ការដែលស្ត្រីកើតមានទឹកនោមផ្អែមនៅពេលពពោះ គឺបណ្ដាលមកពីសរីរាង្គរបស់កូន បញ្ចេញអ័រម៉ូនម៉្យាងដែលទៅប្រឆាំងនឹងអាំងស៊ុយលីនរបស់ម្ដាយ ដែលធ្វើឲ្យជាតិស្ករនៅក្នុងឈាមរបស់ម្ដាយឡើងខ្ពស់ខុសពីធម្មតា។ ម៉្យាងវិញទៀត វាអាចបណ្ដាលមកពីចំណីអាហារដែលម៉ាក់ៗញ៉ាំនៅពេលពពោះ ក៏អាចប្រឈមនឹងកើតទឹកនោមផ្អែមពេលពពោះដែរ។ នេះបើតាមការឲ្យដឹងរបស់លោកវេជ្ជបណ្ឌិត ឃួន សុវណ្ណារិទ្ធ ឯកទេសផ្នែកសម្ភព និងរោគស្ត្រី។