រឿងរួមភេទត្រូវគេចាត់ទុកថាជារឿងមួយផ្ដល់នូវអារម្មណ៍ល្អៗដល់ដៃគូរួមភេទ។ ប៉ុន្តែការរួមភេទក៏អាចនាំឲ្យដៃគូមានរបួសបានដែរ បើប្រើក្បាច់ខុសបច្ចេកទេស ឬប្រើកម្លាំងខ្លាំងពេក។ កុំបង្ខំ និងត្រូវដឹងពីកម្លាំងខ្លួន ទើបអាចជួយឲ្យគ្នាយើងគេចផុតពីរបួសដោយការរួមភេទបាន។ មានគ្រោះថ្នាក់អំឡុងពេលរួមភេទមួយចំនួនដែលបងៗអាចស្វែងយល់បាន។ តើរបួសទាំងនោះមានអ្វីខ្លះ?

១. ដាច់រហែកទ្វារមាស

ការរួមភេទ ដោយប្រើកម្លាំងខ្លាំង ឬប្រើឧបករណ៍សិចមួយចំនួនអាចធ្វើឲ្យដាច់រហែកកោសិកានៅក្នុងទ្វារមាស។ការណ៍នេះអាចធ្វើឲ្យមានការក្រហាយ ឈឺចាប់ និងមានឈាមខ្លះផង។ បើសិនជាការឈឺចាប់នេះនៅបន្តឈឺខ្លាំង គ្រូពេទ្យអាចចេញវេជ្ជបញ្ជាឲ្យប្រើគ្រីមលាបបន្ថយការឈឺចាប់។ ក្នុងអំឡុងពេលព្យាបាលនេះ មិនគួររួមភេទឡើយ ត្រូវរង់ចាំដល់របួសបានជាសះល្អ។ ដូចគ្នាដែរ ការរួមភេទលើកក្រោយអាចប្រើទឹករម្អិល ដើម្បីជួយបង្ការការឈឺចាប់ និងរបួស។

ចង់ដឹងអត្ថន័យពណ៌ និងរូបរាងលាមកទារក ចុចទីនេះ !

ចង់គណនាថ្ងៃសម្រាលកូន ចុចទីនេះ !

ចង់គណនាទម្ងន់ស្រ្តីពពោះ ចុចទីនេះ !

ចង់គណនាថ្ងៃមេជីវិតញីទុំធ្លាក់ ចុចទីនេះ !

កម្មវិធីពិនិត្យបញ្ហាលិង្គមិនឡើងរឹងអនឡាញ

កម្មវិធីពិនិត្យបញ្ហាឆាប់ចេញទឹកកាមអនឡាញ

រួមភេទ១

២. បាក់លិង្គ

ប្រុសៗយើងដែលចូលចិត្តសម្រុកខ្លាំងពេលរួមភេទ ប្រយ័ត្នភ្លាត់លិង្គចេញពីទ្វារមាស មកបុកនឹងអាងត្រគាក អាចនឹងជួបរឿងស៊យធំមិនខាន។ ការណ៍នេះអាចធ្វើឲ្យលិង្គប្រុសៗយើងបាក់បាន ហើយការបាក់លិង្គមិនមែនដូចបាក់ម្រាមដៃ ឬជើងនោះទេ ព្រោះថាលិង្គមិនមានឆ្អឹងទេ។ សញ្ញានៃ ការបាក់លិង្គគឺមានឮសំឡេងបាក់ ឡើងហើម និងឡើងតឹង ជាដើម។ បើជួបបញ្ហានេះ ត្រូវប្រញាប់ទៅរកគ្រូពេទ្យជាបន្ទាន់ បើមិនចង់ឲ្យខូចទ្រង់ទ្រាយលិង្គ ឬពិបាកប្រើការ។

៣. ប្រតិកម្មអាលែកហ្ស៊ី

បើមានអាការៈរមាស់ ឬក្រហាយបន្ទាប់ពីរួមភេទ អាចថាយើងមានប្រតិកម្មអាលែកហ្ស៊ីហើយ។ ទឹករម្អិល ស្រោមអនាម័យ ថ្នាំសម្លាប់មេជីវិត និងទឹករម្អិលរបស់ដៃគូ ក៏អាចភ្ញោចឲ្យមានប្រតិកម្មលើមនុស្សមួយចំនួនដែរ។ ករណីកម្រខ្លះទៀត ស្រីៗអាចមានប្រតិកម្មអាលែកហ្ស៊ីនឹងទឹកកាម ឬប្រូតេអ៊ីនដែលដៃគូខាងប្រុសបានញ៉ាំនៅក្នុងអាហារមានដូចគ្នាគ្រាប់ផ្លែឈើ ជាដើម។ រោគសញ្ញាប្រតិកម្មអាលែកហ្ស៊ីនេះអាចលេចចេញចន្លោះពី១០ទៅ៣០នាទីក្រោយប៉ះពាល់ និងអាចបាត់ទៅវិញច្រើនម៉ោងបន្ទាប់ ឬមួយថ្ងៃក្រោយ។

៤. ឆ្លងរោគផ្លូវទឹកនោម

ធម្មតាមានបាក់តេរីរស់នៅក្នុងទ្វារមាស។ ពេលរួមភេទ លិង្គ ម្រាមដៃ ឬឧបករណ៍សិច អាចធ្វើឲ្យបាក់តេរីទាំងនេះ ផ្លាស់ទីទៅកាន់បង្ហួរនោមបានងាយស្រួល និងបន្តចូលទៅក្នុងផ្លូវទឹកនោម។ រោគសញ្ញានៃការឆ្លងរោគផ្លូវទឹកនោមមានដូចជាក្រហាយពេលបត់ជើងតូច និងអាចមានឈាមក្នុងទឹកនោមផងដែរ។ ដើម្បីចៀសវាងបញ្ហានេះ ស្រីៗគួរទៅបត់ជើងតូចក្រោយរួមភេទរួច ដើម្បីឲ្យបាក់តេរីទាំងនោះចេញមកក្រៅតាមទឹកនោម។

គ្រោះថ្នាក់៤យ៉ាងនេះ អាចកើតឡើងពេលរួមភេទ

១. ដាច់​រហែក​ទ្វារ​មាស​

២. បាក់​លិង្គ​

៣. ប្រតិកម្ម​អាលែកហ្ស៊ី

៤. ឆ្លង​រោគ​ផ្លូវទឹក​នោម​

១. ដាច់រហែកទ្វារមាស

២. បាក់លិង្គ

៣. ប្រតិកម្មអាលែកហ្ស៊ី

៤. ឆ្លងរោគផ្លូវទឹកនោម