អង្គការសុខភាពពិភពលោក (WHO) បានព្រមានថាប្រទេសនានាលើពិភពលោកកុំគិតថាប្រទេសខ្លួនមិនអាចឆ្លងវីរុសCOVID-19 ឲ្យសោះ ដោយថាការគិតបែបនេះគឺជា«កំហុសធំមួយ»។
WHO ព្រមានចំពោះការគិតថាប្រទេសខ្លួនមិនអាចឆ្លងវីរុស COVID-19 ជា«កំហុសធំមួយ»
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ក្រោយពីមានការឆ្លងវីរុស COVID-19 កាន់តែខ្លាំងឡើងនៅបណ្តាប្រទេសជាច្រើនទៀតក្រៅពីប្រទេសចិន លោក Tedros Adhanom Ghebreyesus ប្រធានអង្គការសុខភាពពិភពលោកបានលើកឡើងថា គ្រប់ប្រទេសទាំងអស់ត្រូវត្រៀមសម្រាប់ជំងឺឆ្លងមួយនេះ សូម្បីប្រទេសអ្នកមានក៏ដោយ។
លោកមានប្រសាសន៍ថា៖ «ប្រទេសទាំងអស់កុំគិតថាប្រទេសខ្លួនមិនអាចមានករណីឆ្លងវីរុសCOVID-19 ការគិតបែបនេះជាកំហុសមួយដ៏ធំមួយ»។ លោកបានលើកពីប្រទេសអ៊ីតាលីដែលអាជ្ញាធរទើបបញ្ជាក់ថាមានមនុស្សបីនាក់បន្ថែមទៀតបានស្លាប់ដោយសារវីរុសនេះ ដែលនាំឲ្យចំនួនអ្នកស្លាប់ឡើងដល់១៧នាក់ និងចំនួនអ្នកឆ្លងមាន៦៥០ករណី។
ក្រៅតែពីការខិតខំផ្គត់ផ្គង់សម្ភារៈពេទ្យ រដ្ឋាភិបាលរបស់ប្រទេសនីមួយៗក៏បានចាត់វិធានការណ៍ដើម្បីទប់ស្កាត់ការឆ្លងរាលដាលកាន់តែខ្លាំងរបស់វីរុសនេះផងដែរ។ ប្រទេសមួយចំនួនបានបិទសាលារៀន និងលុបចោលការជួបជុំធំៗដូចជាព្រឹត្តិការណ៍កីឡាជាដើម។ បន្ថែមពីនេះទៀតក៏មានករណីស្ត្រីជនជាតិជប៉ុនម្នាក់តេស្តវិជ្ជមានជាលើកទីពីរបន្ទាប់ពីជាសះស្បើយម្ដងរួចមកហើយ។ អ្នកវិទ្យាសាស្ត្របានដាស់តឿនថានៅមានរឿងជាច្រើនទៀតមិនទាន់បានដឹងពីវីរុស COVID-19 នេះ។
អត្ថបទពាក់ព័ន្ធ៖
- ស្ត្រីជប៉ុនតេស្តវិជ្ជមានវីរុស COVID-19 ជាលើកទី២ ក្រោយជាសះស្បើយមួយរយៈ
- ជប៉ុនបិទសាលារៀនមួយខែ ដើម្បីសុវត្ថិភាពក្មេងៗ ខណៈ COVID-19 រាលដាលខ្លាំងលើពិភពលោក
ដោយឡែកនៅព្រឹកនេះអាជ្ញាធរហុងកុងទើបបានប្រកាសថាខ្លួនបានរកឃើញសញ្ញាសង្ស័យលើសត្វសុនខចិញ្ចឹមមួយក្បាលថាមានផ្ទុកវីរុស COVID-19 បន្ទាប់ពីម្ចាស់របស់សុនខខាងលើត្រូវរកឃើញថាមានផ្ទុកវីរុស COVID-19។ មកដល់ពេលនេះសុនខខាងលើត្រូវបានដាក់ឲ្យនៅដាច់ដោយឡែកចំនួន១៤ថ្ងៃ និងបន្តធ្វើតេស្តបន្ថែមទៀតដើម្បីឲ្យប្រាកដថាពិតជាមានផ្ទុកវីរុសនេះឬយ៉ាងណា។ បច្ចុប្បន្នអង្គការសុខភាពពិភពលោកមិនទាន់មានភស្តុតាងបង្ហាញថាសត្វចិញ្ចឹមអាចឆ្លងវីរុសនេះទេ។
គួរបញ្ជាក់ថាគិតមកដល់ពេលនេះ អត្រាអ្នកឆ្លងវីរុស COVID-19 ជុំវិញពិភពលោកមានជាង ៨០ ០០០ករណី និងមានអ្នកស្លាប់ជាង ២ ៨០០នាក់។
អត្ថបទពាក់ព័ន្ធ៖
- វីរុស Covid-19 អាចសម្ងំក្នុងខ្លួនយើងដល់ទៅ ២៧ថ្ងៃ ទើបចេញរោគសញ្ញា
- ការសិក្សា៖ វីរុស COVID-19 អាចចម្លងលឿនដូចផ្តាសាយ
- វីរុស COVID-19 ថមថយនៅចិន បែរជាហក់ឡើងនៅប្រទេសទាំងនេះវិញ
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម