អ្នកវិទ្យាសាស្ត្រ ៥ រូប បានឈ្នះពាន Lasker Awards ប្រចាំឆ្នាំ ២០១៩ ដែលជាពានរង្វាន់ស្រាវជ្រាវផ្នែកវេជ្ជសាស្ត្រធំជាងគេ នៅអាមេរិក។ អ្នកវិទ្យសាស្ត្រទាំងនោះ បានរកឃើញការព្យាបាលប្រឆាំងមហារីក និងកោសិកាប្រព័ន្ធការពារ។
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
អ្នកវិទ្យាសាស្ត្រ ៥ រូប បានឈ្នះពាន Lasker Awards ប្រចាំឆ្នាំ ២០១៩ ដែលជាពានរង្វាន់ស្រាវជ្រាវផ្នែកវេជ្ជសាស្ត្រធំជាងគេ នៅអាមេរិក។ អ្នកវិទ្យសាស្ត្រទាំងនោះ បានរកឃើញការព្យាបាលប្រឆាំងមហារីក និងកោសិកាប្រព័ន្ធការពារ។
ក្នុងនោះ អ្នកវិទ្យាសាស្ត្រ ២រូប គឺលោក Max D. Cooper មកពីសាកលវិទ្យាល័យ Emory និងអ្នកជីវសាស្ត្រអូស្ត្រាលី Jacques Miller បានឈ្នះពាន ដោយបានរកឃើញ និងកំណត់មុខងារកោសិកា T និង B ដែលបង្ហាញពីដំណើរការ នៃការឆ្លើយតបរបស់ប្រព័ន្ធការពារ។
ចំណែកអ្នកវិទ្យាសាស្ត្រអាមេរិក H. Michael Shepard និង Dennis J. Slamon រួមជាមួយអ្នកវិទ្យាសាស្ត្រអាល្លឺម៉ង់ Axel Ullrich បានឈ្នះពានរង្វាន់ តាមរយៈការរកឃើញការព្យាបាលប្រព័ន្ធការពារ (Monoclonal Antibody Therapy) ជាលើកដំបូង ដោយផ្ដោតលើប្រូតេអ៊ីនមួយ ដែលមានផ្ទុកដោយហ្សែនបង្កជំងឺមហារីក។ ការព្យាបាលប្រព័ន្ធការពាររបៀបនេះ ជាយុទ្ធសាស្ត្រមានប្រសិទ្ធភាព ដើម្បីព្យាបាលដុំសាច់មហារីកមានលក្ខណៈរឹងៗ។
ពានរង្វាន់នេះ នឹងត្រូវផ្ដល់ជូនដោយក្រុមហ៊ុនផលិតវ៉ាក់សាំង Gavi និងសមាគម Lasker-Bloomberg Public Service Award ដែលបានជួយផ្ដល់វ៉ាក់សាំង ដល់កុមារ ៧៦០ លាននាក់ និងសង្រ្គោះជីវិត ជាង ១៣ លាននាក់ នៅប្រទេសចំនួន ៧៣ តាំងពីឆ្នាំ ២០០០ មក។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕