ទឹកក្រូចឆ្មារ ជាភេសជ្ជៈមួយប្រភេទដ៏ពេញនិយមសម្រាប់គ្នាយើងគ្រប់វ័យ។ ជាក់ស្តែង វីតាមីន C ក៏ដូចជាសារធាតុប្រឆាំងនឹងអុកស៊ីតកម្ម ដែលមាននៅក្នុងទឹកក្រូចឆ្មារ អាចជួយផ្តល់អត្ថប្រយោជន៍ដល់សុខភាពច្រើនយ៉ាង ជាពិសេសនៅពេលដែលយើងញ៉ាំវានៅពេលព្រឹក។
មាតិកា
ញ៉ាំទឹកក្រូចឆ្មារពេលព្រឹក អាចផ្តល់អត្ថប្រយោជន៍ ៥ យ៉ាង ដល់សុខភាព
អត្ថប្រយោជន៍ទាំង៥នៃការញ៉ាំទឹកក្រូចឆ្មារជារៀងរាល់ថ្ងៃ
១. បង្កើនជាតិទឹក
ទឹកក្រូចឆ្មារ ជាភេសជ្ជៈដ៏ឆ្ងាញ់ពិសារ ដែលអាចជួយបង្កើនការញ៉ាំទឹកកាន់តែច្រើនឡើង ហើយនៅពេលដែលរាងកាយយើងផ្ទុកសារធាតុទឹកគ្រប់គ្រាន់ នោះនឹងអាចជួយជំរុញការរំលាយអាហារ ទ្រទ្រង់សុខភាពស្បែក និងជួយឲ្យមុខងាររាងកាយដំណើរការយ៉ាងរលូន។
២. គ្រប់គ្រងទម្ងន់
ជាមួយគ្នានេះដែរ ទឹកក្រូចឆ្មារ ក៏អាចជួយសម្រកទម្ងន់ដោយធ្វើឲ្យយើងមានអារម្មណ៍ឆ្អែត និងទ្រទ្រង់ដល់ការធ្វើមេតាប៉ូលីស។ កត្តាទាំង២នេះ មានសារៈសំខាន់ណាស់សម្រាប់ការគ្រប់គ្រងទម្ងន់ឲ្យនៅសមល្មម។
៣. ទ្រទ្រង់សុខភាពបេះដូង
លើសពីនេះ ទឹកក្រូចឆ្មារក៏អាចជួយឲ្យសុខភាពបេះដូងប្រសើរឡើង ដោយជួយធ្វើឲ្យសម្ពាធឈាមចុះទាប ហើយសារធាតុប្រឆាំងនឹងអុកស៊ីតកម្ម អាចកាត់បន្ថយហានិភ័យនៃជំងឺបេះដូង ព្រមទាំងការពារពីការបំផ្លាញសរសៃឈាមយ៉ាងមានប្រសិទ្ធភាព។
៤. បញ្ចៀសក្រួសតម្រងនោម
អាស៊ីដ Citric នៅក្នុងក្រូចឆ្មារ អាចជួយបញ្ចៀសការកើតក្រួសតម្រងនោម ដោយបង្កើនកម្រិតស៊ីត្រាតក្នុងទឹកនោម ។ យ៉ាងណាមិញ ការញ៉ាំទឹកក្រូចឆ្មារច្រើនជ្រុល អាចរួមចំណែកដល់ការកើតក្រួសតម្រងនោមចំពោះគ្នាយើងមួយចំនួនទៅវិញ ដោយសារតែសារធាតុ Oxalate នៅក្នុងក្រូចឆ្មារ។
៥. ពង្រឹងប្រព័ន្ធភាពស៊ាំ
ទឹកក្រូចឆ្មារ ជាប្រភពនៃវីតាមីន C ដែលមានសមត្ថភាពជួយពង្រឹងប្រព័ន្ធភាពស៊ាំឲ្យកាន់តែប្រសើរឡើង។ ការញ៉ាំទឹកក្រូចឆ្មារជាទៀងទាត់ អាចជួយឲ្យរាងកាយប្រឆាំងនឹងជំងឺទូទៅមួយចំនួន ដូចជាផ្ដាសាយធម្មតា និងគ្រុនផ្ដាសាយធំ។ ជាងនេះទៅទៀត ទឹកក្រូចឆ្មារក៏អាចជួយជំរុញដល់ការជាសះស្បើយនៃរបួស និងជួសជុលជាលិកាផងដែរ។
អត្ថបទគួរអាន៖
- ទម្លាប់មិនល្អទាំង៦ បំផ្លាញសុខភាពបេះដូងដោយមិនដឹងខ្លួន
- ខ្វះឈាមទៅចិញ្ចឹមបេះដូង អាចចេញរោគសញ្ញាទាំងនេះ
- ផ្លែឈើទាំង៨មុខនេះ ល្អសម្រាប់សុខភាពបេះដូង
- ឈឺទ្រូងផ្នែកកណ្ដាល ឬខាងឆ្វេង ប្រយ័ត្នជំងឺសរសៃឈាមបេះដូង
- គ្រឿងផ្សំក្នុងអាហារ ៣មុខ អាចធ្វើឲ្យបេះដូងលោតខុសធម្មតា
- ធ្វើការពីផ្ទះ មុខកុំព្យូទ័រយូរម៉ោង អាចប្រឈមជំងឺបេះដូង
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
7 Reasons to Start Your Day With Lemon Water
https://health.clevelandclinic.org/7-reasons-to-start-your-day-with-lemon-water-infographic/
4 Surprising Benefits of Drinking Lemon Water
https://selecthealth.org/blog/2017/04/4-surprising-benefits-of-drinking-lemon-water
Top 10 Benefits of Lemon Water
https://blackdoctor.org/top-10-benefits-of-lemon-water/
កំណែប្រែបច្ចុប្បន្ន
30/08/2024
អត្ថបទដោយ នូ សោភ័ណ្ឌ
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ Editor HK
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម