Norovirus ជាវីរុសមានវត្តមានយូរមកហើយ និងមិនមែនជាវីរុសផ្ទុះថ្មីទេ ប៉ុន្តែឆ្លងខ្លាំង និងមិនទាន់មានវ៉ាក់សាំងការពារនៅឡើយទេ។ មនុស្សចាស់ ពេញវ័យ និងកុមារសុទ្ធតែអាចឆ្លងវីរុស នេះគ្រប់ពេល គ្រាន់តែថាវីរុសនេះឆ្លងខ្លាំងបំផុតនៅខែត្រជាក់ និងកើតជាប្រចាំនៅបណ្តាប្រទេសត្រជាក់។ តើ Norovirus អាចបង្កឱ្យយើងមានបញ្ហាសុខភាពអ្វីខ្លះ ហើយយើងគួរ ការពារខ្លួនពីវីរុសនេះដោយរបៀបណា?
១. អ្វីទៅជា Norovirus?
Norovirus គឺជាវីរុសដែលបង្កឱ្យរលាកក្រពះពោះវៀនស្រួចស្រាវ និងបណ្តាលឱ្យយើងចង្អោរ រាក និងក្អួតច្រើនដង ឈឺពោះ ឈឺក្បាល ខ្សោយ ឈឺរាងកាយ ឬក្តៅខ្លួន។ ភាគច្រើនអ្នកជំងឺអាចធូរស្បើយក្នុងអំឡុងពេល ២ ទៅ ៣ ថ្ងៃបន្ទាប់ពីឆ្លង Norovirus។ បើទោះជាអ្នកជំងឺជាពីជំងឺបង្កឡើងដោយវីរុសនេះក៏ដោយ ក៏អ្នកជំងឺនៅតែអាចបន្តចម្លងវីរុសនេះទៅបុគ្គលផ្សេងថែមពីរបីថ្ងៃទៀតដែរ។
ចង់គណនារង្វាស់ចង្វាក់បេះដូង ចុចទីនេះ!
ចង់ពិនិត្យសុខភាពប្រព័ន្ធរំលាយអាហារ ចុចទីនេះ!
ចង់ពិនិត្យជំងឺមហារីកមាត់ស្បូន ចុចទីនេះ!
ចង់ពិនិត្យជំងឺមហារីកក្រពេញអូវែ ចុចទីនេះ!
២. វិធីបង្ការ Norovirus
ថ្វីត្បិតតែ Norovirus ជាវីរុសឆ្លងខ្លាំង ប៉ុន្តែយើងអាចការពារខ្លួន និងសមាជិកគ្រួសារពីការឆ្លងវីរុសនេះបានដោយធ្វើតាមការណែនាំដូចខាងក្រោម៖
- នៅឱ្យឆ្ងាយពីអ្នកជំងឺឆ្លង Norovirus
- ចៀសវាងកន្លែងមានមនុស្សច្រើនអ៊ូអរ នៅអំឡុងពេលផ្ទុះការឆ្លង Norovirus
- ឧស្សាហ៍លាងសម្អាតផ្ទៃដែលយើងអាចប៉ះពាល់ញឹកញាប់
- ប្រសិនបើយើងឆ្លង Norovirus កុំរៀបចំ ចាត់ចែង ឬធ្វើម្ហូបអាហារ ឬថែទាំសមាជិកក្នុងគ្រួសារ ឬអ្នកផ្សេង ត្រូវរង់ចាំយ៉ាងហោចណាស់ ២ ថ្ងៃ (៤៨ ម៉ោង) បន្ទាប់ពីយើងឈប់ចេញរោគសញ្ញា ឬអាការជំងឺ ជាពិសេសអ្នកធ្វើការនៅក្នុងភោជនីយដ្ឋាន សាលារៀន កន្លែងមើលថែទាំកុមារ និងទារក
- ប្រសិនបើយើងឆ្លង Norovirus ចៀសវាងចេញក្រៅ និងនៅជិតសមាជិកគ្រួសារ ឬអ្នកផ្សេង ហើយត្រូវរងចាំយ៉ាងហោច ៤៨ ម៉ោង បន្ទាប់ជាសះស្បើយ
- លាងសម្អាតដៃឱ្យបានស្អាតល្អជាមួយសាប៊ូ និងទឹកយ៉ាងហោចណាស់ ២០ វីនាទី ជាពិសេសពេល
– ក្រោយពេលចេញពីបន្ទប់ទឹក ឬប្តូរខោទឹកនោម
– មុនពេលរៀបចំ ឬញុំាអាហារ
– មុនញុំាថ្នាំ ឬរៀបចំថ្នាំឱ្យសមាជិកគ្រួសារ ឬអ្នកផ្សេង
– ក្រោយពេលប៉ះពាល់ជាមួយសម្លៀកបំពាក់ ឬផ្ទៃដែលប្រឡាក់កំអួត ឬលាកមក ជាពិសេស កំអួត ឬលាកមកអ្នកឆ្លង Norovirus
- ត្រូវចម្អិនអាហារឱ្យឆ្អិនល្អ ជាពិសេសគ្រឿងសមុទ្រ
- លាងបន្លែ និងផ្លែឈើដោយបានស្អាតល្អ
- សម្អាត និងអនាម័យសម្ភារផ្ទះបាយ ជ្រញ់ ផ្ទៃនានាក្នុងផ្ទះបាយជាប្រចាំ ជាពិសេសបន្ទាប់ពី រៀបចំអាហារឆៅ
- ទុកដាក់អាហារឆៅឱ្យដាច់ដោយឡែកពីអាហារឆ្អិន ជាពិសេសគ្រឿងសមុទ្រ
- កុំបរិភោគអាហារណាដែលយើងគិតថា អាចឆ្លង Norovirus
ចៀសវាងញុំាអាហារ និងភេជ្ជៈរួមជាមួយអ្នកជំងឺឆ្លង Norovirus
- លាងសម្អាតផ្ទៃដែលប្រឡាក់កំអួត ឬលាមកភ្លាមៗជាមួយសាប៊ូ និងទឹកក្តៅដោយពាក់ស្រោម ដៃជ័រ ឬស្រោមដៃថង់ដែលប្រើហើយបោះចោល
- ត្រូវដោះសម្លៀកបំពាក់ដែលប្រឡាក់កំអួត ឬលាមកចេញភ្លាមៗ
- ត្រូវបោកសម្លៀកបំពាក់ដែលប្រឡាក់កំអួត ឬលាមកឱ្យស្អាតល្អជាមួយទឹកក្តៅ និងហាលថ្ងៃ ឱ្យស្ងួត
គួរឱ្យរំលឹកផងដែរថា ជេលលាងដៃសម្លាប់មេរោគមិនអាចសម្លាប់ Norovirus ទេ យើងអាចប្រើ ជេលលាងដៃសម្លាប់មេរោគបន្ថែមពីលើការលាងដៃ ប៉ុន្តែជេលលាងដៃសម្លាប់មេរោគមិនអាច ជំនួសការលាងសម្អាតដៃជាមួយសាប៊ូ និងទឹកទេ។
អត្ថបទគួរអាន៖
- អ្នកជំងឺអេដស៍គួរជៀសវាងអាហារប្រភេទណាខ្លះ ដើម្បីថែទាំសុខភាពឲ្យនៅតែរឹងម៉ាំ?
- ស្វែងយល់ពីមធ្យោបាយធ្វើតេស្ដរក HIV ខ្លួនឯង កុំចាំតែពេទ្យ
- តើមេរោគ HIV ធ្វើការបំផ្លាញរាងកាយមនុស្សដូចម៉្តេចខ្លះ? មកស្វែងយល់ទាំងអស់គ្នា!
- ជំងឺអេដស៍ នៅតែផ្តល់ការគំរាម ខណៈអ្នកឆ្លងថ្មី ភាគច្រើនជាអ្នកស្រឡាញ់ភេទដូចគ្នា
- ជំងឺកាមរោគទាំង៤នេះ ចេញរោគសញ្ញាតិចតួច ឬគ្មានរោគសញ្ញា
- អ្វីទៅជាជំងឺស្វាយ? មានរោគសញ្ញាម៉េចខ្លះ ហើយធ្ងន់ធ្ងរប៉ុនណា?
ចំណុចសំខាន់
[embed-health-tool-bmi]
