មហារីកសុដន់ជាដ៏ជំងឺកាចសាហាវ កើតឡើងដោយសារការវិវត្តលឿនខុសប្រក្រតីនៃកោសិកាសុដន់។ ជំងឺនេះអាចកើតមានគ្រប់ផ្នែកនៃសុដន់ ប៉ុន្តែភាគច្រើនកើតមាននៅបំពង់ទឹកដោះ។ ខាងក្រោមនេះជារឿងសំខាន់ ៤ យ៉ាងអំពី ជំងឺមហារីកសុដន់ ណែនាំលោកវេជ្ជបណ្ឌិត អ៊ាវ សុខា ប្រធានផ្នែកជំងឺមហារីក និងជំងឺឈាម នៃមន្ទីរពេទ្យកាល់ម៉ែត។
១. ជំងឺមហារីកសុដន់គ្មានវ៉ាក់សាំងការពារទេ
មកទល់ពេលនេះពិភពលោកមិនទាន់មានវ៉ាក់សាំងការពារជំងឺមហារីកសុដន់នៅឡើយទេ តែយើងអាចបង្ការបានតាមរយៈការទៅថតសុដន់រកមើលជំងឺមហារីកជាប្រចាំ និងការស្ទាបសុដន់ដោយខ្លួនឯង ក្លែងមានដុំអីប្លែក ហើយមិនត្រូវជក់បារី ផឹកស្រា រក្សាទម្ងន់ឲ្យមានលំនឹងកុំឲ្យធាត់ពេក ហាត់ប្រាណជាប្រចាំ។
ចង់ពិនិត្យជំងឺមហារីកសុដន់ ចុចទីនេះ!
ចង់ពិនិត្យជំងឺមហារីកមាត់ស្បូន ចុចទីនេះ!
ចង់ពិនិត្យជំងឺមហារីកក្រពេញអូវែ ចុចទីនេះ!
ចង់ពិនិត្យជំងឺមហារីកសួត ចុចទីនេះ!
២. ជំងឺមហារីកសុដន់សម្លាប់ស្ត្រីច្រើនជាងគេលើលោក
មហារីកសុដន់ គឺជាជំងឺមហារីកដែលកើតមានលើស្ត្រី និងសម្លាប់ស្ត្រីច្រើនជាងគេលើពិភពលោក។ នៅកម្ពុជាជំងឺមហារីកសុដន់ឈរនៅលំដាប់លេខ២ បន្ទាប់ពីជំងឺមហារីកមាត់ស្បូន ដែលបានសម្លាប់ស្ត្រីច្រើនជាងគេ។
៣. ជំងឺមហារីកសុដន់អាចព្យាបាលជា
ត្បិតតែជាជំងឺកាចសាហាវ តែជំងឺមហារីកសុដន់ ប្រសិនបើយើងដឹងទាន់ពេល ស្វែងរកការព្យាបាលនៅដំណាក់កាលដំបូងៗ អត្រាព្យាបាលជាសះស្បើយមានពី ៦០%-៧០%។ដូច្នេះស្រ្តីគ្រប់រូបត្រូវពិនិត្យរកសញ្ញាប្រែប្រួលនៅសុដន់ដោយខ្លួនឯង ក្រែងមានដុំអីប្លែក ដើម្បីអាចបានដឹងមុន ឈានទៅរកការព្យាបាលបានទាន់ពេលវេលា។
អត្ថបទគួរអាន៖
- កាត់បន្ថយហានិភ័យមហារីកសុដន់ អនុវត្តទម្លាប់ល្អៗទាំងនេះ
- តិចនិកជួយស្រីៗ ចៀសឆ្ងាយពីជំងឺមហារីកសុដន់
- ស្រីៗគួរដឹង! ជំងឺមហារីកសុដន់ និងការបំបៅដោះកូន
- មកដឹងពីដំណាក់កាលទាំង៤ នៃជំងឺមហារីកសុដន់
- ស្ទាបសុដន់រកដុំសាច់ជំងឺមហារីកខ្លួនឯង អាចជួយបានកម្រិតណាដែរ?
៤. ជំងឺមហារីកសុដន់អាចលាប់ឡើងវិញ
បច្ចុប្បន្ន ទោះជាមានបច្ចេកវិទ្យាទំនើប អាចកាត់យកដុំមហារីកចេញយ៉ាងណាក៏ដោយ ក៏ ១០–២០% អាចលាប់ឡើងវិញបាន ដោយសារតែពេលកាត់អាចសល់កោសិកាខ្លះ ហើយកោសិកានោះនឹងវិវត្តជាកោសិកាមហារីកវិញបាន។ ហេតុនេះ តាមដានក្រោយធ្វើការវះកាត់ គឺចាំបាច់ណាស់ ដើម្បីទទួលបានការព្យាបាលឲ្យទាន់ពេល។
[embed-health-tool-bmi]
