ហេតុអ្វីទឹកកាមប្រែជាលឿង? ទឹកកាមជាធម្មតាមានពណ៌ស ជាមួយនឹងសភាពអន្លាយៗ ហើយពណ៌ទឹកកាមក៏អាចប្រែប្រួលតិចតួចទៅតាមហ្សែន របបអាហារ និងបញ្ហាសុខភាពទូទៅរបស់បុរសម្នាក់ៗ។ ដូចគ្នាដែរ បើសិនជាយើងមិនចេញរោគសញ្ញាខុសប្រក្រតីណាមួយទេ ការប្រែពណ៌របស់ទឹកកាមគឺមិនមានអ្វីគួរឲ្យបារម្ភនោះដែរ។
បុរសមានសុខភាពល្អម្នាក់ទឹកកាមអាចមានពណ៌ស ឬប្រផេះ និងបន្តប្រែទៅជាថ្លានៅប៉ុន្មាននាទីបន្ទាប់។ បើសិនជាគ្នាយើងប្រុសៗសង្កេតឃើញថាទឹកកាមប្រែជាពណ៌លឿង យើងគួរពិនិត្យលើចំណុចមួយចំនួននេះ។
១. របបអាហារ
អាហារជាក់លាក់មួយចំនួនអាចមានឥទ្ធិពលលើពណ៌ទឹកកាម។ ក្នុងករណី នេះ វាមិនមានអ្វីគួរឲ្យបារម្ភនោះទេ។ អាហារអាចមានឥទ្ធិពលដល់ពណ៌ទឹកកាមមានដូចជាល្មៀត ខ្ទឹមស ខ្ទឹមបារាំង និងទំពាំងបារាំង។
[embed-health-tool-heart-rate]
២. ទឹកនោម
មួយវិញទៀត បើមានទឹកនោមលាយជាមួយនឹងទឹកកាម នោះទឹកកាមក៏នឹងអាចប្រែជាពណ៌លឿងបានដែរ។ ទឹកកាមក៏ចេញមកក្រៅតាមបំពង់បង្ហួរនោមដូចទឹកនោមដែរ។ ក្នុងករណីមានទឹកនោមនៅសល់ក្នុងបំពង់បង្ហួរនោម ពេលដែលបញ្ចេញទឹកកាម ក៏អាចធ្វើឲ្យទឹកកាមប្រែជាពណ៌លឿងដែរ។
៣. ជក់បារី និងផឹកស្រា
របៀបរបបរស់នៅមួយចំនួនដូចជាការជក់បារី និងផឹកស្រា សុទ្ធជាជាមូលហេតុធ្វើឲ្យទឹកកាមប្រែពណ៌។ ដើម្បីដោះស្រាយបញ្ហានេះ ឈប់ជក់បារី។ ជាធម្មតាមនុស្សជក់បារី ច្រើនជួបទឹកកាមមានពណ៌លឿងញឹកញាប់ជាងអ្នកមិនជក់បារី។
៤. វ័យ
កាលណាវ័យប្រុសៗយើងកាន់តែច្រើន ពណ៌របស់ទឹកកាមក៏អាចប្រែប្រួលដែរ ដែលនេះជារឿងធម្មជាតិសុទ្ធសាធ។ អាយុកាន់តែច្រើន ទឹកកាមក៏អាចប្រែជាពណ៌លឿងបានដែរ។ យ៉ាងណា ទឹកកាមប្រែពណ៌របស់មនុស្សប្រុសវ័យចំណាស់អាចកើតមានដោយសន្សឹមៗ មិនងាយនឹងចាប់អារម្មណ៍ដឹងនោះទេ។
៥. ជំងឺខាន់លឿង
ជំងឺខាន់លឿងមិនមែនកើតតែលើក្មេងនោះទេ មនុស្សពេញវ័យក៏អាចកើតជំងឺនេះដែរ ដែលនេះបង្ហាញពីការមានរោគប្រចាំកាយ និងអាចបង្កឲ្យមានទឹកកាមពណ៌លឿង។
ខាន់លឿងកើតឡើងនៅពេលរាងកាយយើងមានសារធាតុbilirubin ច្រើនពេក ធ្វើឲ្យស្បែក ភ្នែក និងទឹកកាមប្រែជាលឿង។
ខាន់លឿងនេះ អាចបង្កឡើងដោយមូលហេតុច្រើនយ៉ាងដូចជាមានជំងឺថ្លើម រលាកលំពែង និងក្រួសក្នុងថង់ទឹកប្រមាត់។
ក្រៅពីនេះ ការឆ្លងជំងឺកាមរោគក៏អាចធ្វើឲ្យទឹកកាមប្រែជាពណ៌លឿងដែរ។ ដូចនេះ បើប្រុសៗយើងសង្ស័យថាមានឆ្លងជំងឺកាមរោគ គួរប្រញាប់ស្វែងរកជំនួយពីគ្រូពេទ្យ។
អត្ថបទគួរអាន៖
- ចំណង់ផ្លូវភេទស្រីៗឡើងខ្ពស់ អាចមកពីមូលហេតុទាំងនេះ
- តើការរួមភេទអាចដុតកាឡូរីបានច្រើនដូចការហាត់ប្រាណដែរ ឬអត់?
- “រួមភេទតាមមាត់” មានគុណវិបត្តិ ក៏មានគុណសម្បត្តិដែរ
- អាថ៌កំបាំងទាំង ៦ ជួយជីវិតផ្លូវភេទកាន់តែប្រសើរ
- ប្រុសៗប្រយ័ត្នផង! មិនចង់អសមត្ថភាពផ្លូវភេទ កុំឲ្យកើតជំងឺនេះ
- កត្តាទាំង៣ បញ្ជាក់ថាគេងគ្រប់គ្រាន់ជួយជំរុញបង្កើនផ្លូវភេទ
