យើងអាចរមាស់ស្បែកក្រោយមុជទឹកសមុទ្រ ដែលបញ្ហានេះឧស្សាហ៍កើតឡើងនៅរដូវក្តៅដោយសារការប៉ះនឹងខ្ញែរសមុទ្រ ឬត្រូវកូនខ្ញែរសមុទ្រល្អិតៗដែលយើងមិនអាចមើលឃើញដោយភ្នែកទទេរខាំ ហើយបង្កជាប្រតិកម្មលើស្បែក។ ប្រសិនបើយើងមាស់ស្បែកក្រោយមុជទឹកសមុទ្ររួច គួរធ្វើបែបណាដើម្បីកាត់បន្ថយអាការៈ?
ពេលយើងកំពុងមុជទឹកក្នុងសមុទ្រ យើងអាចមានអារម្មណ៍ស្កៀបៗ ហើយបន្ទាប់ពីនោះពីរបីម៉ោង ឬបន្ទាប់ពីមុជទឹកសមុទ្ររួច យើងអាចមានអាការៈឡើងកន្ទួលរមាស់លើខ្លួនជាពិសេសនៅក្លៀក ក្រលៀន ទ្រូង ភ្លៅ និងក។
អាការៈរមាស់ស្បែកក្រោយមុជទឹកសមុទ្រអាចខុសគ្នាពីមនុស្សម្នាក់ទៅមនុស្សម្នាក់ទៀតអាស្រ័យលើប្រតិកម្មរបស់រាងកាយយើង ប៉ុន្តែអ្នកដែលធ្លាប់មានបញ្ហារមាស់ស្បែកក្រោយមុជទឹកសមុទ្រអាចងាយនឹងមានប្រតិកម្មនេះម្តងទៀតជាងអ្នកដែលមិនធ្លាប់។
វេជ្ជបណ្ឌិត Mebane អតីតនាយករងផ្នែកវេជ្ជសាស្ត្រនៅ Divers Alert Network (DAN) បានលើកឡើងថា អ្នកដែលមានប្រវត្តិមានប្រតិកម្មអាលែកហ៊្សី ក៏ដូចជាអ្នកដែលមានប្រព័ន្ធការពាររាងកាយខ្សោយអាចមានហានិភ័យខ្ពស់ក្នុងមានអាការៈរមាស់ស្បែកធ្ងន់ធ្ងរក្រោយមុជទឹកសមុទ្រ។
ក្នុងករណីអាការៈរមាស់ស្បែកក្រោយមុជទឹកសមុទ្រមានសភាពធ្ងន់ធ្ងរ យើងអាចមានអាការៈដូចជា៖
ដើម្បីកាត់បន្ថយអាការៈរមាស់ស្បែកក្រោយមុជទឹកសមុទ្រ យើងអាចសាកល្បងតាមវិធីសាស្រ្តដូចខាងក្រោម៖
ការជូត ឬអេះស្បែកមិនត្រឹមតែមិនអាចបំបាត់អាការៈរមាស់ស្បែកក្រោយមុជទឹកសមុទ្រទេ តែបែរជាធ្វើឱ្យស្បែកយើងកាន់តែមានសភាពធ្ងន់ធ្ងរជាងមុនទៅវិញ។ ដូច្នេះបន្ទាប់ពីមុជទឹកសមុទ្ររួច ជំនួសឱ្យការជូតស្បែក យើងអាចយកកន្សែងមកផ្តិតស្បែកថ្នមៗ។
យើងគួរដោះសម្លៀកបំពាក់មុជទឹកសមុទ្រចេញភ្លាមបន្ទាប់ពីមានអាការៈរមាស់ រួចសម្អាតខ្លួនជាមួយទឹកស្អាត និងសាប៊ូដើម្បីសម្អាតខ្ញែរសមុទ្រឱ្យចេញអស់ពីលើស្បែក។
យើងអាចយកសំឡីជ្រលក់ទឹកខ្មេះ ឬអាល់កុលមកលាបលើស្បែកដើម្បីកាត់បន្ថយអាការៈរមាស់ និងកម្ចាត់ខ្ញែរសមុទ្រដែលតោងជាប់ស្បែក រួចទុកឱ្យស្បែកស្ងួតដោយខ្លួនឯង។
ចង់គណនារង្វាស់ចង្វាក់បេះដូង ចុចទីនេះ!
ចង់ពិនិត្យសុខភាពប្រព័ន្ធរំលាយអាហារ ចុចទីនេះ!
យើងអាចរុំទឹកកកជាមួយកន្សែងពោះគោ រួចស្អំលើស្បែកដើម្បីកាត់បន្ថយអាការៈរមាស់។ លើសពីនេះទៅទៀត យើងក៏អាចត្រាំក្រណាត់ក្នុងទឹកត្រជាក់ រួចពូតទឹកឱ្យស្ងួតបន្តិច ហើយយកមកស្អំលើស្បែកដែលរមាស់ដែរ។ យើងអាចធ្វើបែបនេះពីរបីដងក្នុងមួយថ្ងៃរហូតដល់ជា។
ថ្នាំអាលែកហ្ស៊ីអាចជួយបំបាត់អាការៈរមាស់ដោយរារាំងសកម្មភាពរបស់អ៊ីស្តាមីនដែលនឹងបញ្ឈប់ការជំរុញឱ្យស្បែករមាស់ និងឡើងកន្ទួលរមាស់កាន់តែខ្លាំង។ ទោះបីជាយ៉ាងណាក៏ដោយ សម្រាប់កូនតូចមុននឹងឱ្យអាអូនញុំាថ្នាំអាលែកហ្ស៊ី ម៉ាក់ប៉ាគួរពិគ្រោះជាមួយគ្រូពេទ្យសិន។
យើងក៏អាចលាបគ្រីម Hydrocortisone ពីរបីដងក្នុងមួយថ្ងៃដើម្បីកាត់បន្ថយអាការៈរមាស់ស្បែកដែរ ប៉ុន្តែយើងមិនអាចលាបគ្រីមនេះឱ្យអាអូនដែលមានអាយុក្រោម ២ ឆ្នាំទេ។ ជាងនេះទៅទៀត យើងក៏មិនអាចលាបគ្រីមនេះលើប្រដាប់ភេទ និងគូទក្មេងដែលមានអាយុក្រោម ១២ ឆ្នាំដែរ។
អាការៈរមាស់ស្បែកក្រោយមុជទឹកសមុទ្រអាចកើតឡើងវិញ ប្រសិនយើងស្លៀកសម្លៀកបំពាក់មុជទឹកសមុទ្រដែលមិនបានត្រាំជាមួយទឹកខ្មេះ ឬអាល់កុលដើម្បីកម្ចាត់ខ្ញែរសមុទ្រដែលតោងជាប់សម្លៀកបំពាក់ មុនពេលបោកសម្អាតជាមួយនឹងសាប៊ូបោកខោអាវ។ ប្រសិនបើយើងមានអាការៈរមាស់ស្បែកក្រោយមុជទឹកសមុទ្រធ្ងន់ធ្ងរ យើងគួរបោះចោលឈុតងូតទឹកនោះតែម្តង។
អត្ថបទគួរអាន៖
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
What Is Sea Lice Rash, Symptoms, Pictures, How to Get Rid, and Prevention
https://www.beautyhealthplus.org/sea-lice-rash-symptoms-pictures-get-rid-prevention/
Sea bather’s eruption
https://dermnetnz.org/topics/sea-bathers-eruption
Treating Penis Rash Due to Sea Bather’s Eruption
https://ezinearticles.com/?Treating-Penis-Rash-Due-to-Sea-Bathers-Eruption&id=9606183
What is sea-bathers eruption?
https://www1.nyc.gov/site/doh/health/health-topics/sea-lice.page
Seabather’s Eruption Symptoms and Treatment
https://www.poison.org/articles/seabathers-eruption-symptoms-and-treatment
Sea Bather’s Eruption
https://oceancitymd.gov/pdf/SeaBathers.pdf
កំណែប្រែបច្ចុប្បន្ន
12/04/2022
អត្ថបទដោយ សុខ វណ្ណ
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ ទូច សុខា
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម
