ស្ត្រីពពោះ ចាំបាច់ត្រូវយកចិត្តទុកដាក់ទៅលើរបបអាហារ និងបែបបទរស់នៅឲ្យបានត្រឹមត្រូវ ដើម្បីធានាថាទារកក្នុងផ្ទៃមានការលូតលាស់បានល្អ។ នៅរដូវក្តៅ ម៉ាក់ៗមួយចំនួនញ៉ាំអាហារតិចតួច ហើយក៏មានឱកាសប្រឈមនឹងបញ្ហាកង្វះជាតិទឹកខ្ពស់។ អ៊ីចឹងហើយ គ្នាយើងគួរបញ្ចូលកំពូលអាហារសម្រាប់រដូវក្តៅទាំង៥ប្រភេទនេះ ទើបជាការប្រសើរ។
អាហារ៤ប្រភេទសម្រាប់រដូវក្តៅ ស្រ្តីពពោះមិនគួរមើលរំលង
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
១. បន្លែស្លឹកបៃតង
ពពួកបន្លែស្លឹកបៃតងដូចជាស្ពៃពួយឡេង ផ្កាខាត់ណាខៀវ គឺសុទ្ធតែសម្បូរទៅដោយសារធាតុចិញ្ចឹមសំខាន់ៗ ដូចជាហ្វូឡេត ជាតិដែក និងកាល់ស្យូម។ សារធាតុហ្វូឡេត ចាំបាច់សម្រាប់ការលូតលាស់របស់គភ៌ ជាពិសេសនៅដំណាក់កាលដំបូងនៃការពពោះ ហើយក៏អាចជួយកាត់បន្ថយហានិភ័យនៃការខូចទ្រង់ទ្រាយពីកំណើតរបស់គភ៌។ ចំណែកជាតិដែកមានគុណប្រយោជន៍សម្រាប់ការផលិតកោសិកាឈាមក្រហម និងជួយបង្ការភាពស្លេកស្លាំងអំឡុងពេលពពោះ ស្របពេលដែលកាល់ស្យូមជួយដល់ការលូតលាស់ឆ្អឹងរបស់គភ៌។
២. ផ្លែឈើ
ទន្ទឹមនឹងនេះដែរ ផ្លែឈើមួយចំនួន ដូចជាផ្លែក្រូច ប៊ឺរី ចេក ប៉ោម និងផ្លែសារី ផ្តល់វីតាមីនសំខាន់ៗ និងជាតិរ៉ែ ដែលរួមមានវីតាមីនC ប៉ូតាស្យូម និងជាតិសរសៃ។ វីតាមីនC អាចជួយដល់ការស្រូបយកជាតិដែក និងទ្រទ្រង់ប្រព័ន្ធភាពស៊ាំ។ រីឯប៉ូតាស្យូមវិញមានសារៈសំខាន់ក្នុងការរក្សាសម្ពាធឈាមល្អ និងតុល្យភាពនៃសារធាតុរាវនៅក្នុងរាងកាយ។
៣. ប្រូតេអ៊ីនគ្មានខ្លាញ់
ប្រភពប្រូតេអ៊ីនគ្មានខ្លាញ់ ដូចជាសាច់មាន់ ត្រី និងតៅហ៊ូ អាចជួយផ្តល់សារធាតុចិញ្ចឹមសំខាន់ៗដូចជាជាតិដែក ស័ង្កសី និងវីតាមីនB12។ ពិតណាស់ ចំពោះជាតិដែក មានគុណប្រយោជន៍ដល់ការលូតលាស់ និងការអភិវឌ្ឍរបស់គភ៌ ខណៈស័ង្កសីមានសារៈសំខាន់ដល់មុខងារប្រព័ន្ធភាពស៊ាំ និងការលូតលាស់កោសិកា។ ចំណែកឯវីតាមីនB12 អាចជួយដល់ការលូតលាស់ខួរក្បាល និងប្រព័ន្ធប្រសាទរបស់ទារកក្នុងផ្ទៃបានយ៉ាងល្អ។
៤. គ្រាប់ធញ្ញជាតិ
គ្រាប់ធញ្ញជាតិ ដូចជាអាល់ម៉ុន ឬគ្រាប់ជីរ គឺជាប្រភពនៃខ្លាញ់ល្អ ប្រូតេអ៊ីន និងសារធាតុចិញ្ចឹមសំខាន់ៗ ដូចជាវីតាមីនE និងម៉ាញេស្យូម។ ខ្លាញ់ល្អ អាចជួយទ្រទ្រង់ការអភិវឌ្ឍខួរក្បាល ស្របពេលដែលវីតាមីនE មានសារៈសំខាន់សម្រាប់ការលូតលាស់កោសិកា និងការអភិវឌ្ឍរបស់ទារកក្នុងផ្ទៃ។ រីឯ ម៉ាញេស្យូម អាចជួយគ្រប់គ្រងសម្ពាធឈាម និងទ្រទ្រង់សាច់ដុំ ព្រមទាំងមុខងារសរសៃប្រសាទ។
តិចនិកគ្រប់គ្រងការពពោះនៅរដូវក្តៅ
- ស្លៀកសំលៀកបំពាក់រលុងៗ ធ្វើពីកប្បាស និងមានខ្យល់ចេញចូល
- ញ៉ាំទឹកឲ្យបានច្រើន ដើម្បីរក្សាជាតិទឹកក្នុងរាងកាយ
- ជៀសវាងនៅក្រោមកម្តៅថ្ងៃក្តៅខ្លាំង
- ញ៉ាំរបបអាហារល្អៗ
- ថែទាំជើង និងបាតជើង
- ញ៉ាំអាហារឲ្យបានទៀងទាត់
- គេងឲ្យបានគ្រប់គ្រាន់
- គ្រប់គ្រងស្រ្តេសឲ្យបានល្អ។
អត្ថបទគួរអាន៖
- ក្រោយសម្រាលកូន បើនៅមានបញ្ហាទាំងនេះ កុំទាន់រួមដំណេក
- ស្បែកយារធ្លាក់ក្រោយសម្រាល សាកអនុវត្តតិចនិក ៥ នេះ
- ក្រោយសម្រាលកូនដើមទ្រូងឡើងសរសៃខៀវខ្វាត់ខ្វែង ធ្វើម៉េចទើបបាត់វិញ?
- ហេតុអ្វីក្រោយសម្រាលកូន ពេទ្យឲ្យម៉ាក់ៗលេបថ្នាំទម្លាក់សត្វល្អិត?
- ហេតុអីសម្រាលកូនរួច វដ្តរដូវម៉ាក់ៗមិនទៀងដូចមុន?
- សម្រាលកូនរួច ពេលណាម៉ាក់ៗអាចងូតទឹកបាន?
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម