ដំបូន្មានទូទៅមួយដែលស្រីៗយើងគួរដឹង និងចែករំលែកឲ្យបានច្រើនដោយមិនគួរមានការអៀនខ្មាសនោះគឺការនោមក្រោយរួមភេទរួច។ តាមពិតទៅនេះ ជាទម្លាប់ដ៏ល្អមួយដែលគ្នាយើងស្រីៗគួរតែនោមក្រោយរួមភេទ ព្រោះអាចជួយសុខភាពយើងបានច្រើនយ៉ាង។
ហេតុអ្វីស្រីៗគួរបង្កើតទម្លាប់នោមក្រោយរួមភេទ?
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
១. ការឆ្លងមេរោគលើផ្លូវទឹកនោម
ការឆ្លងមេរោគលើផ្លូវទឹកនោម (Urinary Tract Infection) ជាការឆ្លងមេរោគកើតឡើងនៅក្នុងតំបន់ណាមួយនៃប្រព័ន្ធទឹកនោមដូចជា ប្លោកនោម បង្ហួរនោម ឬតម្រងនោម។ ជាទូទៅ ការឆ្លងមេរោគតាមផ្លូវទឹកនោមកើតឡើងនៅពេលបាក់តេរីចូលទៅក្នុងផ្លូវទឹកនោមតាមរយៈបង្ហួរនោម ហើយចាប់ផ្ដើមកើនឡើងនៅក្នុងប្លោកនោម។ បើរនាំងការពារធម្មជាតិនៃផ្លូវទឹកនោមរបស់យើងខ្សោយ នោះបាក់តេរីអាចលូតលាស់ និងបង្កឲ្យមានការឆ្លងមេរោគ។ រោគសញ្ញានៃបញ្ហាការឆ្លងមេរោគលើផ្លូវទឹកនោមមានដូចជា៖
ការទៅនោមក្រោយរួមភេទ ជួយបង្ការការឆ្លងរោគនេះបានដែរ។
បង្ហួរនោមជាសរីរាង្គដែលមានរាងដូចបំពង់ដែលជួយបញ្ចេញទឹកនោមចេញពីប្លោកនោម។ បង្ហួរនោមមនុស្សស្រីមានសភាពខ្លីជាងមនុស្សប្រុស ជាហេតុបណ្ដាលឲ្យស្រីៗងាយនឹងប្រឈមការឆ្លងមេរោគលើផ្លូវទឹកនោម ដោយសារបាក់តេរីអាចធ្វើដំណើរក្នុងចម្ងាយខ្លីដើម្បីចូលទៅក្នុងប្លោកនោម។ បង្ហួរនោមស្ត្រីមានប្រវែងប្រហែល ២,៥-៤សង់ទីម៉ែត្រ រីឯមនុស្សប្រុសមានប្រវែងប្រហែល ១៥-២០សង់ទីម៉ែត្រ ដូច្នេះស្ត្រីគួរនោមក្រោយរួមភេទរួច ដើម្បីកុំឲ្យបាក់តេរីអាក្រក់ឆ្លងចូលក្នុងប្រព័ន្ធផ្លូវទឹកនោម។
៣. ប្លោកនោម
ក្នុងអំឡុងពេលរួមភេទ បាក់តេរីអាចចូលទៅក្នុងបង្ហួរនោមរបស់យើង ដែលបង្កើនឱកាសនៃការឆ្លងមេរោគ។ នេះជាមូលហេតុដែលចាំបាច់ត្រូវនោមក្រោយរួមភេទជានិច្ច ព្រោះការនោម ជួយបញ្ចេញមេរោគមកក្រៅ។ លើសពីនេះ ការរួមភេទចំពេលប្លោកនោមពេញក៏បង្កើនឱកាសឲ្យស្រីៗមានបញ្ហាតានតឹងក្នុងការនោម។ បញ្ហានេះអាចធ្វើឲ្យសាច់ដុំអាងត្រគាកខ្សោយ ឬសាច់ដុំបង្ហួរនោមខ្សោយ ហើយយើងអាចលេចនោមបានអំឡុងពេលចលនាណាមួយ ដែលមានសម្ពាធលើលើប្លោកនោម ដូចជា ការក្អក ហាត់ប្រាណ សើច ឬរួមភេទជាដើម។
អានបន្ថែម៖
- ពេលរួមភេទ ស្រីៗអាចនឹងឆ្លងកាត់បួនដំណាក់កាលនេះ
- ការរួមភេទផ្ដល់គុណប្រយោជន៍ ៥យ៉ាង ដល់ស្រីៗ
- ទ្វារមាសមិនមានទឹករម្អិលពេលរួមភេទ មកពីមូលហេតុទាំងនេះ
- នៅសុខៗថយចុះចំណង់ផ្លូវភេទ អាចមកពីមូលហេតុទាំងនេះ
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម