ការហាត់ប្រាណធ្វើឲ្យរាងកាយថយចុះកម្លាំង ថយចុះជាតិទឹក និងរងសម្ពាធខ្លាំងទៅលើសាច់ដុំក្នុងរាងកាយ។ ជាក់ស្ដែងណាស់អ្វីដែលអ្នកហាត់ប្រាណគួរញាំជាចាំបាច់ក្រោយពេលហាត់ប្រាណនោះគឺ ពពួកអាហារដែលសម្បូរទៅដោយ សារធាតុប្រូតេអ៊ីន ជាតិទឹក និង ប្រភេទអាហារដែលផ្ទុកសារធាតុកាបូនអ៊ីដ្រាត។ សារធាតុចិញ្ចឹមទាំងនោះត្រូវបានគេរកឃើញមាននៅក្នុងប្រភេទអាហារដូចជា៖
អង្ករសំរូប និង សាច់ទ្រូងមាន់គ្មានស្បែក៖ ជាទូទៅអង្ករសំរូបអាចនឹងពិបាកស្វែងរកបន្ដិច ប៉ុន្ដែចំពោះសាច់ទ្រូងមាន់ដែលគ្មានស្បែកទំនងមិនពិបាកស្វែងរកនោះទេ។ អាហារទាំងនេះមានសារធាតុ ប្រូតេអ៊ីនខ្ពស់ណាស់ អ្នកហាត់កីឡាជាច្រើនអាចដឹងច្បាស់ ពីអត្ថប្រយោជន៍របស់វា។ បរិមាណសាច់មាន់១០០ក្រាម ផ្ទុកប្រូតេអ៊ីន៣០ក្រាម និង ១៦៥ ការឡូរី ហើយ ៨០%នៃកាឡូរីកើតចេញពីប្រូតេអ៊ីន និង ២០%កើតចេញពីខ្លាញ់។
ស៊ុត៖ អាហារមួយចានកាន់តែងាយស្រួលរកថែមទៀត ក្នុងនោះស៊ុត យើងក៏អាចបន្ថែមជាមួយ បន្លែ ឬដំឡូងជ្វាប្រសិនជាអ្នកចូលចិត្ដ។ បរិមាណស៊ុត ១០០ក្រាម មានផ្ទុកប្រូតេអ៊ីន ១៥ក្រាម។
ចង់គណនារង្វាស់ចង្វាក់បេះដូង ចុចទីនេះ!
ចង់ពិនិត្យសុខភាពប្រព័ន្ធរំលាយអាហារ ចុចទីនេះ!
ប៊ឺសណ្តែកដី៖ រូបមន្ដផ្សំភាគច្រើនធ្វើញ៉ាំជាមួយនឹងនំសាំងវិចដែលពេញនិយមសម្រាប់អ្នកហាត់កីឡា ពិសេសទៀតនោះ វាមានភាពងាយស្រួល រហ័ស និង មានប្រយោជន៍ដល់សុខភាពទៀតផង។ បន្ថែមពីនោះក៏នៅមាន នំបុ័ង បូកនឹង គ្រាប់ធញ្ញជាតិទាំងមូល គឺកាន់តែប្រសើរមួយកម្រិតទៀតបន្ទាប់ពីការហាត់ប្រាណអស់កម្លាំង។
ទឹកឃ្មុំ៖ គឺជាឱសថធម្មជាតិ តែក៏ជារូបមន្ដភេសជ្ជៈសុខភាព ជំនួយបេះដូង សរសៃឈាម និងជំនួយសាច់ដុំផងដែរ។ អ្នកហាត់កីឡាអាចសាកល្បងជាមួយរូបមន្ដផ្សំដូចជា ក្រូចឆ្មារ ទឹកក្ដៅឧណ្ហៗ កាន់តែមានរសជាតិ និង ប៉ូវកម្លាំង បំប៉នជាតិទឹកក្នុងខ្លួន។ ភាពខ្លាំង នៃទឹកឃ្មុំអាច ពង្រឹងទៅលើប្រព័ន្ធភាពស៊ាំក្នុងរាងកាយ និងថែមទាំងអាចដោះស្រាយបញ្ហារលាក បានថែមទៀតផង។ អស់កម្លាំងក្រោយហាត់ប្រាណ បំភ្លេចចោលទៅ ប្រភេទភេសជ្ជៈកំប៉ុង ហើយងាកមកសាកល្បងវិធីងាៗនេះវិញទើបសុខភាពកាន់តែប្រសើរ។
ទឹកក្រឡុក៖ ទឹកក្រឡុកលាយផ្លែឈើច្រើនប្រភេទ ដែលអ្នកចូលចិត្តជាមួយទឹកដោះគោជូរឬទឹកដោះគោស្រស់ គ្មានជាតិខ្លាញ់ លាយជាមួយ ស៊ុត ការរ៉ុតបន្ដិចៗកាន់តែអស្ចារ្យតែម្ដង។ សូមកុំប្រើប្រាស់ទឹកស្ករ ច្រើនលើសពី ៣០% នៃភេសជ្ជៈធម្មជាតិនេះឲ្យសោះ ព្រោះជាតិស្ករចម្រាញ់អាចបង្កផលប៉ះពាល់ដល់សុខភាពយើងវិញ។
គ្រាប់ធញ្ញជាតិ៖ គ្រាប់ធញ្ញជាតិទាំងមូលមានជាតិសរសៃខ្ពស់ គឺជាការចាប់ផ្តើមដ៏ល្អមួយចំពោះអាហារសុខភាពអ្នកហាត់កីឡាផងដែរ។ មួយវិញទៀត ក្រៅពីគ្រប់ធញ្ញជាតិ នៅមានប្រភេទអាហារសរសៃផ្សេង ដូចជាផ្លែប៊ឺ ផ្លែចេក ទាំងពាំងបាយជូរ និង ផ្លែបោមជាដើម។
អត្ថបទគួរអាន៖
- ទម្លាប់មិនល្អទាំង៦ បំផ្លាញសុខភាពបេះដូងដោយមិនដឹងខ្លួន
- ខ្វះឈាមទៅចិញ្ចឹមបេះដូង អាចចេញរោគសញ្ញាទាំងនេះ
- ផ្លែឈើទាំង៨មុខនេះ ល្អសម្រាប់សុខភាពបេះដូង
- ឈឺទ្រូងផ្នែកកណ្ដាល ឬខាងឆ្វេង ប្រយ័ត្នជំងឺសរសៃឈាមបេះដូង
- គ្រឿងផ្សំក្នុងអាហារ ៣មុខ អាចធ្វើឲ្យបេះដូងលោតខុសធម្មតា
- ធ្វើការពីផ្ទះ មុខកុំព្យូទ័រយូរម៉ោង អាចប្រឈមជំងឺបេះដូង
តើគួរសម្រាកប៉ុន្មាននាទីបន្ទាប់ពីហាត់ ទើបអាចញ៉ាំអាហារទាំងនោះបាន?
តាមការចុះផ្សាយរបស់គេហទំព័រ Forbes បានបញ្ជាក់ថា អ្នកហាត់ប្រាណអាចសម្រាកចន្លោះពី ៣០នាទី ទៅ ៤៥នាទី គឺជាការល្អបំផុតសម្រាប់ញ៉ាំអាហាររូបត្ថម្ភដើម្បីជួយឱ្យរាងកាយងើបឡើងវិញ។ លោកសាស្ដ្រាចារ្យ Bonci មានប្រសាសន៍ថា អង់ស៊ីមដែលជួយក្នុងដំណើរការសំយោគសាច់ដុំ និងការបំពេញបន្ថែម glycogen គឺសកម្មបំផុតបន្ទាប់ពីធ្វើលំហាត់ប្រាណរួច។ ដូច្នេះប្រសិនបើអ្នកមិនមានអារម្មណ៍ឃ្លានភ្លាមៗនោះទេ បន្ទាប់ពីហាត់ប្រាណភ្លាមៗ អាចញ៉ាំអាហារសម្រន់ ឬទឹកដោះគោមួយកែវជាការស្រេច។
[embed-health-tool-bmr]
