backup og meta

ញ៉ាំទឹកក្តៅឧណ្ហៗអំឡុងពេលពពោះ ផ្តល់គុណប្រយោជន៍អ្វីខ្លះ?​​​​​​​​​​​​​​​​​​​​​​​​​​​​​​​​​​​​​​​​​​​​​​​

ត្រួតពិនិត្យដោយ វេជ្ជ. ចាន់ ស៊ីណេត · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


អត្ថបទ​ដោយ នូ សោភ័ណ្ឌ · កែ Dec 08, 2022

    ញ៉ាំទឹកក្តៅឧណ្ហៗអំឡុងពេលពពោះ ផ្តល់គុណប្រយោជន៍អ្វីខ្លះ?​​​​​​​​​​​​​​​​​​​​​​​​​​​​​​​​​​​​​​​​​​​​​​​

    មិន​ថា​ស្រី​ៗ​យើង​កំពុង​តែ​មាន​ផ្ទៃពោះ​ឬ​អត់​ទេ ការ​ញ៉ាំ​ទឹក​គ្រប់គ្រាន់​មាន​សារៈសំខាន់​​ណាស់​ ដើម្បី​ជួយ​ជំរុញ​លំហូរ​ឈាម​ ពង្រឹង​មុខងារ​រាងកាយ ក៏​ដូចជា​ជួយ​សម្រួល​ដល់​ការ​បន្ទោបង់​។ មិន​តែ​ប៉ុណ្ណោះ ជាតិ​ទឹក​​គ្រប់គ្រាន់​ក៏​អាច​ជួយ​កាត់បន្ថយ​អាការៈ​ឈឺក្បាល​អំឡុង​ពេល​ពពោះ​ផង​ដែរ។ ដូច្នេះ​ហើយ ទើប​ស្ត្រី​ពពោះ​គួរ​ញ៉ាំ​ទឹក​យ៉ាង​ហោច​ណាស់​ពី​៨​ ទៅ​១២​កែវ​ជា​រៀង​រាល់​ថ្ងៃ ឬ​២,៣លីត្រ។ ប៉ុន្តែ តើ​ម៉ាក់​ៗ​ដឹង​អត់​ថា​ទឹក​ក្ដៅ​ឧណ្ហ​ៗ ​មាន​គុណប្រយោជន៍​ច្រើន​ជាង​ទឹក​ធម្មតា​ទៅ​ទៀត​អំឡុង​ពេល​ពពោះ?

    អត្ថប្រយោជន៍​នៃ​ការ​ញ៉ាំ​ទឹក​ក្ដៅ​ឧណ្ហ​ៗ​អំឡុង​ពេល​ពពោះ

    • ជួយ​សម្រួល​​ការ​រំលាយ​អាហារ​ ដោយ​កម្ចាត់​ជាតិ​ពុល​ចេញ​ពី​រាងកាយ
    • សម្អាត​​ប្រពន្ធ័រំលាយ​អាហារ ដោយ​ជួយ​ឲ្យ​រាងកាយ​ស្រូប​យក​សារធាតុ​ចិញ្ចឹម​កាន់​តែ​ប្រសើរ និង​ងាយ​ស្រួល​ក្នុង​ការ​បញ្ជូន​ទៅ​ឲ្យ​​កូន​ក្នុង​ផ្ទៃ
    • ជួយ​រំលាយ​ដំណក់​​ខ្លាញ់
    • ជួយ​កាត់បន្ថយ​អាការៈ​ចាញ់​កូន
    • កាត់បន្ថយ​បញ្ហា​ទល់​លាមក​ និង​ជួយ​ឲ្យ​បន្ទោបង់​​ទៀងទាត់
    • បញ្ចៀស​បញ្ហា​ជាក់លាក់​មួយ​ចំនួន​ ដូចជា​ការ​ឆ្លង​មេរោគ​បំពង់​ក ក្អក​ ផ្ដាសាយ​ធម្មតា ឬ​គ្រុន​ផ្ដាសាយ​ធំ​នៅ​រដូវ​រងា។

    ម៉ាក់​មិន​គួរ​ញ៉ាំ​ទឹក​បែប​ណា?

    ស្រប​ពេល​ដែល​ការ​ញ៉ាំ​ទឹក​​ក្ដៅ​ឧណ្ហ​ៗ​ផ្ដល់​គុណប្រយោជន៍​យ៉ាង​ច្រើន​សម្រាប់​ស្ត្រី​ពពោះ ម៉ាក់​ៗ​ត្រូវ​​ញ៉ាំ​តែ​ទឹក​ដាំ​ពុះ ដែល​គ្មាន​មេរោគ និង​បាក់តេរី​ផ្សេងៗ។ ម្យ៉ាង​វិញ​ទៀត ម៉ាក់​មិន​ត្រូវ​ញ៉ាំ​ទឹក​ដែល​គ្មាន​ប្រភព​ច្បាស់លាស់​ឡើយ និង​ជៀសវាង​ញ៉ាំ​ទឹក​ច្រើន​ជ្រុល​​ក្នុង​មួយ​លើក​ៗ ពីព្រោះ​ការ​ធ្វើ​បែប​នេះ អាច​ដាក់​សម្ពាធ​ខ្លាំង​ដល់​តម្រង​នោម​។ យ៉ាង​ណា​មិញ អ្នក​ជំនាញ​ណែនាំ​ឲ្យ​ស្ត្រី​ពពោះ​ញ៉ាំ​ទឹក​មួយ​ពែង​ក្នុង​មួយ​ម៉ោង​ ព្រម​ទាំង​អាច​បន្ថែម​ក្រូច​ឆ្មារ ​ឬ​ឪឡឹក​ពីរ​បី​ចំណិត​​ទៅ​ក្នុង​ទឹក​ ដើម្បី​បន្ថែម​រសជាតិ​ឲ្យ​កាន់​តែ​ឆ្ងាញ់​ពិសា។

    អត្ថបទគួរអាន៖

    បដិសេធ

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    ត្រួតពិនិត្យដោយ

    វេជ្ជ. ចាន់ ស៊ីណេត

    · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


    អត្ថបទ​ដោយ នូ សោភ័ណ្ឌ · កែ Dec 08, 2022

    advertisement iconផ្សព្វផ្សាយពាណិជ្ជកម្ម

    តើអត្ថបទនេះមានប្រយោជន៍ដែរទេ?

    advertisement iconផ្សព្វផ្សាយពាណិជ្ជកម្ម
    advertisement iconផ្សព្វផ្សាយពាណិជ្ជកម្ម