ប្រទេសចិន មានប្រជាជនសរុប ប្រមាណ ១.៤០០លាននាក់ ច្រើនជាងគេ នៅក្នុងពិភពលោក តែប្រទេសនេះ ក៏កំពុងប្រឈមបញ្ហាមនុស្សចាស់ ជិត ២០០លាននាក់ កើតជំងឺរ៉ាំរ៉ៃ។
ចិនអើយចិន គ្រាន់តែមនុស្សចាស់ជិត ២០០លាននាក់ កើតជំងឺរ៉ាំរ៉ៃ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
គណៈកម្មការជាតិសុខាភិបាលចិន បញ្ជាក់ថា ចិនមានមនុស្សចាស់ លើស ១៨០លាននាក់ កើតជំងឺរ៉ាំរ៉ៃ ដោយ ៧៥% កើតជំងឺរ៉ាំរ៉ៃ លើសពី ១មុខ។ នៅឆ្នាំ២០១៨ អាយុរំពឹងទុកជាមធ្យមរបស់ពលរដ្ឋចិន គឺ ៧៧ឆ្នាំ ប៉ុន្ដែអាយុរពឹងទុកមានសុខភាពល្អវិញ គឺត្រឹមតែ ៦៨,៧ឆ្នាំប៉ុណ្ណោះ មានន័យថា នៅសល់ ៨ឆ្នាំទៀត ត្រូវរស់នៅជាមួយជំងឺ។
ដើម្បីដោះស្រាយបញ្ហានេះ រដ្ឋាភិបាលចិន បានប្រកាសឲ្យអនុវត្តគំនិតផ្ដួចផ្ដើមសុខភាពល្អរបស់ចិន ស្នើឲ្យលើកកម្ពស់សុខភាពមនុស្សចាស់ និងលើកកម្ពស់គុណភាពរស់នៅរបស់មនុស្សចាស់។ រដ្ឋាភិបាលចិន ក៏ប្រកាសធ្វើយ៉ាងណា កាត់បន្ថយអសមត្ថភាពក្នុងចំណោមមនុស្សចាស់ អាយុពី ៦៥-៧៤ឆ្នាំ និងកាត់បន្ថយកំណើនជំងឺភ្លេចភ្លាំង ក្នុងចំណោមអ្នកមានអាយុ ៦៥ឆ្នាំ និងលើសនេះ។
អត្ថបទពាក់ព័ន្ធ៖ មានចាស់ៗនៅផ្ទះ នេះជាវិធីការពារកុំឲ្យដួល នាំគ្រោះថ្នាក់ធំ
គួរបញ្ជាក់ថា នៅត្រឹមចុងឆ្នាំ២០១៨ ចិនមានមនុស្សចាស់ អាយុ ៦០ឆ្នាំ និងលើសនេះ ចំនួនប្រមាណ ២៤៩លាននាក់ និងអាយុ ៦៥ឆ្នាំ និងលើសនេះ មានចំនួនប្រមាណ ១៦៧លាននាក់។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម