ស្រីៗយើងតែងតែប្រាថ្នាចង់បានស្បែកស្អាត សភ្លឺថ្លា និងគ្មានមុន។ ពិតណាស់ បញ្ហាមុនតែងតែជាកង្វល់របស់យើង និងបំផ្លាញទំនុកចិត្តចំពោះខ្លួនឯង។ ខណៈពេលដែលអ្នកខ្លះ កើតមុននៅលើថ្ពាល់ ឬក្រោមចង្កា ហើយគ្នាយើងមួយចំនួនទៀត បែរជាកើតមុននៅលើថ្ងាសទៅវិញ។ តើការកើតមុនដដែលៗនៅលើថ្ងាសនេះ បណ្ដាលមកពីមូលហេតុអ្វីខ្លះ?
១. សម្អាតសក់មិនគ្រាប់គ្រាន់
ជាធម្មតា យើងតែងតែគិតថា បើយើងមិនសម្អាត ឬកក់សក់ញឹកញាប់ទេនោះ សុខភាពស្បែកក្បាលនឹងប្រឈមនឹងហានិភ័យ តែតាមការពិតគឺលើសហ្នឹងទៅទៀត។ នៅពេលដែលស្បែកក្បាលកង្វក់ ពពួកបាក់តេរី និងមេរោគផ្សេងៗអាចឆ្លងទៅថ្ងាស និងបង្កជាបញ្ហាមុនបានយ៉ាងងាយស្រួល។ ហេតុនេះហើយ យើងគួរកក់សក់ឲ្យបានទៀងទាត់ ទើបជាការប្រសើរ។
ចង់ពិនិត្យជំងឺមហារីកសុដន់ ចុចទីនេះ!
ចង់ពិនិត្យជំងឺមហារីកមាត់ស្បូន ចុចទីនេះ!
២. ស្រ្តេស
ទន្ទឹមនឹងនេះដែរ ស្រ្តេសក៏អាចជំរុញការកើតមុននៅលើថ្ងាសដូចគ្នា។ ជាទូទៅ ស្រ្តេសអាចបង្កផលប៉ះពាល់ចំពោះស្បែកយ៉ាងខ្លាំង ដូចជាបញ្ហាចាស់មុនវ័យ ស្នាមជ្រីវជ្រួញ និងជាពិសេស អាចប៉ះពាល់ដល់ការផលិតខ្លាញ់ធម្មជាតិនៅលើផ្ទៃមុខ។ នៅពេលដែលការផលិតខ្លាញ់មានដំណើរការលឿន ជាតិខ្លាញ់ដែលលើសអាចបង្កឲ្យកើតមុនបានផងដែរ។
៣. អង្គែ
បញ្ហាអង្គែក៏មានមូលហេតុចម្បងមួយដែលនាំឲ្យយើងកើតមុននៅលើថ្ងាស។ កម្ទេចកំទីតូចៗនៃអង្គែ ដោយសារតែស្បែកក្បាលរមាស់ និងស្ងួត អាចធ្លាក់លើថ្ងាស និងបណ្ដាលឲ្យកើតមុន។ ដូចនេះ ការប្រើសាប៊ូកក់សក់កម្ចាត់អង្គែ ជាជម្រើសដ៏ល្អមួយក្នុងការកម្ចាត់ទាំងអង្គែ និងមុនក្នុងពេលតែមួយ។
៤. ការប្រែប្រួលអ័រម៉ូន
អតុល្យភាព និងការប្រែប្រួលអ័រម៉ូន ក៏ជាឫសគល់ក្នុងការកើតមុនលើថ្ងាសដូចគ្នា។ ជាក់ស្ដែង ការប្រែប្រួលនៅក្នុងរាងកាយអំឡុងពេលពេញវ័យ (មករដូវជាលើកដំបូង) អាចនាំឲ្យមានការប្រែប្រួលជាក់លាក់នៅក្នុងរាងកាយ តួយ៉ាងដូចជាការកើតមុននេះតែម្ដង។
អត្ថបទគួរអាន៖
- ម៉េចបានចេះតែរបកស្បែកដៃ? គួរដោះស្រាយបែបណា?
- តិចនិកជ្រើសរើសផលិតផលឲ្យត្រូវនឹងសភាពស្បែក បង្ការបញ្ហាផ្សេងៗ
- មិនចង់ឲ្យមុខឡើងជាំ ស្រីៗគួរចេះតិចនិកទាំងនេះ
- ចេះតិចនិកងាយៗទាំងនេះ ការពារកុំឱ្យប្រេះកែងជើង
- ខូឡាជែនល្អចំពោះសម្រស់ និងសុខភាព រកបានពីអាហារណាខ្លះ?
- ចង់បានស្បែកស្រស់ថ្លា គួរកាត់បន្ថយអាហារប៉ុន្មានមុខនេះ
៥. ការប្រើថ្នាំ
ចំពោះការប្រើថ្នាំមួយចំនួន ដូចជាថ្នាំពន្យារកំណើតញឹកញាប់ពេក ក៏អាចបណ្ដាលឲ្យកើតមុននៅលើថ្ងាស។ ដូច្នេះហើយ យើងគួរពិគ្រោះជាមួយនឹងគ្រូពេទ្យ ថាតើថ្នាំដែលយើងកំពុងប្រើប្រាស់ អាចបង្កឲ្យកើតមុននៅលើថ្ងាសដែរឬអត់។
ចំណុចសំខាន់
- សម្អាតសក់មិនគ្រប់គ្រាន់
- ស្រ្តេស
- អង្គែ
- ការប្រែប្រួលអ័រម៉ូន
- ការប្រើថ្នាំជាក់លាក់
[embed-health-tool-due-date]
