គ្នាយើងមួយចំនួនតែងយល់ថា ការញ៉ាំពពួកវីតាមីន និងអាហារបំប៉នច្រើនចូលគ្នា អាចជួយឲ្យប្រព័ន្ធភាពស៊ាំរឹងមាំ និងជៀសផុតពីជំងឺផ្សេងៗ។ ប៉ុន្តែ តាមពិតទៅ នៅពេលដែលយើងញ៉ាំពពួកវីតាមីនច្រើនពេក នោះនឹងអាចបង្កផលប៉ះពាល់ធ្ងន់ធ្ងរទៅវិញ ហើយម្យ៉ាងវិញទៀត វីតាមីនមួយចំនួន មិនអាចប្រើប្រាស់ជាអាហារបំប៉នឡើយ។ យ៉ាងណាមិញ យើងអាចសង្កេតមើលរោគសញ្ញាមួយចំនួន ដែលបង្ហាញថាយើងស្រូបយកពពួកវីតាមីនច្រើនជ្រុល។
វីតាមីន ឬអាហារបំប៉នមិនគួរញ៉ាំច្រើនពេកឡើយ ព្រោះវាមិនបានផ្តល់អត្ថប្រយោជន៍ដូចអ្វីដែលយើងរំពឹងទុកឡើយ។ ផ្ទុយទៅវិញ ពពួកវីតាមីនទាំងនេះ បែរជាបង្កផលប៉ះពាល់ដល់រាងកាយទៅវិញ ដូចជាឈឺពោះ ជ្រុះសក់ បង្កើនហានិភ័យនៃជំងឺមហារីក បញ្ហាសរសៃប្រសាទ និងហូរឈាមច្រើនជ្រុល។
