មនុស្សយើងជាច្រើនបាត់បង់ចំណង់ផ្លូវភេទដោយសារមូលហេតុផ្សេងៗគ្នា។ ការបែកបាក់គ្នា បញ្ហាសុខភាព ឬភាពតានតឹងនៃជីវិត និងការងារសុទ្ធតែអាចធ្វើឲ្យយើងលែងចង់មានការរួមភេទ។ នៅពេលយើងមានការនឿយហត់ពីការងារ ឬនៅពេលយើងមានអារម្មណ៍ប្រែប្រួល នោះចំណង់ក្នុងការរួមភេទនឹងអាចធ្លាក់ចុះបាន។ ការដែលមិនរួមភេទគឺអាចធ្វើឲ្យជីវិតយើងបាត់បង់នូវផលប្រយោជន៍ដ៏អស្ចារ្យមួយ។ ខាងក្រោមនេះជាការជះឥទ្ធិពលដល់សុខភាពផ្លូវកាយ និងផ្លូវចិត្តលើអ្នកដែលមិនមានការរួមភេទ។ ផលប៉ះពាល់ដល់សុខភាពទាំងនោះគឺគ្រប់គ្រាន់ក្នុងការលើកទឹកចិត្តយើងឲ្យមានចំណង់ក្នុងការរួមភេទសារជាថ្មី។
អត្ថបទពាក់ព័ន្ធ៖ អាថ៌កំបាំងទាំង៦ ជួយជីវិតលើគ្រែកាន់តែប្រសើរ
១- ទ្វារមាសរលុង
លើស្ត្រី ការរួមភេទជារៀងរាល់ថ្ងៃទោះបីជាមួយដៃគូរតែម្នាក់ ឬច្រើននាក់សុទ្ធតែអាចជួយជំរុញដល់សុខភាពទ្វារមាសបាន។ នៅអាយុពាក់កណ្តាលនៃជីវិតការរួមភេទគឺមានសារៈសំខាន់ខ្លាំងណាស់ចំពោះស្ត្រីព្រោះការផ្លាស់ប្តូរអ័រម៉ូនក្នុងកំឡុងពេលនោះអាចបណ្តាលឲ្យទ្វារមាសស្ងួត និងថយចុះភាពយឺតបាន។ ការរួមភេទជួយរក្សាដល់ការផ្គត់ផ្គង់ឈាមទៅទ្វារមាស ជួយការពារឲ្យសាច់ដុំនៅជុំវិញទ្វារមាសមានភាពរឹងមាំ។ នេះមានន័យថាការរួមភេទកាន់តែច្រើននោះសុខភាពទ្វារមាសរបស់អ្នកកាន់តែប្រសើរឡើង។
អត្ថបទពាក់ព័ន្ធ៖
- ទាំងស្រីទាំងប្រុស បើមានជំងឺទាំងនេះប្រចាំកាយ ចំណង់ផ្លូវភេទធ្លាក់ចុះស្ទើរទាំងស្រុង
- ៧ សំណួរពីរឿងរួមភេទ ទាំងប្រុសទាំងស្រីឆ្ងល់ខ្លាំង តែខ្មាសអត់ហ៊ានសួរ!
២- មានទឹករំអិលតិច
កាលណាប្រដាប់ភេទរបស់ស្រ្តីស្ងួត នឹងធ្វើឲ្យការរួមភេទមានការពិបាក។ ភាពស្រើបស្រាលពីការរួមភេទធ្វើឲ្យក្រពេញភេទផលិតនូវជាតិរំអិលធម្មជាតិសម្រាប់ទ្វារមាស។ កង្វះខាតក្នុងការរំញោចផ្លូវភេទអាចធ្វើឲ្យស្ត្រីមានភាពស្ងួតនៅទ្វាមាស ដែលធ្វើឲ្យមានការឈឺចាប់នៅពេលរួមភេទ។ ភាពស្ងួតរបស់ទ្វារមាសអាចបណ្តាលមកពីមូលហេតុជាច្រើន ប៉ុន្តែការរួមភេទជាប្រចាំអាចបន្ថយហានិភ័យទាំងនេះបាន។
៣- អារម្មណ៍មិនល្អ
ការស្រាវជ្រាវជាច្រើនបានបង្ហាញពីទំនាក់ទំនងរវាងកម្រិតទាបនៃការរួមភេទ និងអារម្មណ៍អវិជ្ជមាន។ នៅពេលយើងមានជំងឺបាក់ទឹកចិត្តយើងនឹងមិនចង់មានការរួមភេទឡើយ។ នៅពេលការរួមភេទផ្តល់ឲ្យយើងនូវអារម្មណ៍រំភើបពិសេសមួយដែលគ្មានក្នុងសកម្មភាពផ្សេងទៀត ការផ្លាស់ប្តូរពីការរួមភេទសកម្មទៅជាការរួមភេទអសកម្មអាចធ្វើឲ្យយើងមានអារម្មណ៍ពិបាកចិត្តម្យ៉ាង។ ប្រសិនបើយើងមានអារម្មណ៍ពិបាកចិត្តច្រើននាពេលថ្មីៗនេះយើងប្រហែលជាត្រូវមានការរួមភេទសកម្មជាថ្មីម្តងទៀតដើម្បីអាមរម្មណ៍យើងប្រសើរឡើងវិញ។
អត្ថបទពាក់ព័ន្ធ៖
- ៥សំណួរ ប្រុសៗឧស្សាហ៍សួរបំផុត ពាក់ព័ន្ធនឹងរឿងផ្លូវភេទ
- ប្រុសៗចង់បានមេជីវិតមានសុខភាពល្អ កុំរំលងអាហារទាំងនេះ
៤- អត្ថប្រយោជន៍នៃសុខភាពបេះដូងតិច
ការរួមភេទញឹកញាប់អាចផ្តល់នូវអត្ថប្រយោជន៍ដល់បេះដូងរបស់យើងបាន ចំពោះអ្នកមានបញ្ហាបេះដូងអាចនឹងមានបញ្ហាចំពោះការស្រើបស្រាល និងមុខងារផ្លូវភេទដែលអាចធ្វើឲ្យអ្នកទាំងនោះលែងមានការរួមភេទទៀត។ ការសិក្សាមួយដែលត្រូវបានចេញផ្សាយនៅក្នុងទស្សនាវដ្តីបេះដូងនៃប្រទេសអាមេរិចក្នុងឆ្នាំ ២០១០ បានបង្ហាញពីទំនាក់ទំនងវាងការចុះនៃសកម្មភាពផ្លូវភេទ និងការកើនឡើងនូវហានិភ័យនៃជំងឺសរសៃឈាមបេះដូង។ ទោះបីជាការសិក្សានេះមិនបានបង្ហាញពីការការពារនៃការរួមភេទក៏ដោយ ប៉ុន្តែក៏បានបង្ហាញពីចំណុចល្អដែលទាក់ទងនឹងការរួមភេទក្នុងការជួយឲ្យបេះដូងមានសុខភាពល្អបាន។
អត្ថបទពាក់ព័ន្ធ៖
- បញ្ហានៅពីក្រោយការធ្លាក់ចុះចំណង់ផ្លូវភេទប្រុសៗ គ្រប់គ្នាគួរដឹង!
- អត់សូវចង់រួមភេទ អាចប្រើតិចនិកទាំងនេះ ដើម្បីដាស់អារម្មណ៍
៥- មុខងារប្រពន្ធភាពស៊ាំ
នៅពេលរួមភេទរាងកាយនឹងមានភាពរីករាយ បន្ថយភាពតានតឹង ផ្តល់នូវអារម្មណ៍សុខស្រួល និងសុវត្ថិភាព ហើយក៏អាចធ្វើឲ្យមុខងារប្រព័ន្ធភាពស៊ាំកាន់តែរឹងមាំដែរ។ ការសិក្សាជាច្រើនបានបង្ហាញពីរបៀបដែលស្ត្រេសបំផ្លាញដល់ប្រព័ន្ធភាពស៊ាំក្នុងខ្លួនមនុស្ស។ ជារឿងសមហេតុផលមួយក្នុងការនិយាយថាការរួមភេទមានប្រសិទ្ធភាពក្នុងការជួយដល់រាងកាយប្រយុទ្ធប្រឆាំងនឹងជំងឺ ប៉ុន្តែបើមិនរួមភេទក៏មិនអាចផ្តល់ឲ្យយើងនូវជំងឺអ្វីដែរ គឺគ្រាន់តែថាបង្កើនឱកាសឲ្យយើងឆ្លងជំងឺដែរតែប៉ុណ្ណោះ។ នេះមានន័យថាការមិនរួមភេទគឺមិនរួមចំណែកពង្រឹងប្រព័ន្ធភាពស៊ាំដែលអាចធ្វើឲ្យយើងប្រឈមនឹងហានិភ័យនៃជំងឺជាច្រើន។
៦- ថយចុះនូវចំណង់ផ្លូវភេទ
មានមនុស្សជាច្រើនបានជឿថាការមិនសូវរួមភេទអាចធ្វើឲ្យយើងមានចំណងផ្លូវភេទកាន់តែខ្លាំង តែនេះគឺមិនពិតនោះឡើយ។ នៅពេលយើងមានចំណងក្នុងការរួមភេទ គឺជាស្ថានភាពមួយដែលយើងគួររួមភេទឬក៏អត់ ហើយអ្វីដែលបានអះអាងខាងលើនេះក៏មានការិក្សាបែបវិទ្យាសាស្ត្រខ្លះគាំទ្រនៃការអះអាងនេះដែរ។ ដូចដែលបានរៀបរាប់ខាងលើ ការរួមភេទតិចអាចធ្វើឲ្យទ្វារមាសអ្នកស្ងួត ឬលិង្គមិនអាចឡើងរឹង ដែលទាំងពីរនេះអាចធ្វើឲ្យយើងពិបាកក្នុងការរួមភេទ។ បើការរួមភេទរបស់យើងកាន់តែតិច នោះអាចធ្វើឲ្យយើងកាន់តែមិនគិតពីការរួមភេទ។ ដូច្នេះយើងមិនបាច់ឆ្ងល់ទេថានៅពេលរួមភេទមានការឈឺចាប់នោះ។
អត្ថបទពាក់ព័ន្ធ៖
- អត់សូវមានកម្លាំងពេលរួមភេទ សាកតិចនិកហាត់ប្រាណទាំងនេះលមើល៍!
- តិចនិកនិយាយរឿងលើគ្រែជាមួយដៃគូ ដើម្បីការរួមភេទកាន់តែប្រសើរ
- តិចនិកពិសេសពេលរួមភេទ កុំឲ្យធុញទ្រាន់ជាមួយក្បាច់ដដែលៗ
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-ovulation]
