ជំរុញការហាត់ប្រាណ

មួយថ្ងៃគួរហាត់ប្រាណយ៉ាងតិចប៉ុន្មាននាទី ល្អចំពោះសុខភាព?

គ្នាយើងដឹងហើយថាការហាត់ប្រាណបានផ្ដល់ប្រយោជន៍ច្រើនយ៉ាងដល់សុខភាព ដូចជាការពារជំងឺផ្សេង កាត់បន្ថយស្រ្តេស ជួយសម្រកទម្ងន់ ឬរក្សាទម្ងន់ឲ្យនៅថេរល្អ ជាដើម។ ចុះគ្នាយើងដែលដឹងអត់ ដើម្បីឲ្យសុខភាពយើងល្អ តើគួរហាត់ប្រាណយ៉ាងតិចប៉ុន្មាននាទីក្នុងមួយថ្ងៃ? ១. សកម្មភាពហាត់ប្រាណ ជាការណែនាំមនុស្សពេញវ័យគួរហាត់ប្រាណកម្រិតមធ្យមលើប្រភេទលំហាត់ប្រាណអេរ៉ូបិក១៥០នាទីក្នុងមួយសប្ដាហ៍ ឬបើយើងហាត់ប្រាណបែប អេរ៉ូបិកកម្រិតខ្លាំងអាចត្រឹម៧៥នាទីក្នុងមួយសប្ដាហ៍។ ការហាត់ប្រាណបានកាន់តែច្រើន ក៏ផ្ដល់គុណប្រយោជន៍កាន់តែច្រើនដល់សុខភាពដូចគ្នាដែរ។ ចំណែកសកម្មភាពរាងកាយធម្មតាៗមួយចំនួន ក៏មានប្រយោជន៍ដល់រាងកាយផងដែរ។ ដូចនេះហើយ បានជាមានការលើកឡើងថា ថ្វីបើមនុស្សយើងមិនសូវបានហាត់ប្រាណមែន តែបើយើងជាមនុស្សបញ្ចេញសកម្មភាពរាងកាយច្រើន ក៏មានប្រយោជន៍ដល់សុខភាពដូចគ្នា។ ២. ប្រភេទលំហាត់ប្រាណសម្រាប់សុខភាព ដូចបានលើកឡើងខាងលើអ៊ីចឹង ហាត់ប្រាណដើម្បីសុខភាព យើងអាចអនុវត្តប្រភេទលំហាត់ប្រាណខាងលើនោះបាន។ លំហាត់ប្រាណបែបអេរ៉ូបិកកម្រិតមធ្យមមានដូចជាដើរហាត់ប្រាណ ហែលទឹក ឬសកម្មភាពរុញម៉ាស៊ីនកាត់ស្មៅចុះឡើង ជាដើម។ ចំណែកលំហាត់ប្រាណអេរ៉ូបិកកម្រិតខ្លាំងមានដូចជារត់ និងរាំ ប្រភេទអេរ៉ូបិក។ ជាទូទៅការហាត់ប្រាណដើម្បីសុខភាព គឺយើងប្រើពេលហាត់ប្រាណកម្រិតមធ្យមប្រហែល៣០នាទីក្នុងមួយថ្ងៃ។ ប្រសិនបើគ្នាយើងមានបំណងចង់សម្រកទម្ងន់ ឬបានរាងស្អាត យើងត្រូវហាត់ប្រាណឲ្យបានយូរជាងនេះ ដោយអាចចំណាយពេលហាត់រហូតដល់៣០០នាទីក្នុងមួយសប្ដាហ៍ ឬច្រើនជាងនេះ។ មួយវិញទៀត ការកាត់បន្ថយទម្លាប់អង្គុយធ្វើការយូរម៉ោងក៏មានសារសំខាន់ដែរ។ ការអង្គុយកាន់តែច្រើនម៉ោងរៀងរាល់ថ្ងៃ ក៏បង្កើតឱកាសកាន់តែច្រើនឲ្យយើងមានបញ្ហាមេតាប៉ូលិស។ ការអង្គុយយូរម៉ោងក្នុងមួយថ្ងៃៗ អស់រយៈពេលយូរ នឹងផ្ដល់ផលអវិជ្ជមានដល់សុខភាព ទោះបីជាយើងបានហាត់ប្រាណត្រឹមត្រូវតាមការណែនាំក៏ដោយ។ បើសិនជាគ្នាយើងមិនអាចមានពេលដើររយៈពេល៣០នាទីអំឡុងពេលថ្ងៃទេ យើងគួរឆ្លៀតដើរម្ដងប្រាំនាទីនៅពេលណាមួយដែលអាចធ្វើបាន។ រាល់សកម្មភាពរាងកាយយើងបានធ្វើ គឺពិតជាល្អប្រសើរជាងមិនបានធ្វើអ្វីសោះ។ អ្វីដែលសំខាន់ គឺយើងត្រូវបញ្ចេញសកម្មភាពរាងកាយជាប្រចាំថ្ងៃ ដើម្បីសុខភាពយើងល្អប្រសើរ។

ជំរុញការហាត់ប្រាណ

បញ្ហាកម្ពស់ធ្វើឲ្យអ្នកខ្លះពិបាកចិត្ត សាកគិតវិជ្ជមានតាមវិធីនេះនឹងជួយផ្លូវចិត្តបាន

តាមពិតទៅមានមនុស្សជាច្រើនមិនពេញចិត្ដជាមួយកម្ពស់របស់ខ្លួនទេ។ មានអ្នកខ្លះគិតថាខ្លួនខ្ពស់ពេក ចំណែកឯអ្នកខ្លះទៀតស្អប់ខ្លួនឯងដោយសារកម្ពស់ទាបពេក។ កម្ពស់របស់យើងគ្រប់គ្នាអាចខុសគ្នាទៅតាមហ្សែន ហើយក្រៅពីនេះរបៀបនៃការរស់នៅ និងកត្តាបរិស្ថានក៏ចូលរួមចំណែកក្នុងការលូតកម្ពស់របស់យើងដូចគ្នា។ ក្នុងករណីជាច្រើន យើងមិនអាចកែប្រែកម្ពស់របស់ឯងបានទេ។ មិនថាយើងពេញចិត្ដ ឬអត់នោះទេ គឺត្រូវតែទទួលយកការពិត និងរស់នៅជាមួយកម្ពស់បែបនេះជារៀងរហូត ប៉ុន្តែមានពេលខ្លះយើងចាំបាច់ត្រូវចេះដោះស្រាយជាមួយបញ្ហាកម្ពស់របស់យើង។ ខាងក្រោមនេះគឺជាតិចនិកងាយៗមួយចំនួនដែលអាចជួយយើងបានខ្លះ។ អត្ថបទពាក់ព័ន្ធ៖ ម៉ាក់ប៉ាអន់កម្ពស់ ហើយខ្លាចកូនអ៊ីចឹងដែរ គួរធ្វើតាមវិធីនេះ ទាំងនេះជាប្រភពអាហារូបត្ថម្ភ ក្មេងៗខ្វះមិនបាន ក្រុមអាហារទាំង៣ពណ៌នេះ សំខាន់យ៉ាងណាខ្លះចំពោះរាងកាយយើង? ១- ទទួលស្គាល់ថាកម្ពស់របស់យើងមិនមែនជាបញ្ហានោះទេ កម្ពស់របស់យើងមិនមែនបញ្ហានោះគឺមនុស្សដែលធ្វើបាបយើង និងមើលងាយយើងដោយសារតែរឿងកម្ពស់របស់យើងជាបញ្ហា។ ចុះបើមិនមានអ្នកណាមកធ្វើបាប ឬសើចចម្អកជាមួយកម្ពស់របស់យើងទេនោះ តើយើងនៅតែស្អប់កម្ពស់ខ្លួនឯងទៀតទេ? ចម្លើយនោះគឺប្រហែលជាមិនអាចនោះទេ។ ការគិត ការវាយតម្លៃលើខ្លួនឯង គឺផ្ដោតសំខាន់លើការកាត់ក្ដីពីសង្គមដែលយើងកំពុងតែរស់នៅ។ មានថ្ងៃណាមួយយើងនឹងទទួលស្គាល់ថាយើងនឹងមិនអាចពេញចិត្ដជាមួយមនុស្សជុំវិញខ្លួនបានជារៀងរហូត។ ប្រសិនបើយើងមិនខ្ពស់ ឬទាបពេកទេនោះ អ្នកដែលចូលចិត្ដមើលងាយ និងវាយតម្លៃគេនៅតែរកវិធីអ្វីផ្សេងដើម្បីបង្អាប់យើងទាល់តែបាន។ វាជារឿងដែលមិនអាចទៅរួចទេ ដែលយើងចាំបាច់ត្រូវរស់នៅដើម្បីបំពេញចំណង់របស់អ្នកផ្សេង។ មនុស្សដែលចូលចិត្ដយើងពិតប្រាកដ នឹងនៅតែចូលចិត្តយើងដែលជាខ្លួនយើង។ យើងគួរទៅនិយាយជាមួយអ្នកចូលចិត្ដធ្វើបាបគេនោះ បង្ហាញឲ្យគេឃើញថាយើងពេញចិត្ដជាមួយរូបរាងរបស់យើងដោយបញ្ចេញកាយវិការដោយមានភាពជឿជាក់។ ត្រូវរៀនឈរឲ្យខ្ពស់ និងងើបក្បាលឡើង ត្រូវនិយាយដោយប្រើភ្នែកសម្លឹងមើលភ្នែក។ មនុស្សជុំវិញខ្លួនយើងអាចសើចចម្អកឲ្យអ្នក តែលើរឿងដែលយើងមានភាពអៀនខ្មាស់ចំពោះខ្លួនឯងប៉ុណ្ណោះ។ បើយើងនៅតែមិនអាចដោះស្រាយបញ្ហាបាន យើងមិនត្រូវខ្លាចនិងប្រាប់ប៉ាម៉ាក់ គ្រូបង្រៀន ឬគ្រូបង្វឹករបស់យើងទេ។ ក្នុងករណីចាំបាច់យើងអាចស្វែករកជំនួយពីប្រព័ន្ធច្បាប់បានដូចគ្នា។ អត្ថបទពាក់ព័ន្ធ៖ ប្រុសៗមានកម្ពស់ខ្ពស់ អត្រាប្រឈមបញ្ហាជំងឺវង្វេងកាន់តែទាប វិទ្យាសាស្រ្តរកឃើញថាមនុស្សទាបឆាប់ខឹងជាងអ្នកខ្ពស់ តិចនិករៀបចំរបបអាហារពិសេស កូនញ៉ាំហើយសុខភាពល្អ និងវៃឆ្លាត ២- ត្រូវពេញចិត្ដជាមួយកម្ពស់របស់ខ្លួន ប្រសិនបើយើងចាំបាច់ចង់បានកម្ពស់បន្ថែម យើងអាចទៅពិភាក្សាជាមួយគ្រូពេទ្យបាន។ ក្នុងករណីយើងស្ថិតក្នុងរ័យកំពុងលូតលាស់ យើងអាចគ្រាន់តែញ៉ាំអាហារត្រឹមត្រូវ និងហាត់ប្រាណជាប្រចាំគឺអាចជួយបង្កើនកម្ពស់បានខ្លះដែរ។ ប្រសិនបើយើងមានកម្ពស់ខ្ពស់ស្រាប់ហើយ […]