គីសនៅលើក្រពេញអូវែជាថង់ទឹក ដែលលូតលាស់នៅខាងក្នុង ឬនៅលើអូវែ។ ជាទូទៅ មានស្ត្រីជាច្រើនជួបប្រទះបញ្ហាគីសក្នុងក្រពេញអូវែនៅពេលណាមួយក្នុងមួយជីវិតរបស់ខ្លួន។ ពិតណាស់ ស្ត្រីយើងភាគច្រើន មិនបានដឹងថាខ្លួនមានគីសនោះទេ ពីព្រោះគីសអាចជាសះស្បើយដោយខ្លួនឯង។ ប៉ុន្តែ ក្នុងករណីខ្លះ គីសក៏អាចបង្កឲ្យមានការឈឺចាប់ ជាពិសេសនៅពេលដែលវាបែកធ្លាយ។
ចង់គណនាទម្ងន់ស្រ្តីពពោះ ចុចទីនេះ!
ជាក់ស្ដែង ដុំគីសជាច្រើនមិនបង្កជាគ្រោះថ្នាក់ ឬរោគសញ្ញាណាមួយឡើយ។ ប៉ុន្តែចំពោះដុំគីសដែលមានទំហំធំ អាចបណ្ដាលឲ្យមានរោគសញ្ញាដូចខាងក្រោម៖
មិនថាបញ្ហាអ័រម៉ូនមិនទៀងទាត់កើតឡើងតាមធម្មជាតិ ឬបណ្ដាលមកពីការប្រើថ្នាំជួយឲ្យមានកូនក៏ដោយ វាអាចបង្កឲ្យមានគីសលើក្រពេញអូវែបាន។
អត្ថបទគួរអាន៖
ជាធម្មតា គីសលើក្រពេញអូវែវិវត្តនៅពេលដែលយើងជិតចាប់ផ្ដើមមានផ្ទៃពោះ ដើម្បីជួយទ្រទ្រង់រហូតដល់សុកកកើតឡើង។ យ៉ាងណាប្រសិនបើគីសនៅតែស្ថិតលើអូវែ បន្តរហូតដល់ដំណាក់កាលបន្ទាប់នៃការពពោះ នោះយើងចាំបាច់ត្រូវយកវាចេញ។
ជំងឺEndometriosis បង្កឲ្យមានការឈឺចាប់ដែលបណ្ដាលឲ្យកោសិកាលូតលាស់នៅខាងក្រៅស្បូន។ អ្នកដែលកើតជំងឺនេះ អាចវិវត្តទៅជាដុំគីសអូវែ ដែលនាំឲ្យមានការឈឺចាប់នៅពេលរួមភេទ និងនៅពេលមករដូវ។
នៅក្នុងករណីខ្លះ ការឆ្លងមេរោគនៅអាងត្រគាកអាចរាលដាលដល់ក្រពេញអូវែ និងបង្កឲ្យមានដុំគីសនៅក្រពេញអូវែថែមទៀតផង។
