កន្លងមកមានពាក្យចចាមអារ៉ាមតៗគ្នាយូរហើយថា ពេលមានផ្ទៃពោះ ឬអ្នកបំបៅដោះកូនមិនអាចញ៉ាំអាហារចម្អិនពីផ្លែម្រះបានទេ ព្រោះអាចបណ្ដាលឲ្យរលូត និងជាតិល្វីងជ្រាបតាមទឹកដោះទៅដល់កូន។
មាតិកា
ពិតអត់ មានផ្ទៃពោះញ៉ាំម្រះអត់បាន ព្រោះអាចរលូតកូន?
ការឡើងទម្ងន់ស្ត្រីអំឡុងពពោះ នៅទីនេះ
ការលើកឡើងមិនសមហេតុផលបែបនេះ ត្រូវលោកវេជ្ជបណ្ឌិត ចាន់ ស៊ីណេត បដិសេធ ដោយបានបកស្រាយថាមិនមានការសិក្សាច្បាស់លាស់ ហើយក៏ពុំមានបញ្ហានេះនៅក្នុងផ្នែកវេជ្ជសាស្ត្រដែរ។
ប្រធានផ្នែកសម្ភព និងរោគស្ត្រីនៃមន្ទីរពេទ្យបង្អែកមិត្តភាពកម្ពុជា-ចិន សែនសុខបន្តទៀតថា កន្លងមកលោកក៏ធ្លាប់ឮគេនិយាយថា ម្រះអាចបណ្ដាលឲ្យស្បូនកន្ត្រាក់ ចេញឈាម និងអាចប៉ះពាល់ដល់គភ៌ក្នុងផ្ទៃផងដែរ។ ស្ត្រីដែលកំពុងពពោះញ៉ាំវាច្រើនពេក នឹងធ្វើឲ្យស្បូនរោលរលាក ឬបង្កឲ្យកូនកើតមិនគ្រប់ខែជាដើម ហើយចំណែកម្ដាយបំបៅដោះកូនវិញ មិនគួរញ៉ាំម្រះឡើយដោយសារវាមានសារធាតុមិនល្អមួយចំនួន អាចបញ្ជូនតាមរយៈទឹកដោះម្ដាយទៅកាន់កូនៗ។
ម្រះជាបន្លែដែលផ្ទុកទៅដោយវីតាមីន និងជាតិរ៉ែសំខាន់ៗមួយចំនួនដូចជាជាតិដែក Niacin ប៉ូតាស្យូម អាស៊ីដ Pantothenic ស័ង្កសី pyridoxine ម៉ាញេសូម និងម៉ង់កាណែស។ ម្រះមានតួនាទីសំខាន់ ក្នុងការជំរុញដល់ការលូតលាស់របស់ទារកក្នុងផ្ទៃថែមទៀតផង ហើយក្រៅពីនោះ ម្រះនៅផ្ដល់អត្ថប្រយោជន៍ជាច្រើនផ្សេងទៀត សម្រាប់ស្ត្រីអំឡុងពេលពពោះ ក្នុងនោះរួមមានការរក្សាទម្ងន់យើងកុំឲ្យឡើងខ្លាំង ដោយសារវាសម្បូរទៅដោយកាកសរសៃ (fiber) ដែលជួយកាត់បន្ថយការស្រេកឃ្លាន។
ជាចុងក្រោយលោកបានបញ្ជាក់ថា ម្រះដែលយកទៅចម្អិនមានផ្សំជាមួយសាច់ និងគ្រឿងទេសមួយចំនួនទៀត ឬមិនញ៉ាំម្រះទទេទើបកាន់តែមានសុវត្ថិភាពចំពោះខ្លួនឯង និងកូន។ មួយវិញទៀតសម្រាប់អ្នកដែលអាលែកហ្សីនឹងផ្លែម្រះ មិនគួរញ៉ាំវាទេ ឬបើមិនទុកចិត្តខ្លាចថាប៉ះពាល់ មិនបាច់ញ៉ាំក៏បាន ហើយបើចង់ញ៉ាំខ្លាំង តែខ្លាចអាចសាកញ៉ាំក្នុងបរិមាណតិច ចំពោះអ្នកចូលចិត្ត និងធ្លាប់ញ៉ាំកន្លងមកគ្មានបញ្ហា បន្តញ៉ាំជាធម្មតា។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Eating Bitter Gourd During Pregnancy – Is It Safe?
https://parenting.firstcry.com/articles/bitter-gourd-during-pregnancy-benefits-side-effects/
Why pregnant women should avoid eating bitter gourd or karela?
https://www.thehealthsite.com/pregnancy/pregnancy-guide-pregnancy/why-pregnant-women-should-avoid-eating-bitter-gourd-or-karela-776847/
Bitter Gourd During Pregnancy – Benefits, And Risks
https://www.beingtheparent.com/bitter-gourd-during-pregnancy/
កំណែប្រែបច្ចុប្បន្ន
24/11/2021
អត្ថបទដោយ Try Ravi
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ នូ សោភ័ណ្ឌ
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម