ជាទូទៅ ការសម្រាលកូនដោយធម្មជាតិ ជាវិធីសាស្ត្រដ៏ល្អបំផុតសម្រាប់ម៉ាក់ៗ ព្រោះវាមានគុណសម្បត្តិច្រើនជាងមធ្យោបាយក្នុងការសម្រាលកូនដទៃទៀត។ យ៉ាងណាមិញ ទារកសម្រាលធម្មជាតិក៏អាចជួបផលពិបាក ឬគ្រោះថ្នាក់យថាហេតុមួយចំនួនដែរដូចជា បញ្ហាជាប់ស្មាលើទារកជាដើម។
បញ្ហាជាប់ស្មាលើទារក ២ប្រភេទ អាចជួបតាមការសម្រាលដោយធម្មជាតិ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ក្នុងពេលសម្រាលតាមធម្មជាតិ បញ្ហាជាប់ស្មាលើទារកកើតឡើងដោយសារស្មាទារកជាប់គាំងនៅក្នុងឆ្អឹងអាងត្រគាករបស់ម៉ាក់ៗ បើទោះបីជាក្បាលចេញមកហើយក៏ដោយ។ នេះបើតាមការឲ្យដឹងពីលោកវេជ្ជបណ្ឌិត ច័ន្ទ រស្មី ឯកទេសផ្នែកសម្ភព និងរោគស្ត្រី។
លោកថា បញ្ហាជាប់ស្មានេះ ជាករណីកម្រជួប ប៉ុន្តែវាមាផលពិបាកធ្ងន់ធ្ងរនៃការសម្រាលកូនរបៀបនេះ គឺចាំបាច់តម្រូវឲ្យមានការធ្វើអន្តរាគមផ្នែកសម្ភពជាក់លាក់ ដើម្បីកូនកើតមកគ្មានគ្រោះថ្នាក់។ បញ្ហាជាប់ស្មាលើទារកមាន ២ ប្រភេទដូចជា៖
១. ទារកជាប់ស្មាមិនជាក់លាក់ត្រូវបានគេហៅថា “ការលំបាកស្មា” មានអត្រា ៤-៥ នាក់ក្នុង ១ ០០០ ករណី។ ទីតាំងស្មាក្រោយរបស់ទារកអាចទើសនឹងឆ្អឹងថ្ងាសអាងត្រគាកម្ដាយ។
២. ជាប់ស្មាពិតប្រាកដ វាជាករណីធ្ងន់ធ្ងរជាងនេះទៅទៀត មាន ១ ក្នុង ៤ ០០០ ករណី និងការសម្រាលកូន ១ ដងក្នុង ៥ ០០០ ករណី ហើយត្រូវបានកំណត់ដោយអវត្ដមានទាំងស្រុងនៃការលូនចូលរបស់ស្មាទារកនៅក្នុងអាងត្រគាកម្ដាយ។
ទន្ទឹមនឹងនេះ វេជ្ជបណ្ឌិតរូបនេះបានឲ្យដឹងទៀតថា មូលហេតុនាំឲ្យមានបញ្ហាជាប់ស្មាលើទារកមាន ២ ប្រភេទសំខាន់ៗគឺ កត្តាមកពីស្បូនម្តាយមានបញ្ហា (ការកន្ត្រាក់ស្បូនមិនធម្មតា បញ្ហាមាត់ស្បូនបើកមិនបានល្អ សុកពាំងមាត់ស្បូន ឆ្អឹងអាងត្រគាកខូចទ្រង់ទ្រាយ ឬតូចចង្អៀតពេក… )។ ចំណែកកត្តាមួយទៀតមកពីទារក (គភ៌ធំពេក ការបង្ហាញទម្រង់កូនមានភាពមិនប្រក្រតី ស្មាកូនធំពេក)។
វេជ្ជបណ្ឌិតរូបនេះបានបន្ថែមទៀតថា ប្រសិនបើកូនជាប់ស្មាពិតប្រាកដ គឺជារឿងដ៏លំបាកក្នុងពេលសម្រាលកូន ហើយគ្រូពេទ្យបានកំណត់យ៉ាងច្បាស់នូវកត្តាហានិភ័យមួយចំនួនដូចជា ទារកថ្លោសពេកធំជាង ៤ គីឡូ កូនចាស់ខែ ម្ដាយឡើងទម្ងន់ច្រើនពេលពពោះ។
អត្ថបទគួរអាន៖
- ក្រោយសម្រាលកូន បើនៅមានបញ្ហាទាំងនេះ កុំទាន់រួមដំណេក
- ស្បែកយារធ្លាក់ក្រោយសម្រាល សាកអនុវត្តតិចនិក ៥ នេះ
- ក្រោយសម្រាលកូនដើមទ្រូងឡើងសរសៃខៀវខ្វាត់ខ្វែង ធ្វើម៉េចទើបបាត់វិញ?
- ហេតុអ្វីក្រោយសម្រាលកូន ពេទ្យឲ្យម៉ាក់ៗលេបថ្នាំទម្លាក់សត្វល្អិត?
- ហេតុអីសម្រាលកូនរួច វដ្តរដូវម៉ាក់ៗមិនទៀងដូចមុន?
- សម្រាលកូនរួច ពេលណាម៉ាក់ៗអាចងូតទឹកបាន?
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម