backup og meta

របបអាហារសំខាន់ៗជួយបន្ថយអាការៈលើសសម្ពាធឈាម

ត្រួតពិនិត្យដោយ វេជ្ជ. ចាន់ ស៊ីណេត · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


អត្ថបទ​ដោយ អឿ អ៊ុយ · កែ Jun 17, 2022

    របបអាហារសំខាន់ៗជួយបន្ថយអាការៈលើសសម្ពាធឈាម

    លើសសម្ពាធឈាម មិនមែនជារឿងធម្មតានោះទេចំពោះសុខភាព។ វាអាចបង្កគ្រោះថ្នាក់ និង ប៉ះពាល់ដល់ផ្នែកជាច្រើនក្នុងរាងកាយ ដូចជាបេះដូង ខួរក្បាល ប្រព័ន្ធប្រសាទ និង អាចគំរាមគំហែងអាយុជីវិតទៀតផង។ ជំងឺលើសសម្ពាធឈាមនៅមិនទាន់មានរបាយការណ៍ណាបង្ហាញពី មូលហេតុច្បាស់លាស់ភ្លាមៗនោះទេ ថាវាបង្កឡើងដោយមូលហេតុអ្វីមួយឲ្យពិតប្រាកដ។ ព្រោះករណីខ្លះ វាអាចបណ្ដាលមកពី បញ្ហាសរសៃឈាមកន្លែងណាមួយ ការមានជំងឺរ៉ាំរៃ បញ្ហាបេះដូង និងករណីខ្លះអាចបណ្ដាលមកពីការកកើតកំណកខ្លាញ់ក្នុងសរសៃឈាម ខ្លះទៀតអាចបង្កឡើង​ពីការជ្រើសរើសរបបអាហារដែលយើងញ៉ាំប្រចាំថ្ងៃ។

    ចង់គណនារង្វាស់ចង្វាក់បេះដូង ចុចទីនេះ!

    ចង់ពិនិត្យសុខភាពប្រព័ន្ធរំលាយអាហារ ចុចទីនេះ!

    ការជ្រើសរើសរបបអាហារឲ្យបានត្រឹមត្រូវចំពោះសុខភាពគឺជារឿងចាំបាច់ តួយ៉ាងរបបអាហារដែលអាចផ្ដល់ជីវជាតិដល់រាងកាយ និងអាចគ្រប់គ្រង សម្ពាធឈាមបាន ដែលមានដូចជា៖

    ប្រភេទអាហារវីតាមីន Cជាប្រភេទអាហារដែលសមត្ថភាពខ្ពស់ ក្នុងការទប់ស្កាត់ការកើនឡើងជំងឺស្ដ្រេស ដោយ​ពពួកអុកស៊ីតកម្ម។ មិនត្រឹមតែប៉ុណ្ណោះ វាក៏អាចរួមចំណែកទប់ស្កាត់បញ្ហារលាកជាច្រើនប្រភេទដែលជាហេតុបង្ក​ផលប៉ះពាលដល់សុខភាពឈានទៅដល់ការលើសសម្ពាធឈាម។ ប្រភេទអាហារទាំងនោះមានដូចជា៖ ម្រេច ផ្លែ​គីវី ប្រូខូលី ស្ដ័បឺរី ដំឡូងផ្អែម និងពពួកផ្លែឈើ មានសារធាតុ Citrus ដូចជា ផ្លែក្រូច ទំពាំងបាយជូ ក្រូចឆ្មារ ជា​ដើម។

    ប្រភេទអាហារវីតាមីន E៖ ក៏ជាប្រភេទអាហារដែលរួមចំណែកកាត់បន្ថយហានិភ័យកើនឡើងសម្ពាធឈាមផង​ដែរ។ ព្រោះមានតួនាទីទៅប្រឆាំងទៅនឹងអុកស៊ីតកម្ម ជួយការពារកោសិកាក្នុងរាងកាយ ដែលបំផ្លាញដោយ រ៉ាឌីកាល់សេរី។ វីតាមីនប្រភេទនេះសម្បូរនៅក្នុងអាហារដូចជា៖ ផ្លែបឺរ គ្រាប់ផ្កាឈូករ័ត្ន ប៊ឺសណ្តែកដី ត្រីសាម៉ុន ជា​ដើម។

    ប្រភេទអាហារប៉ូតាស្យូម ជួយកាត់បន្ថយបញ្ហាសម្ពាធឈាមដោយ ការសម្រួលចរន្ដសរសៃឈាម ជួយកាត់បន្ថយ​កាកសំណល់បំប្លែងចេញពីសារធាតុសូដ្យូមចេញពីរាងកាយ និង សម្រួលដល់ប្រព័ន្ធរំលាយអាហារ។ អាហារទាំងនោះមានដូចជា ចេក ដំឡូង ស្ពៃខ្មៅ ប៉េងប៉ោះ ការ៉ុត ក្រូចថ្លុង គ្រាប់ធញ្ញជាតិ អាល់ម៉ុន និងផ្លែបឺរ។ ការណែរនាំរបស់អ្នកជំនាញផ្នែកចំណីអាហារសុខភាពបានបញ្ជាក់ថា ក្នុងចំណោម អាហារទាំងនោះ ចេកមានសារធាតុប៉ូតាស្យូមខ្ពស់ជាងគេ។ ហើយការញ៉ាំអាហារដែលផ្ដល់សារធាតុប៉ូតាស្យូមច្រើនអាចជួយប្រឆាំងទៅនឹង សារធាតុសូដ្យូមដែលជាសារធាតុជំរុញឲ្យលើសសម្ពាធឈាមប្រសិនបើក្នុងខ្លួនមានផ្ទុកសារធាតុនេះច្រើន។

    ទឹកប៉េងបោះ

    ប្រភេទអាហារសេលេញ៉ូម៖ អាហារប្រភេទនេះក៏មានតួនាទីមិនខុសគ្នានោះដែរ ជួយកាត់បន្ថយហានិភ័យនៃការ​លើសសម្ពាធឈាម។ ព្រោះវាអាចជួយប្រឆាំទៅនឹង ការកើតជំងឺស្រ្ដេសដោយសារផលរំខាននៃពពួកអុកស៊ីដកម្មក្នុងរាងកាយ។ សារធាតុប្រភេទនេះមានច្រើន នៅលើប្រភេទអាហារសមុទ្រ និងបន្ទាប់បន្សំនៅមានលើ សណ្តែកដីខៀវ និង សាច់មាន់។

    ប្រភេទអាហារកាល់ស្យូម៖ របបអាហារប្រភេទនេះក៏រួមចំណែកកាត់បន្ថយការលើសសម្ពាធឈាមផងដែរ។ ដែល​​អាហារទាំងនោះមានដូចជា៖ ផលិតផលទឹកដោះគោ ដូចជា ទឹកដោះគោស្រស់ ទឹកដោះគោជូរ ឈីស បន្លែស្លឹកបៃតងចាស់ និងផ្កាខាត់ណាខៀវ សណ្តែកក្រៀម តៅហ៊ូ ទឹក សណ្តែកសៀង ដូង និង ស្រូវសាលីជាដើម។

    អត្ថបទគួរអាន៖

    ការទទួលទានអាហារសម្បូរសារធាតុកាល់ស្យូមបានយ៉ាងហោច ន្លោះពី ១០០០ក្រាមទៅ ១៥០០ក្រាមក្នុងមួយថ្ងៃអាចជំនួយដល់សុខភាព និងពង្រឹងទៅដល់ចរន្ដឈាមទៀតផង។ ដោយឡែក ការណែរនាំរបស់គ្រូពេទ្យ ក៏ត្រូវឲ្យ​ជៀសវាងក្រុមអាហារណាដែលមានកម្រិតប្រៃខ្ពស់ និងពពួកគ្រឿងស្រវឹង ជាតិអាល់កុល ព្រោះវាក៏រួមចំណែកប៉ះពាល់ទៅដល់បេះដូង និងលើសសម្ពាធឈាមផងដែរ។

    បដិសេធ

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    ត្រួតពិនិត្យដោយ

    វេជ្ជ. ចាន់ ស៊ីណេត

    · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


    អត្ថបទ​ដោយ អឿ អ៊ុយ · កែ Jun 17, 2022

    advertisement iconផ្សព្វផ្សាយពាណិជ្ជកម្ម

    តើអត្ថបទនេះមានប្រយោជន៍ដែរទេ?

    advertisement iconផ្សព្វផ្សាយពាណិជ្ជកម្ម
    advertisement iconផ្សព្វផ្សាយពាណិជ្ជកម្ម