តើអ្វីទៅជាកូលេស្ដេរ៉ូល? ហើយមានមុខងារធ្វើអី? កូលេស្ដេរ៉ូលគឺជាខ្លាញ់ក្នុងសរសៃឈាម ដែលរាងកាយរបស់យើងស្រូបចេញពីរបបអាហារដែលយើងបានញ៉ាំរាល់ថ្ងៃ។
មាតិកា
ការឡើងកូលេស្ដេរ៉ូលក្នុងសរសៃឈាមបណ្ដាលឲ្យឈឺក្បាលដែរឬទេ?
ចង់គណនារង្វាស់ចង្វាក់បេះដូង ចុចទីនេះ!
កូលេស្ដេរ៉ូល មាន ២ប្រភេទសំខាន់ៗ គឺកូលេស្ដេរ៉ូលដែលមានដង់ស៊ីតេ Lipoprotein ខ្ពស់ (HDL) និងកូលេស្ដេរ៉ូលដែលមានដង់ស៊ីតេ Lipoprotein ទាប (LDL)។ តើក្នុងចំណោមកូលេស្ដេរ៉ូលទាំង ២ប្រភេទនេះ មួយណាល្អចំពោះសុខភាព?
កូលេស្ដេរ៉ូលដែលមានដង់ស៊ីតេ Lipoprotein ខ្ពស់ (HDL)
កូលេស្ដេរ៉ូលដែលមានដង់ស៊ីតេ Lipoprotein ខ្ពស់ (HDL) ត្រូវស្គាល់ថា ជាកូលេស្ដេរ៉ូលល្អ ដោយសារវានាំកូលេស្ដេរ៉ូលទៅកាន់ថ្លើម ចេញពីរាងកាយ។ វាជួយបំបាត់បញ្ហារាងកាយលើសកូលេស្ដេរ៉ូល ដូច្នេះកូលេស្ដេរ៉ូល មិនទៅប្រមូលផ្ដុំច្រើននៅក្នុងសរសៃអាកទែ។ កូលេស្ដេរ៉ូលដែលមានដង់ស៊ីតេ Lipoprotein ខ្ពស់ (HDL) មាននៅក្នុងបន្លែ ផ្លែឈើ គ្រាប់ធញ្ញជាតិ សាច់គ្មានខ្លាញ់ ត្រីសាលម៉ុន ត្រីធូណា ត្រីសាឌីន ឬប្រេងអូលីវ។
កូលេស្ដេរ៉ូលដែលមានដង់ស៊ីតេ Lipoprotein ទាប (LDL)
កូលេស្ដេរ៉ូលដែលមានដង់ស៊ីតេ Lipoprotein ទាប (LDL) ត្រូវស្គាល់ថា ជាកូលេស្ដេរ៉ូលអាក្រក់ ដោយសារវានាំកូលេស្ដេរ៉ូលទៅកាន់សរសៃអាកទែ ហើយប្រមូលផ្ដុំច្រើននៅជញ្ជាំងសរសៃអាកទែ។ នៅពេលកូលេស្ដេរ៉ូលប្រមូលផ្ដុំច្រើន នៅក្នុងសរសៃអាកទែ វាកកើតជាកំណក ដែលអាចរារាំងលំហូរឈាមទៅកាន់បេះដូង និងខួរក្បាល ហើយបណ្ដាលឲ្យយើងគ្រោះថ្នាក់សរសៃឈាមខួរក្បាល ឬគាំងបេះដូងជាដើម។
តើការកើនឡើងកូលេស្ដេរ៉ូលអាក្រក់ក្នុងសរសៃឈាម អាចបង្ហាញរោគសញ្ញាផ្សេងៗបូករួមទាំងអាការៈឈឺក្បាលដែរទេ?
ការឡើងខ្ពស់កូលេស្ដេរ៉ូលអាក្រក់ក្នុងឈាមមិនបង្ហាញរោគសញ្ញាអ្វីទាំងអស់ បូករួមទាំងអាការៈឈឺក្បាល។ វិធីដែលអាចដឹងបានច្បាស់ពីកម្រិតកូលេស្ដេរ៉ូលឡើងខ្ពស់ឬចុះទាប គឺត្រូវធ្វើតេស្ដឈាមដើម្បីតាមដានសុខប៉ុណ្ណោះ។
លោកវេជ្ជបណ្ឌិត Luke Laffin នៃមន្ទីរព្យាបាល clevelandclinic បានមានប្រសាសន៍ថា មនុស្សភាគច្រើនឡើងកូលេស្ដេរ៉ូលក្នុងឈាម គឺមិនមានរោគសញ្ញាអ្វីទាំងអស់ ហើយការកើនឡើងកូលេស្ដេរ៉ូលខ្ពស់ រយៈពេលរាប់ឆ្នាំនឹងប្រឈមកកើតជំងឺបេះដូង និង ការលើសម្ពាធឈាម។
អត្ថបទពាក់ព័ន្ធ៖
- មុខងារថ្លើម និងកូលេស្ដេរ៉ូល មានទំនាក់ទំនងយ៉ាងណាខ្លះ?
- ក្មេងក៏ដោយ អ្នកមានកូលេស្ដេរ៉ូល និងសម្ពាធឈាមខ្ពស់ ប្រឈមកើតជំងឺបេះដូងខ្លាំង
- រោគសញ្ញាមិនប្រក្រតីនៃជំងឺមហារីកមាត់ស្បូន ស្រីៗគួរដឹង
- កាត់បន្ថយហានិភ័យមហារីកសុដន់ អនុវត្តទម្លាប់ល្អៗទាំងនេះ
- កំពុងព្យាបាលជំងឺមហារីកដឹងថាពិបាក នេះជាតិចនិកគួរដឹង
- អ្នកជាពីជំងឺមហារីកសុដន់៖ សុខភាពផ្លូវចិត្តជារឿងសំខាន់ពេលកំពុងព្យាបាល
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Can High Cholesterol Cause Headaches? https://health.clevelandclinic.org/can-high-cholesterol-cause-headaches/
Associations Between Lipid Levels and Migraine: Cross-sectional Analysis in the EVA Study https://www.ncbi.nlm.nih.gov/pmc/articles/PMC3303216/#:~:text=Elevated%20levels%20of%20total%20cholesterol,headache%20forms%20in%20the%20elderly.
High Cholesterol Diseases https://www.google.com/search?q=high+cholesterol+in+blood+symptoms&rlz=1C1BNSD_enKH1007KH1007&ei=8gkcZMyaF8ScseMPzb-QwAs&oq=high+cholesterol+in+blood+&gs_lcp=Cgxnd3Mtd2l6LXNlcnAQARgBMgUIABCABDIFCAAQgAQyBQgAEIAEMgUIABCABDIFCAAQgAQyBggAEBYQHjIGCAAQFhAeMgYIABAWEB4yBggAEBYQHjIGCAAQFhAeOgoIABBHENYEELADSgQIQRgAUNgCWNgCYM8faAFwAHgAgAGDAYgBgwGSAQMwLjGYAQCgAQHIAQTAAQE&sclient=gws-wiz-serp
Cholesterol is a waxy substance found in your blood. https://www.mayoclinic.org/diseases-conditions/high-blood-cholesterol/symptoms-causes/syc-20350800
What is high cholesterol? https://www.nhs.uk/conditions/high-cholesterol/#:~:text=High%20cholesterol%20is%20when%20you,healthily%20and%20getting%20more%20exercise.
កំណែប្រែបច្ចុប្បន្ន
23/03/2023
អត្ថបទដោយ អឿ អ៊ុយ
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ Sopheng
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម