ជាទូទៅ ស្ត្រីដែលមានផ្ទៃពោះគ្រប់ខែ ត្រូវសម្រាលកូននៅពេលគភ៌មានអាយុ ៣៧-៤០ សប្ដាហ៍។ ពេលណាស្ត្រីមានផ្ទៃពោះ សម្រាលកូននៅមុនអាយុគភ៌ ៣៧ សប្ដាហ៍ គេហៅថា សម្រាលកូនមិនគ្រប់ខែ។ តែបើម៉ាក់ៗ សម្រាលកូនលើសពី ៤១សប្ដាហ៍ ឡើងទៅនោះ ហៅថាពពោះលើសខែហើយ។ នេះបើតាមការឲ្យដឹងរបស់លោកវេជ្ជបណ្ឌិត សឿ ច័ន្ទវិសាល ឯកទេសផ្នែកសម្ភព និងរោគស្ត្រី។
ម៉ាក់ៗគួរចាប់អារម្មណ៍ ពពោះលើសខែ មិនមែនជារឿងល្អសម្រាប់ទារកទេ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ការពពោះលើសខែនេះ ខាងក្រុមគ្រូពេទ្យបានបែងចែកជា២ប្រភេទគឺ ទី១. អាយុគភ៌គិតចាប់ពី ៤១ សប្ដាហ៍ ឡើងទៅ និង ទី២. អាយុគភ៌ពី ៤២សប្ដាហ៍ ឡើងទៅ។ ស្របគ្នានេះ បើម៉ាក់ៗពពោះលើសខែ វាអាចបង្កជាផលវិបាកច្រើនទៅដល់អាអូននៅក្នុងផ្ទៃដូចជា៖
– ការថយចុះនូវបរិមាណទឹកភ្លោះ
– ភាពមិនប្រក្រតីនៃចង្វាក់បេះដូងរបស់ទារក
– ទារកជុះ (លាមកព្រៃ) ក្នុងពោះ
– កូនអាចស្លាប់ក្នុងពោះ
– ក្បាលធំ
- មានជំងឺឆ្កួតជ្រូក តាំងពីក្មេង
– អាចមានផលវិបាកលើប្រព័ន្ធសរសៃប្រសាទកូនដូច ប្រកាច់ ឬមានវិបត្តិនៃការលូតលាស់បញ្ញាស្មារតី។ល។
ធ្វើម៉េចយើងដឹងថាពពោះលើសខែ? យើងអាចដឹងថា ម៉ាក់ៗពពោះលើសខែបាន ទាល់តែយើងដឹងពីអាយុគភ៌ តាំងពីដំបូង ដែលគេអាចធ្វើតាមរយៈ៖
១. ការធ្វើអេកូសាស្ត្រ ដោយវាស់ប្រវែងកូននៅចន្លោះអាយុ ១១សប្ដាហ៍ និង១៣សប្ដាហ៍
២. គិតថ្ងៃមករដូវចុងក្រោយ
លោកវេជ្ជបណ្ឌិត បញ្ជាក់ថា ក្នុងករណីដែលម៉ាក់ៗពពោះគ្រប់ខែហើយ គឺត្រូវតាមដានផ្ទៃពោះ ឲ្យបានកាន់តែជាប់លាប់ចាប់២-៣ដង/សប្ដាហ៍។ គ្រោះថ្នាក់លើកូនកាន់តែខ្ពស់ ករណីដែលស្ត្រីមានផ្ទៃពោះលើសខែ ហើយមានកូនលូតលាស់តូចជាងអាយុគភ៌។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម