តែបៃតងជាភេសជ្ជៈពេញនិយមមួយប្រភេទ ពិសេសសម្រាប់អ្នកដែលមានបញ្ហាផឹកកាហ្វេមិនសូវបាន ហើយងាកមកចាប់ចិត្ដនឹងតែបៃតងជំនួសវិញ។ ម្យ៉ាងទៀតគេយល់ថាតែបៃតងផ្ដល់អត្ថប្រយោជន៍ច្រើនដល់សុខភាព ហើយពេលវេលានិយមផឹក ច្រើនតែក្រោយពេលញ៉ាំអាហារថ្ងៃត្រង់ ឬអាចអាហារពេលល្ងាចតែម្ដង។
មាតិកា
តែបៃតងល្អខ្លាំងចំពោះសុខភាព តែយើងមិនគួរផឹកនៅអំឡុងពេលទាំងនេះទេ
តើការផឹកតែបៃតងបន្ទាប់ពីញ៉ាំអាហារហើយល្អសម្រាប់សុខភាពដែរទេ?
តែបៃតងជាភេសជ្ជៈដែលផ្ដល់អត្ថប្រយោជន៍ចំពោះសុខភាព ដូចជា ជំនួយខួរក្បាល កាត់បន្ថយហានិភ័យជំងឺបេះដូង មហារីក ឈឺសន្លាក់ មិនត្រឹមតែប៉ុណ្ណោះក៏ជួយឲ្យស្មារតីរឹងមាំផងដែរ ប៉ុន្ដែបញ្ហាចម្បងមួយ គឺថាតែបៃតងមិនស័ក្ដិសមជាភេសជ្ជៈគួរផឹកក្នុងអំឡុងពេលញ៉ាំអាហារ ឬក្រោយពេលញ៉ាំអាហារភ្លាមនោះទេ។
តែបៃតងត្រូវបានរកឃើញមានផ្ទុកចង្កោមសារធាតុ តានីន (Tannins) ជាសមាសធាតុគីមីក្នុងដើម និង ស្លឹករុក្ខជាតិអាចចងក្រង និង ចាប់យកពពួករ៉ែដូចជា រ៉ែដែក រ៉ែទង់ដែង និង រ៉ែក្រូមីញ៉ូម ពីរបបអាហារដែលយើងបានញ៉ាំ ហើយរារាំងការស្រូបរបស់រាងកាយ។
គណនា BMR
ការសិក្សាបានបង្ហាញថា ការផឹកតែបៃតងក្នុងអំឡុងពេលញ៉ាំអាហារ ឬបន្ទាប់ពីញ៉ាំអាហារភ្លាមៗនឹងបណ្ដាលឲ្យរាងកាយរបស់យើងមិនអាចស្រូបយកជាតិរ៉ែសំខាន់ៗបាននោះទេ ពិសេសរ៉ែជាតិដែកតែម្ដង ប្រសិនបើសុខភាពយើងកំពុងតែខ្វះជាតិដែក គួរតែកុំផឹកតែបៃតងក្នុងអំឡុងពេលនោះអី។ ពេលវេលាល្អបំផុតដែលគួរផឹកតែបៃតង នៅមុនពេលញ៉ាំអាហារ ១ម៉ោងកន្លះ និងក្រោយពេលអាហារ ឲ្យបានយ៉ាងហោច ២ម៉ោង ដើម្បីឲ្យប្រព័ន្ធរំលាយអាចស្រូបយកជាតិរ៉ែសំខាន់ៗទាំងនោះ។ ដូច្នេះបើយើងញ៉ាំអាហារដែលផ្ដោតសំខាន់លើពពួករ៉ែ គួរតែចៀសវាងភេសជ្ជៈប្រភេទនេះ។
តានីនជាសមាសធាតុគីមីដែលរកឃើញមាននៅក្នុងរុក្ខជាតិ ទាំងស្លឹក ទាំងដើម ក្នុងនោះរាប់បញ្ចូលទាំងស្លឹកតែ មិនថា តែខ្មៅឬ តែបៃតងនោះទេដែលមានរសជាតិចត់។ ប្រសិនបើយើងចង់ដឹងពីបរិមាណតានីនមាននៅក្នុងតែច្រើន ឬតិច យើងអាចសម្គាល់ដឹងតាមរយៈរសជាតិរបស់តែ បើរសជាតិចត់ខ្លាំង នោះបរិមាណតានីន ក៏មានច្រើន បើមិនសូវចត់ នោះបរិមាណតានីនគឺមានតិច។
អត្ថបទគួរអាន៖
- ទម្លាប់មិនល្អទាំង៦ បំផ្លាញសុខភាពបេះដូងដោយមិនដឹងខ្លួន
- ខ្វះឈាមទៅចិញ្ចឹមបេះដូង អាចចេញរោគសញ្ញាទាំងនេះ
- ផ្លែឈើទាំង៨មុខនេះ ល្អសម្រាប់សុខភាពបេះដូង
- ឈឺទ្រូងផ្នែកកណ្ដាល ឬខាងឆ្វេង ប្រយ័ត្នជំងឺសរសៃឈាមបេះដូង
- គ្រឿងផ្សំក្នុងអាហារ ៣មុខ អាចធ្វើឲ្យបេះដូងលោតខុសធម្មតា
- ធ្វើការពីផ្ទះ មុខកុំព្យូទ័រយូរម៉ោង អាចប្រឈមជំងឺបេះដូង
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Effects of Tannic Acid, Green Tea and Red Wine on hERG https://journals.plos.org/plosone/article?id=10.1371/journal.pone.0143797
Effect of Green Tea Catechins and Hydrolyzable Tannins on Benzo https://pubs.acs.org/doi/10.1021/tx900412a
Assessment of Anti-nutritive Activity of Tannins in Tea By-products Based on In vitro Rumen Fermentation https://www.animbiosci.org/journal/view.php?number=22963
Effect of Tannin in Green Tea By-Product in Combination https://www.scirp.org/journal/paperinformation.aspx?paperid=85536
You shouldn’t drink tea with protein or iron-rich foods https://www.downtoearth.org.in/news/food/you-shouldn-t-drink-tea-with-protein-or-iron-rich-foods-61411
កំណែប្រែបច្ចុប្បន្ន
17/09/2024
អត្ថបទដោយ អឿ អ៊ុយ
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ នូ សោភ័ណ្ឌ
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម