ក្មេងរលាកភ្លើង ឬទឹកក្តៅ ប៉ាម៉ាក់ត្រូវធ្វើបែបណា?
កុមារតូចៗដែលកំពុងពេញលូតលាស់ និងអភិវឌ្ឍន៍អាចប្រឈមនឹងការរងរបួសផ្សេងៗ ដូចជាដួល ឬរលាកស្បែកជាដើម។ យ៉ាងណាមិញ ក្នុងករណីដែលកូនប្រឈមនឹងបញ្ហារលាកស្បែកដោយភ្លើង ឬទឹកក្តៅ តើប៉ាម៉ាក់គួរធ្វើបែបណាល្អ?
វិធីសាស្ត្រដោះស្រាយនៅពេលដែលកូនរលាកភ្លើង ឬទឹកក្តៅ
- ឆាប់យកកូនចេញពីប្រភពនៃការរលាកឲ្យបានលឿនបំផុត
- បើកទឹករ៉ូប៊ីណេត្រជាក់ឲ្យហូរតិចៗលើស្បែកដែលរលាក យ៉ាងហោចណាស់ឲ្យបាន១០ ទៅ២០នាទី
- ជៀសវាងផ្លុំនៅបរិវេណដែលរលាក ពីព្រោះរបួសងាយនឹងឆ្លងមេរោគ
- ដោះសំលៀកបំពាក់រឹបតឹងដែលនៅជិតបរិវេណដែលរលាក មុនពេលដែលបរិវេណនោះចាប់ផ្តើមហើម ប៉ុន្តែប៉ាម៉ាក់មិនត្រូវដោះសំលៀកបំពាក់ ជាប់ស្បែកដែលរលាកឡើយ។
ចង់ដឹងអត្ថន័យពណ៌ និងរូបរាងលាមកទារក ចុចទីនេះ!
ពេលណាគួរនាំកូនទៅជួបគ្រូពេទ្យ?
ក្នុងករណីដែលកូនរលាកស្បែកដោយកម្តៅ ឬមានពងបែកទំហំធំ ប៉ាម៉ាក់គួរនាំកូនទៅមន្ទីរពេទ្យ ដើម្បីជ្រើសរើសក្រែមលាបស្បែកដែលស័ក្តិសម ឬទទួលការព្យាបាល និងថែទាំដ៏ត្រឹមត្រូវ។ ប៉ុន្តែ បើកូនចេញរោគសញ្ញានៃការឆ្លងមេរោគ ប៉ាម៉ាក់គួរនាំកូនទៅជួបជាមួយនឹងគ្រូពេទ្យជំនាញម្តងទៀត។
រោគសញ្ញានៃការឆ្លងមេរោគ
- ឈឺចាប់កាន់តែខ្លាំង
- ហើម និងក្រហម
- មានខ្ទុះ និងក្លិន
- ហើមកូនកណ្តុរ
- គ្រុនក្តៅ។
អត្ថបទគួរអាន៖
- ៥ តិចនិក ម៉ាក់ប៉ាលែងល្វីងមុខ ពេលអាអូនចាប់ផ្ដើមក្បាលខូច
- កុមារ ឬក្មេងជំទង់មានចរិតហិង្សា អាចមកពីកត្តាទាំងនេះ
- ប៉ុន្មានហេតុផលនេះ ប៉ាម៉ាក់ល្មមឈប់ដាក់ទណ្ឌកម្មកូនទៀតទៅ
- ម៉ាក់ប៉ាមករៀនតិចនិកទប់ស្កាត់ កូនៗឈ្លោះគ្នាជាមួយបងប្អូន
- មិនចង់ឲ្យកូនធំឡើងកោងកាច ម៉ាក់ប៉ាកុំធ្វើរឿងទាំងនេះនៅមុខកូន
- បើមិនចង់ឲ្យក្លាយជាក្មេងទម្រើស សាកប៉ុន្មានរបៀបនេះ
