ជាទូទៅ កោសិកាស្បែកចាស់ៗ កើតឡើងបណ្តាលមកពីកត្តាមួយចំនួនដូចជាកម្តៅថ្ងៃ ការលាងសម្អាត ឬជម្រុះកោសិកាមិនគ្រប់គ្រាន់ ជាតិពុលពីបរិយាកាស ក៏ដូចជាកត្តាវ័យកាន់តែច្រើន។ ការជម្រុះកោសិកាស្បែកជាប្រចាំ មានសារៈសំខាន់ណាស់ ពីព្រោះវាអាចជួយឲ្យស្បែកភ្លឺថ្លា លាបផលិតផលឆាប់ចូល បង្ការបញ្ហាស្ទះរន្ធរោម និងជួយបញ្ចៀសជំងឺស្បែកផ្សេងៗ។ ដូចនេះ ដើម្បីជម្រុះកោសិកាបានស្អាតល្អ ស្រីៗយើងអាចសាកល្បងអនុវត្តរូបមន្តម៉ាសមុខធម្មជាតិខាងក្រោមនេះ។
១. ស្បែកធម្មតា
- ម្សៅ Oatmeal ដែលកិនម៉់ត១ស្លាបព្រាបាយ
- ទឹកដោះគោជូរ១ស្លាបព្រាបាយ
- ទឹកឃ្មុំ១ស្លាបព្រាបាយ
របៀបធ្វើ៖
លាយគ្រឿងផ្សំបញ្ចូលគ្នានៅក្នុងកូនចានមួយ ដោយច្របល់ឲ្យសព្វល្អ សឹមលាបនៅលើផ្ទៃមុខ និងទុកចោលប្រហែល១៥ ទៅ២០នាទី ជាមួយនឹងការម៉ាស្សាថ្នមៗជារង្វង់ រួចលាងជម្រះចេញ។ ចុងក្រោយលាបក្រែមផ្តល់សំណើមដល់ស្បែកជាការស្រេច។
គ្នាយើងដឹងអត់ថា ម្សៅ Oatmeal គឺជាភ្នាក់ងារជម្រុះកោសិកាស្បែកដ៏មានប្រសិទ្ធភាព ដោយមិនធ្វើឲ្យរលាកស្បែកនោះទេ។ ចំណែកទឹកដោះគោជូរ ផ្ទុកអាស៊ីដ lactic acid ដែលជួយជម្រុះកោសិកាផង និងផ្តល់សំណើមដល់ស្បែកផង។ រីឯទឹកឃ្មុំ ជាភ្នាក់ងារកម្ចាត់បាក់តេរី និងជួយផ្តល់សំណើមដល់ស្បែកបានយ៉ាងល្អ។
២. ស្បែកស្ងួត
- ផ្លែប៊ឺរទុំកិនឲ្យម៉ត់ល្អ១ផ្លែ
- ទឹកឃ្មុំ១ស្លាបព្រាបាយ
- ប្រេងអូលីវ១ស្លាបព្រាបាយ
របៀបធ្វើ៖
លាយគ្រឿងផ្សំទាំង៣មុខបញ្ចូលគ្នា ដោយកូរឲ្យសព្វល្អ ទើបលាបនៅលើមុខ និងក។ ទុកចោលរយៈពេល១៥ ទៅ២០នាទី បន្ទាប់មកម៉ាស្សាថ្នមៗ ដើម្បីជម្រុះកោសិកាចេញ រួចលាងជម្រះជាមួយនឹងទឹកក្តៅឧណ្ហៗ។ ជាចុងក្រោយ ផ្តល់សំណើមដល់ស្បែកជាមួយនឹងក្រែមផ្តល់សំណើមជាការស្រេច។
[embed-health-tool-ovulation]
ផ្លែប៊ឺរសម្បូរទៅដោយអាស៊ីដខ្លាញ់ និងវីតាមីនជាច្រើនមុខ ដែលអាចជួយផ្តល់សំណើម និងចិញ្ចឹមបំប៉នស្បែក។ ទឹកឃ្មុំ ជួយផ្តល់សំណើមដល់ស្បែក និងជួយប្រឆាំងនឹងការរលាកស្បែក។ ចំណែកប្រេងអូលីវវិញជួយផ្តល់ជាតិទឹក និងជួសជុលរបាំងការពារស្បែកបានយ៉ាងល្អ។
យ៉ាងណាមិញ ស្រីៗយើងអាចជម្រុះកោសិកាចាស់ៗ ជាមួយនឹងម៉ាសមុខធម្មជាតិនេះចំនួនម្តងទៅ២ដងក្នុងមួយសប្តាហ៍ ហើយប្រសិនបើយើងមានបញ្ហាស្បែកអាលែកហ្ស៊ី ឬងាយប្រតិកម្ម គួរលាបម៉ាសនេះនៅលើដៃជាមុនសិន។
ចំណុចសំខាន់
អត្ថបទគួរអាន៖
- ស្រីៗយើង នេះជារបៀបធ្វើក្រែមលាបមាត់ងាយៗតាមបែប
- វិធីខាត់ស្បែកត្រឹមត្រូវ ការពារកុំឲ្យខូចស្បែកមិនដឹងខ្លួន
- វិធីសាស្រ្តធម្មជាតិធ្វើស្រ្កាប់ខាត់ស្បែកមុខ គួរសាកល្បង
- ចែកគ្នាដឹង! វិធីកម្ចាត់មុនក្បាលខ្មៅលើច្រមុះតាមបែបធម្មជាតិ
- ប្រែបបូរមាត់ពីខ្មៅស្រអាប់ទៅជាទន់ល្មើយផ្កាឈូក ដោយរូបមន្ត ៨ យ៉ាងនេះ
- តិចនិកកម្ចាត់ខ្លាញ់កកក្រោមស្បែកភ្លៅ ស្រីៗយើងចែកគ្នាដឹង
