អាហារដែលមានកម្រិតអ៊ីស្តាមីន អ្នកឧស្សាហ៍ប្រតិកម្មគួរដឹង

ប្រតិកម្មនឹងសារធាតុអ៊ីស្តាមីន ពី​អាហារ​ដែលយើងញ៉ាំចូល​​ក្នុងខ្លួន​មានរោគសញ្ញា​ស្រដៀងនឹង​អាលែកហ្ស៊ី​ដែរ ដោយសារ​រាងកាយ​យើងមានបញ្ហាក្នុងការបំបែកសារធាតុនោះ ឬដោយសារ​ក្នុងរាងកាយយើង​មាន​ផ្ទុកអ៊ីស្តាមីនច្រើនលើសកម្រិត។ តើអាហារណាខ្លះដែល​មាន​​កម្រិត​អ៊ីស្តាមីនទាប ហើយអាហារណា​ខ្លះ​មាន​អ៊ីស្តាមីនខ្ពស់គួរចៀសវាង?

ចុះអ្វីជា​អ៊ីស្តាមីន? ​គឺជាសារធាតុដែលបញ្ចេញដោយកោសិកាឈាមសដើម្បីឆ្លើយតបនឹងការរងប៉ះពាល់ពីអាលែកហ្ស៊ី ឬពីប្រតិកម្មបញ្ចេញពីការរលាក ដែលអាចបង្កគ្រោះថ្នាក់ដូចជា វីរុស បាក់តេរី សារធាតុ​បង្កប្រតិកម្ម ឬសារធាតុគីមីជាដើម កោសិកាឈាមសឈ្មោះម៉ាស (mast) នៅ​ក្នុងរាងកាយយើងនឹងបញ្ចេញសារធាតុអ៊ីស្តាមីនដើម្បី​កម្ចាត់ ឬទប់ស្កាត់​សារធាតុ​ទាំង​នោះ។

រាងកាយយើងក៏ទទួលបានអ៊ីស្តាមីនពីអាហារដែលយើងញ៉ាំដែរ។ អាហារមួយ​ចំនួន​មាន​ផ្ទុក​អ៊ីស្តាមីន អាហារមួយចំនួនជួយជំរុញការបញ្ចេញអ៊ីស្តាមីន និងអាហារមួយ​ចំនួន​ទៀតផ្ទុកអ៊ីស្តាមីនផង ជំរុញការបញ្ចេញអ៊ីស្តាមីនផង។ ឧទាហរណ៍​៖ គ្រឿង​ស្រវឹង​មិនត្រឹមតែ​ផ្ទុកទាំង​អ៊ីស្តាមីនទេ ថែម​ទាំងជំរុញ​ឱ្យ​រាងកាយ​យើង​បញ្ចេញ​អ៊ីស្តាមីន​ទៀតផង។

នៅពេលយើងប្រតិកម្មនឹងជាតិអ៊ីស្តាមីន យើងនឹងមានអាការៈដូចជា៖ កណ្តាស់ រមាស់ ឈឺសន្លាក់ ចង្អោរ រាក សម្ពាធឈាមចុះទាប ឈឺពោះ ឈឺក្បាល ឬឡើង​កន្ទួល​ក្រហម។

១. អាហារដែលមានអ៊ីស្តាមីនទាបមានដូចជា៖

• ផ្លែឈើសឹងតែទាំងអស់លើកលែងតែ ម្នាស់ ស្ត្របឺរី ល្ហុង ផ្លែឈើអម្បូរក្រូច (ក្រូចឆ្មា ក្រូច ក្រូចថ្លុង)​ ចេក
• បន្លែសឹងតែទាំងអស់លើកលែងតែ ប៉េងប៉ោះ ត្រប់វែង ស្ពៃពួយឡេង
• គ្រាប់ធញ្ញជាតិដែលគ្មានជាតិហ្គូទីន (Gluten)៖ ពោត អង្ករ គ្រាប់​ឈៀ
• ប្រេង​អូ​លីវ
• ប្រូតេអ៊ីនពីសត្វស្រស់៖ សាច់មាន់ សាច់គោ សាច់ចៀម ពពែ
• ផលិតផលដូង៖ ខ្ទិះដូង សាច់ដូង និងប័រដូង

គណនា BMI

គណនា BMR

កម្មវិធីពិនិត្យជំងឺបម្រុងទឹកនោមផ្អែមអនឡាញ

កម្មវិធីពិនិត្យ​បញ្ហាលិង្គមិនឡើងរឹងអនឡាញ

២. អាហារដែលអាចជួយជំរុញការបញ្ចេញអ៊ីស្តាមីនរួមមាន៖

• សារធាតុបន្ថែមរសជាតិ
• គ្រឿងស្រវឹង៖ ស្រាបៀ ស្រាក្រហម ស្រាសាំប៉ាញ
• សូកូឡា/កាកាវ
• ស៊ុតពណ៌ស
• សាច់៖ សាច់ជ្រូក ត្រីធូណា ត្រីសាឌីន
• សណ្តែក៖ សណ្តែកបាយ សណ្តែកក្រហម
• គ្រាប់ផ្លែឈើ៖ គ្រាប់វ៉ុលណាត់ គ្រាប់អាល់ម៉ុនជាដើម សណ្តែកដី
• ផ្លែឈើ៖ ម្នាស់ ស្ត្របឺរី ល្ហុង ផ្លែឈើអម្បូរក្រូច (ក្រូចឆ្មា ក្រូច ក្រូចថ្លុង)​ ចេក
• ពពួលខ្យង ខ្ចៅ លៀស គ្រំ
• បន្លែ៖ ស្ពៃពួយឡេង ប៉េងប៉ោះ ត្រប់វែង

៣. អាហារដែលជាទូទៅមានផ្ទុកអ៊ីស្តាមីនខ្ពស់រួមមាន៖

• គ្រឿងស្រវឹង៖ ស្រាបៀ ស្រាក្រហម ស្រាសាំប៉ាញ
• ផ្លែឈើ៖ ចេក គីវី ល្ហុង ស្ត្របឺរី ផ្លែឈើអម្បូរក្រូច
• ផ្លែឈើក្រៀម ឬដំណាប់ផ្លែឈើ
• សាច់ផ្អាប់៖ សាច់ក្រក ហត់ដក សាច់ ឬត្រីកំប៉ុង
• ផលិតផលទឹកដោះគោដែលឆ្លងកាត់ការផ្អាប់៖ ទឹកដោះគោជូរ ក្រែមជូរ ឈឺស
• បន្លែផ្អាប់៖ ជ្រក់ គីមឈី
• ត្រី និងគ្រឿងសមុទ្រ ជាពិសេសប្រសិនបើឆ្អើរ ប្រឡាក់ ឬដាក់កំប៉ុង
• គ្រឿងទេស៖ ទឹកប៉េងប៉ោះ ទឹកស៊ីអ៊ីវ ទឹកត្រី ទឹកខ្មេះ
• បន្លែ៖ ប៉េងប៉ោះ ត្រប់វែង ស្ពៃពួយឡេង
• តែ៖ តែខ្មៅ តែបៃតង តែ
• មេ៖ មេដំបែ មេនំ

បើយើងប្រតិកម្មនឹងអ៊ីស្តាមីន យើងគួរចៀសវាងអាហារដែលផ្ទុកអ៊ីស្តាមីន​ខ្ពស់ ឬអាហារដែលជំរុញការបញ្ចេញអ៊ីស្តាមីន។ តាមការសិក្សាបានឱ្យដឹងថា អាហារ​ដែល​ឆ្លងកាត់​ការចៀន បំពង ឬអាំងអាចកើនជាតិអ៊ីស្តាមីន ដូច្នេះយើងគួរញុំាអាហារស្ងោរ ឬចំហុយជំនួសវិញ។

អាន៖

• ស្វែងយល់ពីបញ្ហាអាលែកហ្ស៊ីច្រើនទៀត
• អាលែកហ្ស៊ីនឹងទឹកដោះគោ អាចញុំាអាហារទាំងនេះជំនួស ដើម្បីឲ្យឆ្អឹងរឹងមាំ
• ដុះសាច់ច្រមុះ និង​អាលែកហ្ស៊ីច្រមុះ មានរោគសញ្ញាដូចម្ដេចខ្លះ?
• ញ៉ាំផ្លែបឺរ បើចេញរោគសញ្ញាទាំងនេះ បញ្ជាក់ថាអាលែកហ្ស៊ីហើយ
• អាហារទាំងនេះ អាចជួយបន្ថយរោគសញ្ញាអាលែកហ្ស៊ី
• កាហ្វេអ៊ីន ក៏អាច​ធ្វើ​ឲ្យ​អ្នក​ខ្លះមានប្រតិកម្មអាលែកហ្ស៊ី
• ប្រយ័ត្ន​កុំ​លេង​សើច! អាលែកហ្ស៊ីច្រមុះ អាចធ្វើឲ្យកើតហឺត
• ម៉េចបានញ៉ាំអាហារខ្លះ ធ្វើឲ្យ​ហើមមាត់​ អណ្ដាត បំពង់ក?
• រឿង ៤យ៉ាង គួរធ្វើពេលជួបបញ្ហាអាលែកហ្ស៊ី