ជាទូទៅ អាការៈក្អកស្ងួត អំឡុងពេលមានគភ៌បណ្ដាលឲ្យយើងពិបាកដកដង្ហើម ហើយអាចឈានដល់ស្ថានភាពគ្រោះថ្នាក់ដទៃទៀតដូចជាគ្រុនក្ដៅជាដើម។ ក្រៅពីរំខានដល់ដំណេក និងកិច្ចការប្រចាំថ្ងៃ អាការៈក្អកស្ងួតអាចបង្កជាបញ្ហាផ្សេងៗទៀត ប្រសិនបើយើងមិនអើពើ។ ដោយសារតែប្រព័ន្ធភាពស៊ាំកាន់តែខ្សោយទៅៗ អំឡុងពេលពពោះ ម៉ាក់ៗគប្បីកំណត់ឲ្យបានច្បាស់លាស់ពីមូលហេតុបង្កអាការៈក្អកស្ងួត និងវិធីព្យាបាលឲ្យបានទាន់ពេលវេលា។
អាការៈក្អកស្ងួតពេលពពោះបណ្ដាលមកពីអ្វី? ដោះស្រាយបែបណា?
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ហេតុអ្វីស្ត្រីពពោះងាយប្រឈមនឹងការក្អកស្ងួត?
ស្ត្រីពពោះងាយប្រឈមនឹងការក្អកដោយសារតែមូលហេតុផ្សេងៗ ហើយការកើនឡើងនៃកម្រិតអ័រម៉ូនOestrogen គឺជាកត្តាចម្បងមួយ។ ជាមួយគ្នានេះដែរ ប្រសិទ្ធភាពនៃប្រព័ន្ធភាពស៊ាំនឹងចុះខ្សោយ នៅអំឡុងពេលមានគភ៌ ដែលធ្វើឲ្យប្រព័ន្ធការពារធម្មជាតិរបស់រាងកាយខ្សោយ នឹងងាយកើតអាលែកហ្ស៊ី និងក្អក។
មូលហេតុនៃអាការៈក្អកស្ងួតកើតចំពោះស្ត្រីពពោះ?
មានមូលហេតុជាច្រើនដែលបណ្ដាលឲ្យស្ត្រីពពោះក្អកស្ងួត មូលហេតុសំខាន់ៗទាំងនេះរួមមាន៖
- អាលែកហ្ស៊ី៖ នៅពេលដែលប្រព័ន្ធភាពស៊ាំនៃរាងកាយចុះខ្សោយ ម៉ាក់ៗនឹងងាយប្រឈមនឹងបញ្ហាអាលែកហ្ស៊ី។ មេរោគអាចចូលទៅក្នុងរាងកាយតាមរយៈច្រមុះ ឬមាត់ ហើយធ្វើឲ្យយើងពិបាកដកដង្ហើម ឬក្អកស្ងួត។
- ជំងឺហឺត៖ ប្រសិនបើម៉ាក់ៗមានជំងឺហឺត គឺងាយនឹងកើតមានអាការៈក្អកស្ងួតនៅអំឡុងពេលមានគភ៌ណាស់។
- ជំងឺរលាកច្រមុះ ៖ ជំងឺពាក់ព័ន្ធនឹងការមានគភ៌ ដូចជាជំងឺរលាកច្រមុះអាចបណ្ដាលឲ្យហើមភ្នាសរម្អិល ដែលអាចបង្កឲ្យកើតមានអាការៈក្អកស្ងួត។
- ប្រព័ន្ធភាពស៊ាំទាប៖ អាចធ្វើឲ្យស្ត្រីមានគភ៌ងាយកើតអាលែកហ្ស៊ី និងឆ្លងមេរោគផ្សេងៗ ដូចនេះហើយទើបនាំឲ្យកើតមានអាការៈក្អកស្ងួត។
- ក្រហាយទ្រូង៖ ការចាល់អាស៊ីដ ឬក្រហាយទ្រូង គឺជាអាការៈដែលកើតមានជាទូទៅនៅអំឡុងពេលមានគភ៌។ កត្តានេះក៏អាចរួមចំណែកដល់ការក្អកស្ងួតផងដែរ។
រោគសញ្ញានៃការក្អកស្ងួត
មានរោគសញ្ញាមួយចំនួនដែលនឹងលេចឡើង នៅពេលដែលម៉ាក់ៗមានអាការៈក្អកស្ងួត។
- ពិបាកដកដង្ហើម និងតឹងច្រមុះ
- ក្អួតចង្អោរ
- គេងមិនលក់ និងពិបាកក្នុងការគេង
វិធីសាស្ត្រដោះស្រាយបញ្ហាក្អកស្ងួត អំឡុងពេលមានគភ៌
ម៉ាក់ៗគប្បីបញ្ចូលរបបអាហារដែលសំបូរទៅដោយវីតាមីន និងសារធាតុរ៉ែ។ ពិតណាស់ អាហារដែលសំបូរទៅដោយជាតិស័ង្កសីក៏ជួយបង្កើនភាពស៊ាំ ព្រមទាំងកាត់បន្ថយអាការៈក្អកស្ងួតបានយ៉ាងមានប្រសិទ្ធភាព។ លើសពីនេះ ស្ត្រីពពោះគប្បីញ៉ាំទឹកឲ្យបានច្រើន និងញ៉ាំប្រភេទអាហារដែលសំបូរទៅដោយវីតាមីនC ដូចជាផ្លែឃីវី ប៉េងប៉ោះ ក្រូច ឬទំពាំងបាយជូរជាដើម។ ការញ៉ាំសេរ៉ូក្អកអំឡុងពេលពពោះក៏ជាមធ្យោបាយដោះស្រាយបញ្ហាក្អក និងឈឺបំពង់កផងដែរ។
បន្ថែមពីនេះ ម៉ាក់ៗក៏អាចអនុវត្តតាមវិធីសាស្ត្រខាងក្រោមនេះ៖
អត្ថបទគួរអាន៖
- ក្រោយសម្រាលកូន បើនៅមានបញ្ហាទាំងនេះ កុំទាន់រួមដំណេក
- ស្បែកយារធ្លាក់ក្រោយសម្រាល សាកអនុវត្តតិចនិក ៥ នេះ
- ក្រោយសម្រាលកូនដើមទ្រូងឡើងសរសៃខៀវខ្វាត់ខ្វែង ធ្វើម៉េចទើបបាត់វិញ?
- ហេតុអ្វីក្រោយសម្រាលកូន ពេទ្យឲ្យម៉ាក់ៗលេបថ្នាំទម្លាក់សត្វល្អិត?
- ហេតុអីសម្រាលកូនរួច វដ្តរដូវម៉ាក់ៗមិនទៀងដូចមុន?
- សម្រាលកូនរួច ពេលណាម៉ាក់ៗអាចងូតទឹកបាន?
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម