ប្រសិនជាយើងមានអារម្មណ៍អស់កម្លាំងល្ហិតល្ហៃ នេះអាចជារោគសញ្ញានៃការខ្វះគ្រាប់ឈាមក្រហមដែលកើតឡើងពេលកោសិកាឈាមក្រហមចុះទាប។ ក្នុងករណីសង្ស័យថាគ្រាប់ឈាមក្រហមថយចុះ យើងត្រូវទៅពិគ្រោះជាមួយគ្រូពេទ្យ ព្រោះថាការថយចុះនេះអាចបណ្ដាលមកពីយើងមានបញ្ហាសុខភាព។ នៅពេលកោសិកាឈាមក្រហមថយចុះក្រៅពីទៅពិភាក្សាជាមួយគ្រូពេទ្យ យើងអាចបង្កើនគ្រាប់ឈាមក្រហមបានតាមរយៈរបបអាហារទាំងនេះ។
មាតិកា
ចង់បង្កើនគ្រាប់ឈាមក្រហម កុំរំលងអាហារទាំងនេះ
១. ជាតិដែក
ការញ៉ាំអាហារមានជាតិដែកអាចបង្កើនការផលិតកោសិកាឈាមក្រហមរបស់រាងកាយ។ អាហារសំបូរជាតិដែករួមមាន៖
- សាច់សត្វ និងសាច់ត្រី
- គ្រឿងក្នុងសត្វដូចជាក្រលៀន និងថ្លើម
- ផលិតផលសណ្ដែកសៀងមានតៅហ៊ូ
- បន្លែពណ៌បៃតងដូចជាស្ពៃពួយឡេង និងkale
- ផ្លែឈើក្រៀមមានផ្លែព្រូន និងទំពាំងបាយជូរក្រៀម
- ផ្កាខាត់ណាខៀវ
- ពពួកសណ្ដែកពណ៌បៃតង
- ស៊ុត។
២. អាស៊ីតហ្វូលិក
អាស៊ីតហ្វូលិកគឺជាវីតាមីន B មួយប្រភេទដែលយើងគួរបន្ថែមក្នុងរបបអាហារប្រចាំថ្ងៃ។ អាហារសំបូរដោយអាស៊ីតហ្វូលិក (វីតាមីន B9)មាន៖
- សាច់គោ
- ស្ពៃពួយឡេង
- បាយ
- សណ្ដែកដី
- សណ្ដែកក្រហម
- ផ្លែបឺរ
- សាលាដ។
៣. ការជួយរាងកាយស្រូបយកជាតិដែក
ការជួយរាងកាយក្នុងស្រូបយកជាតិដែកគឺអាចជួយដល់ការផលិតកោសិកាឈាមក្រហម។ អាហារសំបូរដោយវីតាមីន C ដូចជាពពួកផ្លែក្រូច ស្ត្របឺរី និងបន្លែពណ៌បៃតងអាចជួយបង្កើនបរិមាណជាតិដែកដែលរាងកាយស្រូបយក។ ក្រៅពីវីតាមីន C វីតាមីន A និងBeta-carotene ក៏ជួយរាងកាយឲ្យស្រូបយកជាតិដែកដែរ។ អាហារដែលសំបូរដោយវីតាមីន Aមាន សាច់ត្រី ថ្លើម ល្ពៅ និងដំឡូងជ្វា។ ចំណែកឯអាហារដែលមាន beta-carotene រួមមានបន្លែដែលមានពណ៌លឿង ក្រហម និងពណ៌ទឹកក្រូចដូចជា ការ៉ុត ដំឡូងជ្វា ល្ពៅ និងផ្លែស្វាយជាដើម។
អត្ថបទពាក់ព័ន្ធ៖
- ក្រោកអង្គុយ ឬគេងភ្លាម ចេះតែងងឹតមុខ បណ្តាលមកពីអី?
- ក្រៅពីក្រូច បន្លែ និងផ្លែឈើទាំងនេះក៏ជាប្រភពនៃវីតាមីន C ដែរ
- មានជំងឺស្លេកស្លាំងដោយសារខ្វះជាតិដែក អាហារទាំងនេះល្អខ្លាំង
- អ្នកចូលចិត្តញ៉ាំតៅហ៊ូនឹងបានគុណប្រយោជន៍ទាំងនេះចំពោះសុខភាព
- ការ៉ុត មានចំណុចល្អ ៨ ដែលយើងអត់ដឹង
- ផ្លែល្ពៅមានប្រយោជន៍ដល់បេះដូង ភ្នែក និងស្បែក
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
How to increase hemoglobin: Home remedies
https://www.medicalnewstoday.com/articles/321530#how-to-increase-hemoglobin
Iron Rich Foods
https://www.redcrossblood.org/donate-blood/blood-donation-process/before-during-after/iron-blood-donation/iron-rich-foods.html
Iron deficiency anemia
https://www.mayoclinic.org/diseases-conditions/iron-deficiency-anemia/symptoms-causes/syc-20355034
កំណែប្រែបច្ចុប្បន្ន
23/05/2024
អត្ថបទដោយ ថាត់ រ័ត្នមូនីតា
ត្រួតពិនិត្យដោយ គឹម កាណែល
បច្ចុប្បន្នភាពដោយ៖ នូ សោភ័ណ្ឌ
ត្រួតពិនិត្យដោយ
គឹម កាណែល
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម