ការដឹងសញ្ញាព្រមានជំងឺគ្រោះថ្នាក់សរសៃឈាមខួរក្បាល (Stroke) អាចជួយយើងចៀសផុតពីពិការភាព

ជំងឺគ្រោះថ្នាក់សរសៃឈាមខួរក្បាល ឬជំងឺស្ត្រូក (Stroke) ជាមូលហេតុចម្បង ដែលបណ្តាលឱ្យយើងពិការ និងគ្រោះថ្នាក់ដល់ជីវិត។ ជំងឺនេះអាចកើតឡើងចំពោះមនុស្សគ្រប់រូប គ្រប់វ័យ និងគ្រប់ពេល។ ការដឹងពីសញ្ញាព្រមានជំងឺនេះ អាចជួយយើងធ្វើការព្យាបាលទាន់ពេលវេលា។ តើសញ្ញាព្រមានជំងឺគ្រោះថ្នាក់សរសៃឈាមខួរក្បាលមានអ្វីខ្លះ ដែលយើងមិនគួរធ្វេងប្រហែស?

ជំងឺគ្រោះថ្នាក់សរសៃឈាមខួរក្បាល ឬជំងឺស្ត្រូក (Stroke) កើតឡើងនៅពេលសរសៃរឈាមក្នុងខួរក្បាលស្ទះ ឬបែក ដែលបង្អាក់ឈាមទៅចិញ្ចឹមផ្នែកណាមួយនៃកោសិកាខួរក្បាល។ ផ្នែកនៃកោសិកាខួរក្បាលដែលមិនបានទទួលអុកស៊ីសែន និងសារធាតុចិញ្ចឹមពីក្នុងឈាមនឹងខូច ឬងាប់ក្នុងរយៈពេលដល់ខ្លី។ ជាមធ្យម កោសិកាខួរក្បាល ១,៩ លាននឹងងាប់រៀងរាល់នាទី នៅពេលយើងកើតជំងឺគ្រោះថ្នាក់សរសៃឈាមខួរក្បាល ហើយមិនបានទទួលការព្យាបាលទាន់ពេល។ ការខូច ឬងាប់ផ្នែកណា មួយនៃកោសិកាខួរក្បាលអាចបណ្តាលឱ្យយើងពិការ ឬគ្រោះថ្នាក់ដល់ជីវិត ព្រោះខួរក្បាលគឺជាសរីរាង្គដែលគ្រប់គ្រងមុខងារផ្សេងៗរបស់រាងកាយ។

សញ្ញាព្រមានជំងឺគ្រោះថ្នាក់សរសៃឈាមខួរក្បាល ឬជំងឺស្ត្រូក (Stroke) មានដូចជា៖

• ចាប់ផ្តើមមានអាការៈទន់មួយចំហៀងខ្លួនភ្លាមៗ
• ស្ពឹក ឬវៀចមុខ ដៃ ឬជើង មួយចំហៀងខ្លួនភ្លាមៗ
• ចាប់ផ្តើមពិបាកនិយាយភ្លាមៗ និយាយលែងចេញ ឬនិយាយឡុលៗ
• វិលមុខ ឬមិនអាចទប់លំនឹងខ្លួនបាន
• ពិបាក ឬមិនអាចដើរ ឬធ្វើចលនាមិនបាន
• ដួលសន្លប់ ឬប្រកាច់
• ឈឺក្បាលខ្លាំងភ្លាមៗដោយមិនដឹងមូល
• ងងឹតភ្នែកម្ខាង ឬទាំងសងខាង

ចង់គណនា BMI ចុចទីនេះ!

កត្តាអ្វីខ្លះបង្កើនហានិភ័យកើតជំងឺគ្រោះថ្នាក់សរសៃឈាមខួរក្បាល ឬជំងឺស្ត្រូក (Stroke)?

កត្តាដែលអាចបង្កើនហានិភ័យកើតជំងឺគ្រោះថ្នាក់សរសៃឈាមខួរក្បាលមានដូចជា៖

• ការជក់បារី
• ការញុំាគ្រឿងស្រវឹងច្រើនហួសកម្រិត
• ប្រវត្តិគ្រួសារដែលមានជំងឺឈាមក្រហមរាងដូចកណ្តៀវ
• ជំងឺធាត់
• ការញុំាអាហារមានជាតិខ្លាញ់ ស្ករ និងអំបិលខ្ពស់
• ភេទស្រី

ជំងឺគ្រោះថ្នាក់សរសៃឈាមខួរក្បាល ឬជំងឺស្ត្រូក (Stroke)  គឺជាជំងឺគ្រោះថ្នាក់ ដែលត្រូវការការសង្រ្គោះបន្ទាន់។ ប្រសិនបើមានសញ្ញាព្រមានដូចបានរៀបរាប់ខាងដើម ត្រូវហៅឡានពេទ្យ ឬបញ្ជូនអ្នកជំងឺទៅមន្ទីរពេទ្យសង្រ្គោះជាបន្ទាន់។ ការសង្គ្រោះ និងព្យាបាលទាន់ពេលអាចជួយ យើង និងសមាជិកគ្រួសារឱ្យជាសះស្បើយ និងចៀសផុតពីពិការភាព។

អត្ថបទគួរអាន៖

• ស្រីៗកើតជំងឺEndometriosis ងាយប្រឈមគ្រោះថ្នាក់សរសៃឈាមខួរក្បាល
• Hemorrhagic stroke (​ជំងឺ​ដាច់សរសៃ​ឈាម​ខួរ​ក្បាល)
• គ្រោះថ្នាក់សរសៃឈាមខួរក្បាលអាចប៉ះពាល់ផ្លូវចិត្តយ៉ាងម៉េចខ្លះ?
• ការសិក្សាបារាំង៖ ធ្វើការលើសម៉ោងយូរ អាច​ដាច់សរសៃឈាមខួរក្បាល
• អ៊ីស្រាអែលរកឃើញវិធីថ្មី អាចជួយឲ្យចងចាំឡើងវិញ ក្រោយដាច់សរសៃឈាមខួរក្បាល

ចំណុចសំខាន់

• ចាប់ផ្តើមមានអាការៈទន់មួយចំហៀងខ្លួនភ្លាមៗ
• ស្ពឹក ឬវៀចមុខ ដៃ ឬជើង មួយចំហៀងខ្លួនភ្លាមៗ
• ចាប់ផ្តើមពិបាកនិយាយភ្លាមៗ និយាយលែងចេញ ឬនិយាយឡុលៗ
• វិលមុខ ឬមិនអាចទប់លំនឹងខ្លួនបាន
• ពិបាក ឬមិនអាចដើរ ឬធ្វើចលនាមិនបាន
• ដួលសន្លប់ ឬប្រកាច់
• ឈឺក្បាលខ្លាំងភ្លាមៗដោយមិនដឹងមូល
• ងងឹតភ្នែកម្ខាង ឬទាំងសងខាង