គេងមិនគ្រប់គ្រាន់ មិនត្រឹមតែប៉ះពាល់ដល់ប្រសិទ្ធភាពការងារប៉ុណ្ណោះទេ ប៉ុន្តែក៏អាចធ្វើឲ្យឱកាសមានកូនថយចុះដូចគ្នាដែរ។
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
គេងមិនគ្រប់គ្រាន់ មិនត្រឹមតែប៉ះពាល់ដល់ប្រសិទ្ធភាពការងារប៉ុណ្ណោះទេ ប៉ុន្តែក៏អាចធ្វើឲ្យឱកាសមានកូនថយចុះដូចគ្នាដែរ។
គ្នាយើងប្រហែលជាដឹងហើយថា ការគេងមិនគ្រប់គ្រាន់អាចប៉ះពាល់យ៉ាងខ្លាំងដល់ប្រសិទ្ធភាពការងារ ប៉ុន្តែបញ្ហានេះក៏ប៉ះពាល់ដល់ការបញ្ចេញអ័រម៉ូនរបស់ស្រីៗពេញមួយវដ្ដរដូវដូចគ្នា។ អ្នកដែលព្យាយាមយកកូន ចាំបាច់ត្រូវគេងឲ្យបានគ្រប់គ្រាន់ នៅចន្លោះពី៧ ទៅ៨ម៉ោង ដើម្បីពង្រឹងកម្រិតអ័រម៉ូនprogesterone, estrogen FSH និងleptin ដែលមានសារៈសំខាន់ណាស់សម្រាប់ការបន្តពូជ។
មូលហេតុចម្បងដែលធ្វើឲ្យយើងគេងមិនលក់ នោះគឺឧបករណ៍អេឡិចត្រូនិកដែលយើងប្រើប្រាស់ជារៀងរាល់ថ្ងៃ។ ពន្លឺពណ៌ខៀវនៃឧបករណ៍ទាំងនោះ អាចប៉ះពាល់ដល់បរិមាណនៃអ័រម៉ូនmelatonin ដែលមានតួនាទីជួយឲ្យយើងគេងលក់ស្រួល និងការពារស៊ុត ដូច្នេះហើយ កង្វះអ័រម៉ូនមួយនេះ អាចធ្វើឲ្យគុណភាពស៊ុតថយចុះផងដែរ។
ជាមួយគ្នានេះដែរ ស្រីៗជាច្រើនដែលកំពុងធ្វើការវេនយប់ អាចមិនទាន់ដឹងច្បាស់ពីផលប៉ះពាល់មកលើរាងកាយយើងនៅឡើយ។ ជាទូទៅ ការធ្វើការវេនយប់អាចរំខានដល់ចង្វាក់សកម្មភាពប្រចាំថ្ងៃនៃរាងកាយយើង និងបណ្ដាលឲ្យមានបញ្ហាអតុល្យភាពអ័រម៉ូន កម្រិតអ័រម៉ូនestrogen ថយចុះ និងធ្វើឲ្យរដូវមកមិនទៀង។ កត្តាទាំងអស់នេះ អាចធ្វើឲ្យឱកាសនៃការមានផ្ទៃពោះធ្លាក់ចុះ។
អត្ថបទគួរអាន៖
ការគេងគ្រប់គ្រាន់មានសារៈសំខាន់ណាស់ ជាពិសេសចំពោះស្រីៗដែលកំពុងព្យាយាមយកកូន។ ហេតុនេះហើយ យើងគួរតែអនុវត្តតិចនិកមួយចំនួន ដើម្បីជួយឲ្យគេងលក់ស្រួល និងគេងបានគ្រប់គ្រាន់។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕