ្រូពេទ្យ ទើបជាការប្រសើរ៖
- មានសម្បោរច្រើននៅក្នុងលាមក
- មានរោគសញ្ញាផ្សេងទៀត ដូចជារាករូស គ្រុនក្តៅ ឬឈឺចាប់
- ទារកដែលកើតមិនគ្រប់ខែ ឬមានអាយុក្រោម៣ខែ
- មានប្រព័ន្ធភាពស៊ាំខ្សោយ ដោយសារតែជំងឺ ឬការប្រើប្រាស់ថ្នាំ
- មានឈាមច្រើននៅក្នុងលាមក
- មានសញ្ញានៃការខ្សោះជាតិទឹក ដូចជាភ្នែករូង មាត់ប្រេះ ឬនោមមិនសូវញឹកញាប់
- មិនញ៉ាំអាហារ។
ចំណុចសំខាន់
- មានសម្បោរច្រើននៅក្នុងលាមក
- មានរោគសញ្ញាផ្សេងទៀត ដូចជារាករូស គ្រុនក្តៅ ឬឈឺចាប់
- ទារកដែលកើតមិនគ្រប់ខែ ឬមានអាយុក្រោម៣ខែ
- មានប្រព័ន្ធភាពស៊ាំខ្សោយ ដោយសារតែជំងឺ ឬការប្រើប្រាស់ថ្នាំ
- មានឈាមច្រើននៅក្នុងលាមក
- មានសញ្ញានៃការខ្សោះជាតិទឹក ដូចជាភ្នែករូង មាត់ប្រេះ ឬនោមមិនសូវញឹកញាប់
- មិនញ៉ាំអាហារ។
អត្ថបទគួរអាន៖
- ៥ តិចនិក ម៉ាក់ប៉ាលែងល្វីងមុខ ពេលអាអូនចាប់ផ្ដើមក្បាលខូច
- កុមារ ឬក្មេងជំទង់មានចរិតហិង្សា អាចមកពីកត្តាទាំងនេះ
- ប៉ុន្មានហេតុផលនេះ ប៉ាម៉ាក់ល្មមឈប់ដាក់ទណ្ឌកម្មកូនទៀតទៅ
- ម៉ាក់ប៉ាមករៀនតិចនិកទប់ស្កាត់ កូនៗឈ្លោះគ្នាជាមួយបងប្អូន
- មិនចង់ឲ្យកូនធំឡើងកោងកាច ម៉ាក់ប៉ាកុំធ្វើរឿងទាំងនេះនៅមុខកូន
- បើមិនចង់ឲ្យក្លាយជាក្មេងទម្រើស សាកប៉ុន្មានរបៀបនេះ
