ពិតណាស់ សុខភាព និងសម្រស់ដើរទន្ទឹមគ្នា អីចឹងហើយ ស្របពេលដែលគ្នាយើងហាត់ប្រាណដើម្បីរក្សាទម្ងន់ខ្លួន និងពង្រឹងសុខភាពទាំងមូល យើងគួរតែយកចិត្តទុកដាក់ចំពោះសម្រស់ផងដែរ។
មាតិកា
ហាត់ប្រាណនៅរដូវរងា? គួរចេះតិចនិកថែទាំស្បែកទាំង៦នេះ
ជាក់ស្ដែង ការបែកញើស និងក្រហាយស្បែក អំឡុងពេលហាត់ប្រាណ អាចបណ្ដាលឲ្យស្បែកក្រហម ឬកើតមុន ជាពិសេសនៅក្នុងរដូវរងាតែម្ដង ពីព្រោះស្បែករបស់ស្រីៗមួយចំនួនចាប់ផ្ដើមស្ងួតខ្លាំង។ ដូចនេះ អ្នកដែលហាត់ប្រាណជាប្រចាំ ជួយតែអនុវត្តវិធីសាស្ត្រទាំងនេះ ដើម្បីឲ្យស្បែកមានសុខភាពល្អ និងជៀសឆ្ងាយពីបញ្ហាផ្សេងៗ។
១. រក្សាជាតិទឹកក្នុងរាងកាយ
ក្នុងរដូវរងា គ្នាយើងតែងញ៉ាំទឹកតិចជាងមុន ប៉ុន្តែក្នុងករណីដែលបែកញើសច្រើន យើងចាំបាច់ត្រូវញ៉ាំទឹកឲ្យបានច្រើន ដើម្បីឲ្យស្បែកភ្លឺថ្លា។
២. សម្អាតស្បែក
ក្រោយហាត់ប្រាណរួច អ្វីដែលយើងមិនគួររំលងនោះ គឺការកម្ចាត់ធូលីដីចេញពីស្បែកមុខ ដោយការលាងសម្អាតឲ្យបានស្អាតល្អ។ បន្ថែមពីនេះ ការលាងសម្អាតផ្ទៃមុខមុនចូលគេង គឺជារឿងដែលមិនអាចធ្វេសប្រហែសបានឡើយ។
៣. ប្រើក្រែមការពារកម្ដៅថ្ងៃ
ទន្ទឹមនឹងនេះដែរ ក្រែមការពារកម្ដៅថ្ងៃមានសារៈសំខាន់ណាស់ ក្នុងការការពារស្បែករបស់យើងពីកាំរស្មីយូវី ដែលអាចបំផ្លាញស្បែក ទោះបីជាអាកាសធាតុត្រជាក់ក៏ដោយ។
៤. ប្រើក្រែមផ្ដល់សំណើម
ការបែកញើស អាចធ្វើឲ្យស្បែករបស់យើងខ្សោះជាតិទឹក ដូច្នេះហើយ យើងចាំបាច់ត្រូវផ្ដល់សំណើមដល់ស្បែកជាប្រចាំ។
គណនា BMI
៥. ញ៉ាំពពួកអូមេហ្គា៣
បន្ថែមពីនេះ យើងគួរតែបង្កើនការញ៉ាំពពួកអូមេហ្គា៣ ដើម្បីរក្សាភាពយឺតនៃស្បែក ព្រមទាំងអាចគ្រប់គ្រងការផលិតជាតិប្រេង និងកាត់បន្ថយបញ្ហាកើតមុខ ដែលបណ្ដាលមកពីការបែកញើស។ អាហារដែលសម្បូរទៅដោយពពួកអូមេហ្គា៣មានដូចជា ត្រីសាម៉ុន ស៊ុត ផ្លែបឺរ និងអាល់ម៉ុនជាដើម។
អត្ថបទគួរអាន៖
- ប្រើអាល់កុលដឺក្រេខ្ពស់ មិនអាចសម្លាប់មេរោគបាន ហើយគ្រោះថ្នាក់ស្បែកទៀត!
- លាងដៃនឹងអាល់កុលញឹកញាប់ធ្វើឲ្យស្ងួត រលាកដៃ គួរធ្វើបែបណា?
- កាំកុងត្រូលរកឃើញអាល់កុលលក់លើទីផ្សារ ភាគច្រើនមានមេតាណុលខ្ពស់ បង្កគ្រោះថ្នាក់ចំពោះសុខភាព
- ជំទាវ ឱ វណ្ណឌីន ណែនាំវិធីលាងដៃមិនឲ្យរបក ស្ងួត ប្រេះ
- កុំចាញ់បោក! កន្សែងសើមមិនអាចសម្លាប់ COVID-19 បានទេ
- អាល់កុលមេតាណុលអាចសម្លាប់វីរុស COVID-19 បានអត់?
៦. ជៀសវាងយកដៃប៉ះផ្ទៃមុខ
មួយវិញទៀត ប្រសិនបើយើងហាត់ប្រាណ ឬលេងកីឡាណាមួយ គួរជៀសវាងយកដៃប៉ះផ្ទៃមុខ ពីព្រោះទម្លាប់នេះ អាចនាំឲ្យធូលី និងបាក់តេរីជ្រាបចូលទៅស្បែកមុខ និងបណ្ដាលឲ្យកើតមុនដោយមិនដឹងខ្លួន។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Winter fitness: Safety tips for exercising outdoors
https://www.mayoclinic.org/healthy-lifestyle/fitness/in-depth/fitness/art-20045626
How to Exercise Safely During the Cold Season
https://piedmontpark.org/how-to-exercise-safely-during-the-cold-season/
Get active during winter
https://www.heartfoundation.org.au/blog/get-active-during-winter
កំណែប្រែបច្ចុប្បន្ន
16/12/2022
អត្ថបទដោយ នូ សោភ័ណ្ឌ
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ ទូច សុខា
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម