មធ្យោបាយពន្យារកំណើតមិនមែនតែស្ត្រីទេ សព្វថ្ងៃបុរសក៏មានមធ្យោបាយច្រើនដែរ ដោយខ្លះក៏មានប្រសិទ្ធិភាពរហូត ៩៩ ភាគរយ ហើយខ្លះទៀតមិនសូវមានសុវត្ថិភាពឡើយ។ លោកស្រីវេជ្ជបណ្ឌិត ពឹង ជុតិមា នាយិកាសេវាកម្មគ្លីនិក រ៉ាក់ បកស្រាយដូចខាងក្រោម៖
១- ចាក់ទឹកក្រៅពាង
ចាក់ទឹកក្រៅពាងជាមធ្យោបាយដែលមានអត្រាភ្លាត់មានផ្ទៃពោះពី ៥ ទៅ ១៥ ភាគរយ ដោយសារតែទឹករម្អិលបុរសមានមុនពេលចេញទឹកកាម មានផ្ទុកមេជីវិតតិចតួចតែអាចបង្កឲ្យមានផ្ទៃពោះបាន។ ចំណែកអ្នកខ្លះព្រោះតែដកចេញមិនទាន់ក៏បណ្ដាលឲ្យមានផ្ទៃពោះដូចគ្នា។
ចង់គណនារង្វាស់ចង្វាក់បេះដូង ចុចទីនេះ!
ចង់ពិនិត្យសុខភាពប្រព័ន្ធរំលាយអាហារ ចុចទីនេះ!
២- ស្រោមអនាម័យ
ស្រោមអនាម័យគឺជាមធ្យោបាយមួយដ៏មានប្រសិទ្ធភាព ដើម្បីការពារការចាប់កំណើត និងបង្ការជំងឺកាមរោគមួយចំនួនផងដែរ។ ស្រោមអនាម័យធ្វើឡើងពីសារធាតុឡាតិចដែលស្ដើង ស្វិត ហើយបុរសជាច្រើនជ្រើសរើសវិធីមួយនេះ ព្រោះងាយស្រួល និងមានដំណើរការស្រួល ពេលរួមភេទ។
៣- ចង ឬកាត់បំពង់ទឹកកាម
មធ្យោបាយពន្យារកំណើតនេះ មិនអាចត្រលប់ថយក្រោយវិញបានទេ។ ប៉ុន្តែគ្រូពេទ្យជំនាញខ្លះអាចស្រាយចំណង និងតបំពង់ទឹកកាមឡើងវិញដែលអត្រាជោគជ័យមានភាគរយខ្ពស់គួរសម ឬក៏ច្រឹបយកមេជីវិតពីពងស្វាស និងបង្កកំណើតក្រៅខ្លួន។ អត្រាដែលភ្លាត់មានផ្ទៃពោះ មានតិចតួចបំផុត ហើយមធ្យោបាយប្រភេទនេះ ពេញនិយមនៅបរទេសច្រើន។
៤- ថ្នាំចាក់ពន្យារកំណើតបុរស
ថ្មីៗនេះអ្នកវិទ្យាសាស្ត្រទើបរកឃើញប្រភេទថ្នាំចាក់ពន្យារកំណើត ជាប្រភេទសមាសធាតុថ្នាំPolymer អាចជ្រាបចូលទៅក្នុងពងស្វាសរបស់មនុស្សប្រុស រួចវាគ្របដណ្ដប់បំពង់តូចៗដែលបញ្ជូនមេជីវិតទៅកាន់ចុងប្រដាប់ភេទមនុស្សប្រុស។ ប៉ុន្តែថ្នាំនេះមិនទាន់ចេញឲ្យប្រើប្រាស់ជាសកលនៅឡើយទេ។
អត្ថបទគួរអាន៖
[embed-health-tool-bmi]
