ស្រីៗដែលត្រៀមខ្លួនសម្រាលតាមធម្មជាតិ នឹងអស់បារម្ភពេលដឹងថាទម្រង់កូនបង្វិលក្បាលចុះក្រោម។ តើកូនក្នុងផ្ទៃបានប៉ុន្មានខែ ទើបអាចបង្វិលក្បាលចុះក្រោមរហូតនោះ? ចុះធ្វើម៉េចបើកូនមិនព្រមបង្វិលក្បាលចុះក្រោម?
ពេលណា ទើបកូនក្នុងពោះបង្វិលក្បាលមកក្រោមរហូត?
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
លោកស្រីវេជ្ជបណ្ឌិត ទី សុវណ្ណរដ្ឋ ឯកទេសផ្នែកសម្ភព និងរោគស្ត្រី នៃមន្ទីរសម្រាកព្យាបាល និងសម្ភពមាតា បានឲ្យដឹងថា ជាធម្មតា ទម្រង់កូនក្នុងពោះម្តាយបង្វិលគ្រប់ពេលទាំងអស់ ប៉ុន្តែកូននឹងបង្វិលក្បាលចុះមកក្រោមរហូត ចាប់ពីគភ៌អាយុ ៣២-៣៣ សប្តាហ៍ឡើងទៅ។
តែទោះយ៉ាងណាលោកស្រីវេជ្ជបណ្ឌិតសញ្ញាបត្រពីប្រទេសបារាំងរូបនេះថា ទោះបីជាកូនអត់បង្វិលក្បាលនៅក្នុងអំឡុង ៣២-៣៣ សប្តាហ៍ ឡើងទៅក្តី តែស្ត្រីមានផ្ទៃពោះកុំមានការព្រួយបារម្ភពេក ដោយយើងអាចតាមដានរហូតដល់ ៣៧ សប្តាហ៍ ឬស្ត្រីខ្លះអាចតាមដានរហូតដល់ថ្ងៃឈឺពោះគ្រាន់ចាប់ពីគភ៌អាយុ ៣៧ សប្តាហ៍ឡើងទៅ កូនក្នុងពោះកាន់តែធំ បែបនេះទម្រង់កូនបែបម៉េច នឹងនៅបែបនោះ ព្រោះកូនកាន់តែធំ ឯបរិវេណសម្រាប់កូនបង្វិលតិច។
ប្រសិនកូនក្នុងផ្ទៃមិនព្រមបង្វិលក្បាលចុះក្រោម គ្រូពេទ្យជំនាញមានវិធីក្នុងការបង្វិលពោះរបស់ស្ត្រី ដើម្បីឲ្យក្បាលកូនបង្វិលចុះក្រោម អាចសម្រាលតាមធម្មជាតិបាន ដែលគ្រូពេទ្យអាចធ្វើនៅពេលចន្លោះគភ៌អាយុ ៣៦-៣៧ សប្តាហ៍ ហើយមានទាំងកត្តាជោគជ័យ មិនជោគជ័យ និងគ្រោះថ្នាក់។ បើសិនជួបគ្រោះថ្នាក់គ្រូពេទ្យអាចនឹងវះកាត់ភ្លាមៗតែម្តង ដើម្បីជួយសង្គ្រោះជីវិតទារក។ ចំពោះករណី សុកពាំងមាត់ស្បូន សុករុំកកូន លោកស្រីវេជ្ជបណ្ឌិតថា គ្រូពេទ្យមិនអាចជួយបង្វិលបានទេ តម្រូវឲ្យស្ត្រីសម្រាលកូនដោយវះកាត់តែម្តង។
អត្ថបទគួរអាន៖
- ក្រោយសម្រាលកូន បើនៅមានបញ្ហាទាំងនេះ កុំទាន់រួមដំណេក
- ស្បែកយារធ្លាក់ក្រោយសម្រាល សាកអនុវត្តតិចនិក ៥ នេះ
- ក្រោយសម្រាលកូនដើមទ្រូងឡើងសរសៃខៀវខ្វាត់ខ្វែង ធ្វើម៉េចទើបបាត់វិញ?
- ហេតុអ្វីក្រោយសម្រាលកូន ពេទ្យឲ្យម៉ាក់ៗលេបថ្នាំទម្លាក់សត្វល្អិត?
- ហេតុអីសម្រាលកូនរួច វដ្តរដូវម៉ាក់ៗមិនទៀងដូចមុន?
- សម្រាលកូនរួច ពេលណាម៉ាក់ៗអាចងូតទឹកបាន?
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម