ក្រុមឈាមបែងចែកជា ៤ ក្រុមធំៗគឺ A, B, AB និង O ហើយក្រុមឈាមទាំងនេះសុទ្ធតែមានរ៉េស៊ីសវិជ្ជមាន (+) និងអវិជ្ជមាន (–) ដែលបង្កើតបានជាក្រុមឈាម A+, A-, B+, B-, AB+, AB- ,O+ និង O-។ តើប្រភេទក្រុមឈាមណាមានហានិភ័យជំងឺបេះដូងខ្ពស់?
មាតិកា
ការសិក្សា៖ អ្នកមានក្រុមឈាម A ឬ B ប្រឈមជំងឺបេះដូងខ្ពស់ជាងក្រុមឈាម O
លោកវេជ្ជបណ្ឌិត Lu Qi អ្នកនិពន្ធជាន់ខ្ពស់ និងជាជំនួយការសាស្រ្តាចារ្យនៅ Department of Nutrition នៅសហរដ្ឋអាមេរិកបានលើកឡើងថា អ្នកដែលមានក្រុមឈាម A ឬ B មានហានិភ័យខ្ពស់ក្នុងការកើតជំងឺសរសៃឈាមបេះដូងជាងអ្នកដែលមានក្រុមឈាមប្រភេទ O។ ឯអ្នកដែលមានក្រុមឈាម AB ដែលជាក្រុមឈាមកម្រ មានហានិភ័យខ្ពស់ជាងគេក្នុងការកើតជំងឺសរសៃឈាមបេះដូង។
តាមការសិក្សាដ៏ធំមួយបានឱ្យដឹងថា អ្នកមានក្រុមឈាមប្រភេទ A ឬ B មានហានិភ័យខ្ពស់ក្នុងការគាំងបេះដូងដល់ទៅ ៨% ហើយមានហានិភ័យក្នុងការកើតជំងឺខ្សោយបេះដូង ១០% បើធៀបនឹងអ្នកដែលមានក្រុមឈាមប្រភេទ O។
លោកវេជ្ជបណ្ឌិត Douglas Guggenheim ឯកទេសជំងឺឈាមនៅទីក្រុងញ៉ូយ៉កបានលើកឡើងថា ហេតុផលនៅពីក្រោយហានិភ័យនេះគឺដោយសារអ្នកដែលមានក្រុមឈាម A, B ឬ AB ងាយនឹងរងការរលាកក្នុងខ្លួន។ ម្យ៉ាងទៀត ប្រូតេអ៊ីនដែលមាននៅក្នុងក្រុមឈាមប្រភេទ A និង B អាចបណ្តាលឱ្យសរសៃវ៉ែន និងសរសៃឈាមបេះដូង “ស្ទះ” ឬ “ឡើងក្រាស់” ដែលបង្កើនហានិភ័យក្នុងការកកឈាម និងកើតជំងឺបេះដូង។
អ្នកមានក្រុមឈាមប្រភេទ A និង B មានហានិភ័យខ្ពស់ក្នុងការកើតជំងឺស្ទះសរសៃវ៉ែនដល់ទៅ ៥១% និងមានហានិភ័យក្នុងការកើតជំងឺស្ទះសរសៃឈាមសួតដល់ទៅ ៤៧% ដែលសុទ្ធតែជាជំងឺកំណកឈាមធ្ងន់ធ្ងរដែលអាចបង្កើនហានិភ័យក្នុងការកើតជំងឺខ្សោយបេះដូង។
លោកវេជ្ជបណ្ឌិត Lu Qi បានបន្ថែមថា យើងគួរដឹងប្រភេទក្រុមឈាមរបស់យើង កម្រិតកូលេស្តេរ៉ូលក្នុងខ្លួន និងសម្ពាធឈាម។ ប្រសិនបើយើងដឹងថា យើងមានហានិភ័យខ្ពស់ក្នុងការកើតជំងឺបេះដូង យើងអាចកាត់បន្ថយហានិភ័យដោយប្រកាន់យករបៀបរស់នៅដែលល្អចំពោះសុខភាព ដូចជាញ៉ាំអាហារដែលល្អចំពោះសុខភាព ហាត់ប្រាណ និងចៀសវាងការជក់បារីជាដើម។
អត្ថបទគួរអាន៖
- ទម្លាប់មិនល្អទាំង៦ បំផ្លាញសុខភាពបេះដូងដោយមិនដឹងខ្លួន
- តាមដានសុខភាពបេះដូង ដោយសង្កេតមើលចំណុចទាំងនេះ
- គ្រឿងស្រវឹងមិនត្រឹមតែប៉ះពាល់ថ្លើម តែក៏គ្រោះថ្នាក់ដល់បេះដូង
- ស្រ្តេសនឹងការងារធ្វើឲ្យស្រីៗប្រឈមជំងឺបេះដូងខ្ពស់ កុំប្រហែស
- សញ្ញាព្រមានទាំង៧ បញ្ជាក់ថាបេះដូងដំណើរការមិនប្រក្រតី
- សញ្ញាព្រមានទាំង៨ មុនមានបញ្ហាគាំងបេះដូង
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
What Your Blood Type Means For Heart Health, According to Science
https://www.cnet.com/health/medical/what-your-blood-type-means-for-heart-health-according-to-science/
Blood type linked to heart disease risk
https://www.hsph.harvard.edu/news/hsph-in-the-news/qi-blood-type-heart-disease-risk/
What’s blood type got to do with clot risk?
https://www.heart.org/en/news/2020/01/23/whats-blood-type-got-to-do-with-clot-risk
Your blood type may make you more susceptible to dozens of diseases
https://www.studyfinds.org/blood-type-disease/
Study reports links between blood types and disease risks
https://elifesciences.org/for-the-press/7a378927/study-reports-links-between-blood-types-and-disease-risks
What Does Your Blood Type Mean for Your Health?
https://www.nm.org/healthbeat/healthy-tips/what-does-your-blood-type-mean-for-your-health#:~:text=Of%20the%20eight%20main%20blood,types%20AB%20and%20B%20blood.
Facts About Blood and Blood Types
https://www.redcrossblood.org/donate-blood/blood-types.html
កំណែប្រែបច្ចុប្បន្ន
19/04/2022
អត្ថបទដោយ សុខ វណ្ណ
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ ទូច សុខា
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម