គ្នាយើងខ្លះចេះតែមានអារម្មណ៍ចង់រួមភេទគ្រប់ពេល តាមពិតអាចមកពីមូលហេតុបង្កប់ទាំង ៦ យ៉ាងនេះសោះ។
ពិតណាស់ អារម្មណ៍ចង់រួមភេទ គឺជាតម្រូវការធម្មជាតិនៃរាងកាយយើងប៉ុណ្ណោះ ហើយចំណង់ផ្លូវភេទកើនឡើង ក៏អាស្រ័យលើកត្តាមួយចំនួន ដូចខាងក្រោម៖
កម្រិតអ័រម៉ូនមានការប្រែប្រួលជារឿយៗ ជាពិសេសអំឡុងពេលពេញវ័យ និងពេលជិតអស់រដូវ ហើយការប្រែប្រួលអ័រម៉ូននេះដែរ ក៏អាចនាំឲ្យចំណង់ផ្លូវភេទយើងកើនឡើងដូចគ្នា។
ក្នុងករណីដែលយើងឆ្ងល់ថា ម៉េចបានខ្លួនឯងចេះតែចង់រួមភេទមិនឈប់ គួរក្រឡេកមើលរបបអាហារដែលយើងញ៉ាំប្រចាំថ្ងៃ។ ប្រសិនបើយើងញ៉ាំអាហារជម្រុញផ្លូវភេទជាទៀងទាត់ ដូចជាផ្លែប៊ឺរ ស្វាយ ផ្កាខាត់ណាបៃតង និងអាល់ម៉ុន នោះចំណង់ផ្លូវភេទយើងក៏កើនឡើងជាលំដាប់។
វដ្តរដូវក៏ដើរតួនាទីយ៉ាងសំខាន់ក្នុងការជម្រុញតម្រេកតណ្ហារបស់យើង។ នៅពេលដែលកម្រិតអ័រម៉ូន Oestrogen និង Progesterone ប្រែប្រួល ចំណង់ផ្លូវភេទក៏ឡើងចុះទៅតាមនោះដែរ។ អ៊ឹចឹងហើយ ទើបស្រីៗយើងខ្លះមានអារម្មណ៍ចង់រួមភេទគ្រប់ពេល នៅក្នុងរយៈពេលប៉ុន្មានថ្ងៃអំឡុងពេលវដ្តរដូវ។ ជាក់ស្តែង នេះគ្រាន់តែជាសញ្ញាវិជ្ជមាននៃសុខភាពបន្តពូជយើងតែប៉ុណ្ណោះ និងមិនមានអ្វីគួរឲ្យខ្មាស់អៀនឡើយ។
ការញ៉ាំគ្រឿងស្រវឹងក៏ជះឥទ្ធិពលដ៏ខ្លាំងក្លាចំពោះអ័រម៉ូនយើងដូចគ្នា។ នៅពេលដែលយើងមានអារម្មណ៍ល្អ គ្នាយើងក៏រីករាយនឹងការចូលជិតមនុស្សដែលយើងស្រលាញ់ផងដែរ។ ប្រការនេះហើយ អាចនាំឲ្យចំណង់ផ្លូវភេទយើងឡើងខ្ពស់ខុសធម្មតា។
នៅពេលដែលទើបតែមានដៃគូថ្មីថ្មោង គ្នាយើងតែងតែមានអារម្មណ៍រីករាយ និងត្រេកត្រអាលចង់រួមភេទ ហើយចំណុចនេះក៏ធ្វើឲ្យយើងមានអារម្មណ៍ផ្លូវភេទគ្រប់ពេលដែរ។
ការញៀននឹងរឿងលើគ្រែ ក៏អាចពាក់ព័ន្ធនឹងបញ្ហាសុខភាពផ្លូវចិត្តដែរ ហើយចាំបាច់ទាមទារឲ្យមានការព្យាបាលដោយប្រើថ្នាំ។ ដោយសារតែអ្នកខ្លះញៀននឹងរឿងលើគ្រែនេះហើយ ទើបធ្វើឲ្យទំនាក់ទំនងដៃគូបាត់បង់ ហើយក៏ចាប់ផ្តើមមានអារម្មណ៍អៀនខ្មាស់។ ក្នុងករណីនេះ យើងគួរតែស្វែងរកជំនួយពីអ្នកជំនាញខាងផ្លូវភេទ ទើបជាការប្រសើរ។
អត្ថបទគួរអាន៖
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Arousal
https://www.plannedparenthood.org/learn/sex-pleasure-and-sexual-dysfunction/sex-and-pleasure/arousal
8 reasons why you are feeling horny all the time
https://www.healthshots.com/intimate-health/sexual-health/been-feeling-horny-all-the-time-here-are-8-reasons-for-your-high-libido/
Eight Things to Know about Sex and Your Heart
https://mydoctor.kaiserpermanente.org/mas/news/eight-things-to-know-about-sex-and-your-heart-1943430
កំណែប្រែបច្ចុប្បន្ន
12/02/2026
អត្ថបទដោយ នូ សោភ័ណ្ឌ
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ នូ សោភ័ណ្ឌ
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម
